Morgunblaðið - 11.11.2010, Síða 4
4 FRÉTTIRInnlent
MORGUNBLAÐIÐ FIMMTUDAGUR 11. NÓVEMBER 2010
VIÐTAL
Móheiður Hlíf Geirlaugsdóttir
moheidur@gmail.com
Frá eyju í Karíbahafinu á aðra
eyju norður í hafi, er komin saman
fjölskylda í Kópavoginum. Eftir jarð-
skjálftann í höfuðborg Haítí, Port-
au-Prince, sem var 7 á Richter, var
eyðileggingin algjör. Haítí var illa í
stakk búið til að takast á við slíkar
hörmungar enda mjög fátækt land.
Íslendingar fylgdust vel með at-
burðunum, þökk sé íslensku björg-
unarsveitinni sem var fyrst á staðinn.
Þá þegar var farið að vinna með
Rauða krossinum við að hjálpa Haítí-
búum hér á landi að sameinast fjöl-
skyldum sínum. Marie Phania Rosa
og yngsta dóttir hennar, Cindy, hafa
verið búsettar hér um nokkurt skeið
og eru nú loksins búnar að sameinast
tveimur eldri börnum Marie, þeim
Klifford 11 ára og Frawenchu 14 ára,
ásamt ömmunni Marie Odette.
„Það var stuttu eftir jarðskjálftann
sem var farið að vinna í því að fá
börnin mín og móður hingað,“ segir
Marie.
En hvernig var fyrir hana að heyra
fréttirnar af skjálftanum svo langt í
burtu? „Það var hræðilegt,“ segir
Marie, og ljóst er að enn hvílir harm-
ur þungt í brjóstum fjölskyldunnar.
„Við misstum engan úr okkar nán-
asta hring. Ég var heima og börnin í
skólanum og skyndilega hrundi allt,
ég var á götunni og vissi ekkert um
börnin,“ segir amman Odette og
slettir kreólaorðum sem börnin þýða
jafnóðum.
„Síðan hefur uppbygging gengið
mjög hægt og áföll dunið á, rigning-
arnar, fellibylurinn Toma og nú síð-
ast kóleran sem er mjög slæm,“
segja mæðgurnar alvarlegar í
bragði.
Endurfundirnir
En er þá ekki gleðilegt að vera öll
komin saman? Því er yngsta systirin
fljót að svara játandi á íslensku og á
svip barnanna má sjá hreina gleði yf-
ir endurfundunum
og brúnin lyftist á
mæðgunum við
lífsgleði
barnanna. En
hverjar eru
vonir þeirra um að búa hér?
„Við höfum miklar vonir og vænt-
ingar til þess að byggja upp framtíð
hér, vegna þess að á Haítí er upp-
byggingin mjög hæg og ástandið erf-
itt, þar er litla sem enga von að fá,“
segir Marie en bætir svo við: „Auð-
vitað er aldrei að vita hvað framtíðin
ber í skauti sér, ég vildi gjarnan geta
heimsótt heimalandið þegar ástandið
er orðið betra.“
„Haítí-búar eru alltaf hræddir
vegna áfallsins, “ segir amman
Odette og þungbúinn svipur hennar
og fas segir meira en nokkur orð.
„Skólarnir í borginni Port-au-
Prince eru enn ekki komnir undir
þak eftir skjálftann og kóleran hefur
drepið hundruð manna,“ heldur hún
áfram.
Börnin tvö munu bráðlega fara í
skóla systur sinnar í Kópavogi og fá
hjálp frönskumælandi kennara, segir
Marie. Elsta stelpan, Frawencha,
segir feimin en röggsöm: „Ég hlakka
til að fara í skólann hér en ég held að
það sé pínu erfitt að læra íslensku.“
Systurnar standa í einum hnapp,
virðast ekki geta séð hvor af annarri
en bróðirinn kímir.
