Morgunblaðið - 26.11.2010, Blaðsíða 19

FRÉTTIR 19Erlent
MORGUNBLAÐIÐ FÖSTUDAGUR 26. NÓVEMBER 2010
Í gær héldu Bandaríkjamenn árlega þakk-
argjörðarhátíð sína og þótt kalkúnn væri víða á
borðum með tilheyrandi meðlæti gerðu menn
ýmislegt annað en að borða. Eins og venjulega
notuðu margir tímann til þess að heimsækja fjar-
stadda ættingja, skíðasvæði fylltust af fólki sem
og margir skemmtigarðar en í New York var
það Ronald McDonald sem stal senunni á 84.
þakkargjörðarhátíð Macys-verslunarinnar.
Reuters
Þakkargjörðarhátíð í Bandaríkjunum
Meira en helmingur allra víetnam-
skra eiginkvenna hefur þurft að
búa við líkamlegt, kynferðislegt eða
sálrænt ofbeldi af hálfu maka síns.
Þetta kemur fram í rannsókn,
sem ríkisstjórnin í Víetnam og
Sameinuðu þjóðirnar stóðu að, en
greint var frá niðurstöðunum í gær.
Þetta er fyrsta rannsóknin sem
gerð er í Víetnam um ofbeldi gagn-
vart konum, en slíkt ofbeldi er al-
varlegt vandamál í landinu og hefur
farið illa með margar konur, sam-
kvæmt niðurstöðunum. Ein af
hverjum þremur konum, sem eru
giftar eða hafa verið það, segir að
eiginmaður sinn hafi beitt hana lík-
amlegu eða kynferðislegu ofbeldi
síðustu 12 mánuði. Að viðbættu sál-
rænu ofbeldi – móðgunum, niður-
lægingu og hótunum – fer talan upp
í 58%.
Í mestri hættu
„Það er staðreynd að konur í Ví-
etnam eru í meiri hættu á að upp-
lifa ofbeldi heima fyrir en konur
annars staðar,“ segir Jean Marc
Olive, talsmaður Alþjóðaheilbrigð-
ismálastofnunarinnar (WHO) í Ví-
etnam. „Það þarf að aflétta þögg-
uninni.“
Nær 25% kvenna með börn undir
15 ára segja að eiginmenn þeirra
hafi beitt börnin líkamlegu ofbeldi.
Um 5% kvenna segja að þær hafi
verið beittar ofbeldi þegar þær hafi
verið ófrískar og um 10% kvenna
segja að karlmenn skyldir þeim
hafi beitt þær ofbeldi.
Um 3% kvenna segja að þær hafi
orðið fyrir kynferðislegu ofbeldi áð-
ur en þær urðu 15 ára og í flestum
tilfellum hafi verið um ókunnuga
menn að ræða.
Um 58% búa við ofbeldi
 Meira en helmingur allra víetnamskra eiginkvenna hefur þurft að búa við lík-
amlegt, kynferðislegt eða sálrænt ofbeldi af hálfu maka síns undanfarna 12 mánuði
„Konur í Víetnam
eru í meiri hættu en
aðrar á að upplifa of-
beldi heima fyrir“
Jean Marc Olive
Steinþór Guðbjartsson
steinthor@mbl.is
Valerie Amos, talsmaður Sameinuðu
þjóðanna, segir að þörf sé á að
minnsta kosti 1.000 hjúkrunarkon-
um og 100 læknum til viðbótar við
það hjúkrunarfólk sem fyrir er á
Haítí til þess að takast á við vandann
sem kólerufaraldurinn veldur í land-
inu.
En það vantar ekki aðeins starfs-
fólk á spítala og sjúkrastöðvar held-
ur eru nánast öll hjálpargögn,
sjúkravörur, hreinlætisvörur, lyf og
fleira af skornum skammti. Eins
þarf að auka fræðslu um kólerufar-
aldurinn og hvernig fólk eigi að
bregðast við. Valerie Amos segir
mikilvægt að halda kólerunni í skefj-
um til að reyna að lækka dánartíðn-
ina og bregðast þurfi skjótt við.
Um þriðjungur íbúanna býr í höf-
uðborginni og áætlað er að íbúatalan
þar tvöfaldist á næstu 15 árum. Í lok
september og byrjun október var
borgin hreinlega á floti vegna mikils
úrhellis og í kjölfarið gaus kóleran
upp, en um 1,5 milljónir manna eru á
vergangi. Fárviðri í byrjun nóvem-
ber bætti ekki úr skák.
