Morgunblaðið - 24.12.2010, Side 45

24. desember 2010 45
Lífsstíll
H
vað ætli hafi orðið um sumarið já eða haust-
ið? Skyndilega eru komin jól og allt dettur í
dúnalogn. Loksins er kominn tími til að leyfa
öllu að standa í stað, hangsa á náttfötunum,
borða konfekt í morgunmat og lesa jólabækurnar langt
fram á nótt. Ég nýt, vil ég meina, þeirrar gæfu að þurfa
ekki að fara í nein jólaboð með organdi
smábörnum og timbruðum frænkum
eins og þeir Baggalútsmeðlimir syngja
svo skemmmtilega um í einu laga
sinna. Á aðfangadagskvöld eru rjúpur
hjá mömmu eins og alltaf og svo rjúpu-
lettur í hádeginu daginn eftir þegar all-
ir eru nokkurn veginn vaknaðir. En
engan veginn klæddir, enda gildir
náttfataregla á æskuheimilinu á jóla-
dag. Svo er lesið þangað til augun í
heimilisfólkinu standa á stilkum og svo
fer maður nú kannski í bað á milli
kökuhlaðborðs og kvöldmatar. Annar í jólum er svo
pabbadagur þegar við systkinin klæðum okkur og höld-
um til pabba og konunnar hans. Þá tekur við sama rút-
ínan, borða góðan mat, horfa á sjónvarpið og kannski
spila smá. Það má á þessum degi, ekki jóladegi því þá
skemmtir maður skrattanum! Svona líða jóladagarnir
með stútfullan maga af góðum mat og bros á vör og þá er
enn eftir að fara til ömmu og afa á milli jóla og nýárs.
Borða meira gott og hlæja sig máttlausan yfir eins og 100
gömlum slides-myndum af fjölskyldunni í gegnum tíð-
ina.
Jólin eru alltaf jafnsérstakur tími en ég man samt vel
eftir því þegar ég fann ekki fyrir sömu spennunni lengur.
Það var um jólin eftir að ég fermdist. Mér fannst vissulega
gaman að jólin væru að koma, rétt eins
og nú, en ég fann ekki þessa barnslegu
tilhlökkun sem ég hafði fundið þangað
til þá. Smám saman tók notalegheita-
tilfinningin við og auðvitað var alveg
sérstaklega gaman að koma heim um
jólin meðan maður bjó í útlöndum. Nú
er notalegheitatilfinningin í hámarki
en um leið er þessi tími alltaf dálítið
ljúfsár líka einhvern veginn. Ég get
ekki alveg fest fingur á hvers vegna en
held ég sé bara orðin svona gömul og
meyr. Í ár er jólafríið óvenjustutt, svo-
kölluð atvinnurekendajól eins og þau hafa stundum verið
nefnd. Því er um að gera að njóta þeirra eins og hægt er,
slappa vel af, njóta samvista við fjölskyldu og vini og
borða góðan mat þangað til maður þarf að leggjast í sóf-
ann. Eftir jólin taka nefnilega við janúar og febrúar og all-
ir þessir vesenis löngumánuðir fram á vor. Þá er hvort
sem er ekkert skemmtilegt að gera og nógur tími til þess
að fara í ræktina, borða gulrætur og vera duglegur.
Jól á
náttfötum
Jæja þá eru jólin loksins komin
og spennan í hámarki. Ungir
sem aldnir njóta hátíðarinnar
saman og hafa það notalegt.
María Ólafsdóttir
maria@mbl.is
Þá eru jólin komin og ungir sem aldnir örugglega orðnir mjög spenntir og glaðir eins og þessi litla stúlka.
Morgunblaðið/Golli
’
Loksins er kom-
inn tími til að
leyfa öllu að
standa í stað, hangsa á
náttfötunum, borða
konfekt í morgunmat
og lesa jólabækurnar
langt fram á nótt.
Nú fer hin ljúfa lykt af jólamatnum að fylla loftið og við
eldavélar landsmanna er staðið löngum stundum við
að elda allt gúmmelaðið ofan í mannskapinn. Það get-
ur alltaf gerst í öllu amstrinu að sósan brenni við eða
eitthvað fari ekki alveg eins og það á að fara. Þess
vegna er gott að hafa birgt sig vel upp af rjóma, smjöri
og öðru slíku grunnhráefni ef nauðsyn reynist að byrja
upp á nýtt. Sumir eru líka þegar búnir að gera hluta
meðlætisins fyrirfram eins og t.d. salöt ýmiss konar
sem grynnkar þá aðeins á eldamennskunni.
Ilmurinn úr eldhúsinu
Hamborgarhryggur er vinsæll jólamatur.
Morgunblaðið/Kristinn
Malt og appelsín er
nokkuð sem er, má
segja, ómissandi á jóla-
borð Íslendinga og lang-
flestir sem gæða sér á
slíku blandi með jóla-
matnum. Vissulega
blandar hver með sínu
nefi og misjafnt hvort
fólki finnst betra að
setja meira af appelsíni
eða malti í hina full-
komnu blöndu. Í bækl-
ingi frá Ölgerðinni er
rætt um hvernig best sé
að bera sig að og segir
að ef appelsíninu sé
hellt út í maltið geti froð-
an orðið erfiðari við-
ureignar. Fyrsti dykkurinn sem Ölgerð Egils Skalla-
grímssonar framleiddi var hið eina sanna Egils
Maltextrakt. Appelsínið kom síðan til sögunnar árið
1955 og fljótlega upp úr því varð til sú skemmtilega
hefð að blanda drykkjunum tveimur saman. Ekki er vit-
að hverjum datt það í hug eða hvers vegna, en líklegt
er að það hafi verið til þess að drýgja maltið, sem var
álitið munaðarvara á þessum tíma.
Ómissandi jólablanda
Ekki eru allir sammála um
réttu hlutföllin.
Á jólunum megum við ekki gleyma ferfæt-
lingunum vinum okkar og margir sem gera
enn betur við gæludýrin á jólunum. Sumir
gefa þeim gjafir en ekki er víst að hvutti sé
alltaf sæll og glaður að vera klæddur í
krúttlegu peysuna sem finnst í pakkanum
hans.
Lúxus fyrir alla
Þá er kannski betra að gefa gæludýrunum
eitthvað sem þau fá ekki á hverjum degi.
Rjóma og rækjur handa heimiliskettinum
og girnilegt bein handa hundinum. Fyrir þá
sem eiga dýr sem eru þægileg í meðförum
er svo auðvitað til ýmiss konar mjög svo
sætur fatnaður að klæða þau í. Allt frá
bleikum baðsloppum og náttfötum til
sokka, samfestinga og jakka. Svo er bara
að passa að heimilisdýrin éti nú ekki jóla-
skrautið af trénu, hvolpar geta verið voða-
lega vitlausir, og komist ekki óáreittir í kon-
fektið. Það getur haft óskemmtilegar
afleiðingar í för með sér fyrir eigendurna.
Jólalegir
ferfætlingar
Þessi hvutti virðist ósköp sætur og glaður með sína jólagjöf.