Skyndilega hrundi allt
Fjölskylda sem lifði af hörmungarnar á Haítí er nú sameinuð á Íslandi
Hafa miklar vonir og væntingar um að byggja upp framtíð hér á landi
Morgunblaðið/Kristinn
Endurfundir Þau voru ánægð að vera komin til Íslands til mömmu sinnar, Frawenchu 14 ára og Klifford 11 ára, ásamt ömmu sinni Marie Odette.
Björn Jóhann Björnsson
bjb@mbl.is
Héraðsdómur Reykjavíkur dæmdi nýverið
mann til greiðslu 120 þúsund króna sektar
fyrir að hafa keypt sér vændi í tvígang. Nafn
mannsins var ekki birt í dómnum en í Morg-
unblaðinu í gær var greint frá dómi yfir pilti á
átjánda aldursári fyrir vörslu á efni með
barnaklámi en nafn piltsins var birt í dómn-
um.
Spurningar hafa vaknað um hvort þarna
sé jafnræðis gætt hjá dómstólum við birtingu
nafna hinna ákærðu. Haft var eftir Símoni
Sigvaldasyni, formanni dómstólaráðs, í
blaðinu í gær að þegar menn væru sakfelldir
fyrir kynferðisafbrot væri nafnleyndar aðeins
gætt ef nafnið á hinum brotlega vísaði beint á
brotaþolandann, en í öðrum tilvikum væri
ekki nafnleynd. Nafnleyndar væri aldrei gætt
sérstaklega í málum ungra afbrotamanna.
Spurður hvort ekki hefðu sömu rök átt
að gilda í dómnum fyrir vændiskaupin, þ.e. að
nafnbirting hefði ekki vísað beint á brotaþol-
andann í því tilviki, segist Símon í samtali við
Morgunblaðið ekki geta svarað til um það.
Reglurnar hljóði þannig að ef nafngreining á
hinum brotlega leiði til þess að vitað sé hver
brotaþolinn er, þá eigi að gæta nafnleyndar.
„Það er síðan í höndum þess dómara sem fer
með málið að meta þetta atriði. Þannig eru
reglurnar úr garði gerðar. Þær eru leiðbein-
andi en dómstólaráð ætlast til þess að eftir
þeim er farið. Við höfum hins vegar ekki þá
stöðu að geta tekið ráðin úr höndum dómara.“
Hvort til greina komi að endurskoða
reglurnar, til að koma í veg fyrir misræmi í
nafnbirtingum í dómum, segir Símon að dóm-
stólaráð sé með þær til stöðugrar endurskoð-
unar. Nauðsynlegt sé að gæta jafnræðis en
dómstólar hafi einnig fylgt Hæstarétti eftir í
þessu efni sem öðru.
Íþyngjandi fyrir vændiskaupandann
Arngrímur Ísberg héraðsdómari kvað
upp dóminn um vændiskaupin. Hann segir
dóminn hafa verið birtan án þess að getið
væri nafna ákærða og annarra með heimild í
2. mgr. í 1. gr. reglna dómstólaráðs nr. 2/2009.
Þar segir: „Ef ætla má að birting dóms eða
úrskurðar sé sérstaklega íþyngjandi fyrir
hlutaðeigandi er rétt að taka úr dómi eða úr-
skurði frekari upplýsingar en mælt er fyrir
um í reglum þessum“. Arngrímur vildi ekki
svara því hvort þarna hefði frekar verið hlíft
hinum brotlega með nafnleynd en að nafnbirt-
ing hefði vísað á brotaþolann.
Jafnræðis ekki gætt í nafnbirtingum?
Nafn kaupanda vændis ekki birt í dómi en nafn pilts með klámefni er birt Dómara að meta
hverju sinni, segir formaður dómstólaráðs Reglur um nafnbirtingu í stöðugri endurskoðun
Úr dómi fyrir vændiskaup
» Í birtingu dóms fyrir vændiskaup er
nafn og kennitala ákærða afmáð en
merkja má að hann búi í einhverjum firði
og stundi fasteignaviðskipti.