Alþjóðasamfélagið hefur ekki upp-
fyllt óskir um nauðsynlegan fjár-
hagsstuðning, að sögn SÞ, og þótt
mikil aðstoð hafi verið veitt er þörfin
mikil og meðal annars hefur tölu-
verður fjárstuðningur farið til ým-
issa hjálparstofnana.
Eins og fram kom í gær hafa um
25.000 manns fengið aðhlynningu á
spítölum vegna kóleru á Haítí und-
anfarnar vikur og meira en 1.500
manns hafa látist, en útbreiðsla far-
aldursins er tvöfalt meiri en gert
hafði verið ráð fyrir. Fréttavefur
BBC hafði eftir talsmanni samtak-
anna Lækna án landamæra að út-
breiðslan væri svo mikil að í hvert
sinn sem ný sjúkrastöð væri opnuð
fylltist allt af sjúklingum á
svipstundu. Vegna umferð-
arhindrana í höfuðborg-
inni Port-au-Prince ættu
sjúklingar í erfiðleikum
með að komast leiðar
sinnar og ná á sjúkra-
stöð eða spítala í tæka
tíð. Hafa bæri í huga að
kólera gæti dregið menn
til dauða á fjórum tímum
eftir smit og sumir létust ein-
faldlega í umferðarteppu.
Alvarlegt ástand og
neyðarkall frá Haítí
 Þurfa 1.000 hjúkrunarkonur og 100 lækna til viðbótar
Haítí er um 27.750 km² að
stærð eða ámóta og Belgía.
Dóminíska lýðveldið er á aust-
urhluta eyjunnar, sem er í Kar-
íbahafinu.
Á Haítí búa um 9,9 milljónir
manna og eiga um 95% þeirra
ættir að rekja til þræla frá Afr-
íku. Fátækt er mikil, atvinnu-
leysi er 70 til 80% og að með-
altali verða íbúarnir ekki
eldri en um 30 ára.
Um helmingur íbú-
anna hefur ekki að-
gang að ómenguðu
vatni.
Þjóðin þrífst á landbúnaði
en hann er ekki upp á marga
fiska, þar sem jarðvegurinn
er slæmur og uppskeran
eftir því.
Mikil fátækt
og svart útlit
HAÍTÍ
Þremur táningum var í gær bjarg-
að nálægt Fiji-eyjum eftir að þeir
höfðu verið á reki í lítilli kænu úr
áli í 50 daga á Kyrrahafinu.
Strákarnir eru 14 og 15 ára
gamlir og voru taldir af eftir að leit
að þeim hafði ekki borið árangur.
Piltarnir eru frá eyjunni Toke-
lau, sem er um 1.420 km frá Fiji.
Túnfiskiskip fann strákana og var
haft eftir einum skipverjanna að
þeir hefðu verið langt leiddir lík-
amlega en mjög sterkir andlega.
Þegar strákarnir týndust áttu
þeir nokkrar kókoshnetur sem ent-
ust þeim í tvo daga. Á tímabili var
eina næringin rigningarvatn sem
þeir náðu að safna saman á segl-
dúki á nóttunni. Tveimur vikum
fyrir björgunina tókst þeim að
veiða fugl en síðustu tvo dagana
voru þeir farnir að drekka saltan
sjóinn.
KYRRAHAFIÐ
Þremur táningum
bjargað eftir 50
daga á reki
Í gær var staðfest að 62 ára maður
hefði misnotað dóttur sína í meira
en 30 ár og átt með henni 10 börn.
Þetta er alvarlegasta mál sinnar
tegundar í Argentínu og þótt víðar
væri leitað.
Maðurinn var handtekinn í júní
sl. vegna ásakana dótturinnar. Hún
segir að misnotkunin hafi byrjað
þegar hún var 13 ára og börnin séu
á aldrinum sjö til 27 ára, en sjálf er
hún 43 ára.
Systir konunnar hefur líka sagt
að faðir sinn hafi misnotað sig kyn-
ferðislega og hún hafi farið í fóstur-
eyðingu áður en hún flúði að heim-
an.
ARGENTÍNA
Eignaðist 10 börn
með dóttur sinni
Reuters
Börn Mörg börn hafa veikst úr kóleru á Haítí á undanförnum vikum, en um
25.000 manns hafa fengið aðstoð á spítala og meira en 1.500 látist.