Morgunblaðið - 26.11.2010, Blaðsíða 13

FRÉTTIR 13Innlent
MORGUNBLAÐIÐ FÖSTUDAGUR 26. NÓVEMBER 2010
Verjum fullveldið
Megininntak stjórnarskrár okkar er fjarri því að vera úrelt og
skemmst er að minnast gagngerrar endurskoðunar mannréttinda-
ákvæða hennar. Stjórnarskráin kom bankaþrotinu ekki við
og hún stendur ekki í vegi uppbyggingar eftir það. Afleitt
væri að eyðileggja stjórnarskrána, ofan á allt annað. Teikn
eru á lofti um að sótt sé að fullveldinu og þess vegna eigi
að gera breytingar á stjórnarskránni.
Nú er því mikilvægast af öllu að staðinn verði
traustur vörður um fullveldi landsins.
Stjórnarskrá er alvörumál. Þar er skipað grundvallar-
lögum hvers ríkis, sem standa eiga óháð dægurhug-
myndum, skyndilausnum og tískusveiflum.
Stjórnarskrá skal örsjaldan breytt og aðeins eftir
vandlega umhugsun og af fullri yfirvegun.
FRAMBOÐ TIL STJÓRNLAGAÞINGS 27. NÓVEMBER 2010
Netfang: thorsteinn.arnalds@gmail.com
Sími: 899 8643
Þorsteinn Arnalds, verkfræðingur
Auðkennistala
í kosningu 2358
Þorsteinn Arnalds 2358
Anna Lilja Þórisdóttir
annalilja@mbl.is
Kosningar til stjórnlagaþings eru á
morgun. Þar til í gær var óljóst
hvernig blindir og sjónskertir ættu
að bera sig að í kjörklefanum, en þeir
hafa lýst yfir óánægju með vinnu-
brögð dóms- og mannréttindaráðu-
neytisins.
Þingflokkur Sjálfstæðisflokksins
lagði fram frumvarp í gær um breyt-
ingar á kosningalögum í því skyni að
jafna aðstöðu blindra og sjónskerta í
kjörklefanum.
Frumvarpið var rætt utan dag-
skrár á fundi allsherjarnefndar í
gær. Að sögn Róberts Marshall, for-
manns nefndarinnar, var það ekki
rætt frekar að sinni. „Það getur vel
verið að við gerum breytingar á
kosningalögunum. En það verður
ekki gert einum til tveimur dögum
fyrir kosningadag,“ sagði Róbert í
samtali við Morgunblaðið í gær. At-
kvæðagreiðslu utan kjörfundar lýk-
ur á hádegi í dag.
Ekki ástæða til að setja lög
„Fulltrúi kjörstjórnar mun ekki
fara með inn í kjörklefann, það næg-
ir að hafa aðstoðarmann með sér,“
segir Ögmundur Jónasson, dóms- og
mannréttindaráðherra. „Hann und-
irritar pappír, sem tryggir aðkomu
kjörstjórnar að þessari ákvörðun.“
Ögmundur segir að ekki hafi þótt
ástæða til að renna skýrari lagastoð
undir þetta og því hafi frumvarpið
ekki komið til umræðu.
Fundi Ögmundar með Gísla
Helgasyni og Ragnari Aðalsteins-
syni lauk í fyrradag án nokkurrar
niðurstöðu, en Gísli er einn fimm
blindra og sjónskertra einstaklinga,
sem rituðu ráðherranum bréf þar
sem athugasemdir voru gerðar við
fyrirkomulag kosninganna.
„Ráðherra sleit fundinum, þegar
við vildum ekki fallast á að hafa full-
trúa kjörstjórnar inni í kjörklefan-
um. Við skildum í hálfgerðum stytt-
ingi,“ segir Gísli. „Hann var mjög
harður á því að fulltrúi ríkisins væri
viðstaddur vegna þess að það væri
svo auðvelt að misnota þetta fólk.“
Engin lausn frá ráðherra
Gísli segist ánægður með niður-
stöðuna sem náðist í gær og segir
hana vera samhljóða varakröfu, sem
sett var fram á fundinum í fyrradag.
„Komið hefur fram í fjölmiðlum að
Ögmundur Jónasson hafi lagt til
lausnir. Það er ekki rétt. Hann kom
ekki fram með eina einustu lausn eða
hugmynd um hvernig hægt væri að
leysa þetta.“
Hann segir að yfirleitt sé fram-
kvæmd kosninga á þann veg að
blindir og sjónskertir geta notast við
spjöld með upphleyptum stöfum.
„Ráðuneytið ákvað að sú leið væri
ekki fær við þessar kosningar. Ég
veit ekki hvort hún var könnuð af
einhverri alvöru.“
Gísli segist binda vonir við að í
framtíðinni verði blindum og sjón-
skertum gert kleift að kjósa rafrænt.
„En það verður aldrei hægt að búa
til svo fullkomið kosningakerfi að
það þurfi ekki einhverjir aðstoð.“
Blindir fá að kjósa án fulltrúa
kjörstjórnar inni í klefanum
Morgunblaðið/Golli
Fundur Á fundi með dómsmálaráðherra í fyrradag komu ekki fram neinar lausnir að mati Gísla Helgasonar.
 Segja ráðherra
ekki hafa komið
með neinar lausnir
Umræðan seint af stað
» Hvers vegna fer þessi um-
ræða fram svona skömmu fyrir
kosningar?