» Var hann ákærður fyrir að hafa
keypt vændi í tvígang í Reykjavík, fyrir
alls 35 þúsund kr. Símtöl við vændis-
konur voru hleruð og í einu þeirra er sagt
að búið sé að „redda honum gellu“. Vildi
ákærði stúlku fyrir sig og félaga sinn og
að þær yrðu að vera hvítar, eins og segir í
dómnum.
» Í símtölum aðstoðarkonu vændis-
konunnar kom m.a. fram að tveir „kúnn-
ar“ væru á leiðinni, þetta væri „import-
ant people“ (mikilvægt fólk) og
stúlkurnar yrðu að líta vel út.
Símon Sigvaldason Arngrímur Ísberg
Jarðskjálfti sem mældist 7,3 stig
á Richter reið yfir Haítí þann 12.
janúar á þessu ári og átti hann
upptök sín við höfuðborgina
Port-au-Prince, sem varð einna
verst úti. Skjálftinn er einn sá
harðasti sem mælst hefur á eyj-
unni í tvær aldir, en margir harðir
eftirskjálftar sigldu í kjölfarið.
Byggingar hrundu og grófst fólk
undir rústum þeirra. Yfir 300
þúsund létust í hamför-
unum og að sögn
Sameinuðu þjóð-
anna er um ein og
hálf milljón íbúa nú
heimilislaus þar í
landi. Þeir hafa að
undanförnu þurft
að kljást við sjúk-
dóma, fátækt
og aukið of-
beldi.
Hamfarir
300 ÞÚSUND LÁTNIR
Yfir 80% þjóðarinnar, á aldrinum
12-80 ára, segjast heimsækja
fréttavefinn mbl.is í hverri viku.
Þá segist 61% heimsækja vefinn
daglega, samkvæmt fjölmiðlakönn-
un Capacent Gallup fyrir mán-
uðina ágúst til október. Það þýðir
að í kringum 150 þúsund Íslend-
ingar sem búsettir eru á Íslandi
fara daglega inn á mbl.is.
Hæsta hlutfall notenda mbl.is er
í aldursflokkunum 20-29 ára og
30-39 ára, tæplega 92% á viku.
Heldur hærra hlutfall karla en
kvenna notar vefinn, eða 82,6%
karla og 77,8% kvenna á viku.
Vefurinn mælist nú í fyrsta sinn í
þessari könnun með meiri notkun
en dagblöð sem gefin eru út í
landinu, hvort sem litið er til dag-
legrar notkunar eða vikulegrar.
Dagblaðalestur
minnkar óverulega
Útgáfufélagið Árvakur, sem á
og rekur mbl.is, gefur einnig út
Morgunblaðið og vikublaðið Moni-
tor. Samkvæmt mælingum Capa-
cent Gallup lesa 56% þjóðarinnar,
á aldrinum 12-80 ára, Morg-
unblaðið í hverri viku. Hæst er
hlutfallið í aldurshópnum 60-80
ára en rúm 69% þeirra segjast
lesa Morgunblaðið yfir vikuna.
Daglegur lestur dagblaða
minnkar frá síðustu mælinu en
óverulega. Nú lesa að jafnaði
60,9% fríblaðið Fréttablaðið dag-
lega en voru 61,4% í síðustu mæl-
ingu. Að jafnaði 31,5% lesa
áskriftarblaðið Morgunblaðið dag-
lega en var áður 32,1%.
Monitor í sókn
Rúm 22% þjóðarinnar lesa viku-
blaðið Monitor sem ætlað er ungu
fólki. Í aldurshópnum 12-19 ára
segjast tæp 37% lesa Monitor og
hefur lesturinn aukist um 9% frá
síðustu mælingu.
80% þjóð-
arinnar
heimsækja
mbl.is