» Gísli segir að þetta hafi ver-
ið athugað fyrir nokkrum vik-
um. „Við vöknuðum þá við
vondan draum. En það er
spurning hvort við eigum alltaf
að þurfa að berjast fyrir því
sem er búið að binda í lög.“
83% þátttakenda
í könnun, sem
MMR gerði segj-
ast vera andvíg
því að leyfa
neyslu kannabis-
efna. Af þeim
sem tóku afstöðu
var 68,1% sem
sagðist mjög
andvígt, 15% sögðust frekar and-
víg, 9,1% var frekar fylgjandi og
7,8% sögðust mjög fylgjandi.
Nokkur munur reyndist á afstöðu
svarenda eftir kyni, aldri og heim-
ilistekjum. Af þeim sem tóku af-
stöðu voru 25% karla, samanborið
við 9,1% kvenna, sem sögðust fylgj-
andi því að neysla kannabisefna
yrði gerð lögleg á Íslandi. Þá sögð-
ust 34,6% þeirra sem tóku afstöðu á
aldrinum 18 til 29 ára fylgjandi því
að neysla kannabisefna yrði gerð
lögleg samanborið við 13,5% í ald-
urshópnum 30-49 ára og 7,1% í ald-
urshópnum 50-67 ára.
Þá sögðust 38,3% þeirra, sem
tóku afstöðu og búa á heimilum
með mánaðartekjur undir 250 þús-
und krónum, fylgjandi því að neysla
kannabisefna yrði gerð lögleg
samanborið við 11,6-16,2% í öðrum
tekjuhópum.
Ef karlar á aldrinum 18-29 ára
eru skoðaðir sérstaklega þá kemur
í ljós að 51% þeirra sem tóku af-
stöðu sagðist fylgjandi því að
neysla kannabisefna yrði gerð lög-
leg á Íslandi. Þetta er töluvert
hærra hlutfall en meðal kvenna í
sama aldurshópi, en 19,4% þeirra
sögðust því fylgjandi að neysla
kannabisefna yrði gerð lögleg.
Mikil andstaða
við neyslu
kannabisefna
Einar Örn Gíslason
einarorn@mbl.is
Að sögn Björns Blöndal, aðstoðar-
manns Jóns Gnarr, borgarstjóra
Reykjavíkur, hefur lítið þokast í við-
ræðum borgarinnar og ríkisstjórnar
vegna skertra framlaga til sveitarfé-
laga á næsta ári. Fram kom í bókun
fulltrúa Besta flokksins og Samfylk-
ingarinnar á borgarráðsfundi hinn
21. október síðastliðinn að niður-
skurðurinn þýddi auknar byrðar á
borgina sem næmi 845 milljónum
króna á næsta ári. Ef ekki yrði breyt-
ing á fjárlagafrumvarpinu þýddi það
að „óbrúað bil“ í fjárhagsáætlun
næsta árs yrði 1.720 milljónir, „sem
ná þarf með auknum tekjum og auk-
inni hagræðingu“.
Greiða ekki bætur áfram
Skerðing framlaga ríkisins, sem
snertir öll sveitarfélög, skýrist af því
að ríkið kemur ekki til með að bæta
sveitarfélögum 1.200 milljónar
kostnaðarauka sem hlýst af hækkun
tryggingagjalds líkt og gert var í ár.
Ríkissjóður greiddi bæturnar í formi
viðbótarframlags í Jöfnunarsjóð
sveitarfélaga. Sveitarfélögin höfðu
gert ráð fyrir þessum fjármunum, en
samkvæmt fjárlögum verða bætur
ekki greiddar á næsta ári. Jafnframt
er gert ráð fyrir því að framlag ríkis-
ins til húsaleigubótakerfisins dragist
saman um 556 milljónir, eða um 20%.
Alls nemur niðurskurður framlaga
til sveitarstjórnarmála samkvæmt
fjárlögum um 2.800 milljónum króna.
Óviðunandi hjá ríkinu
Borgarráð Reykjavíkurborgar fól
Jóni Gnarr borgarstjóra á fundi sín-
um í lok október að taka upp viðræð-
ur við forystu ríkisstjórinnar, í sam-
vinnu við önnur sveitarfélög um
tryggingagjalds- og húsaleigubætur.
Í samþykkt borgarráðs er það
sagt óviðunandi að „ríkið velti hag-
ræðingarþörf sinni yfir á sveitar-
félögin á þessum tímum.“ Björn seg-
ist ekki hafa gefist upp varðandi
tryggingagjöldin. Ekki sé heldur bú-
ið að skera úr um húsaleigubæturn-
ar.
Aldís Hafsteinsdóttir, bæjarstjóri
í Hveragerði, benti á það í erindi sínu
á fjármálaráðstefnu sveitarfélaga í
síðasta mánuði að óhjákvæmilegt
væri að sveitarfélög drægju úr
greiðslu húsaleigubóta í samræmi
við niðurskurðinn frá ríkinu. Þetta
kæmi þeim tekjulægri einna verst,
og væri að því leyti „verulega van-
hugsað útspil.“ Um 80% þeirra sem
þægju húsaleigubætur væru með
undir 2 milljónir króna í árstekjur.
Þetta væri sá hópur „sem á hvað erf-
iðast um þessar mundir,“ sagði Aldís.
Lítið þokast í við-
ræðum sveitar-
félaga og ríkisins
 Óvíst hvort ríkið
bætir sveitarfélög-
um upp hækkun
tryggingagjalds
Morgunblaðið/Heiddi
Halli Brúa þarf stórt bil í fjármálum
Reykjavíkurborgar á næsta ári.