Morgunblaðið - 22.01.2011, Síða 11

DAGLEGT LÍF 11
MORGUNBLAÐIÐ LAUGARDAGUR 22. JANÚAR 2011
Karl Andersen, læknir hjá
Hjartavernd, segir að tíðni
hjartasjúkdóma hafi
lækkað á Íslandi á síðustu
25 árum um 70%. „Ef það
væri sami hraði á æða-
sjúkdómum 2006 og var
1980 myndi muna um eitt
dauðsfall á dag á Íslandi.
Hjartasjúkdómar eru á
hraðri niðurleið. Það er
aðallega þrennt sem skýr-
ir það; árin fyrir 1980
reyktu 40% Íslendinga en
í dag reykja 12%. Kólest-
eról hefur lækkað um næstum því einn heilan á þessu tímabili og blóð-
þrýstingur hefur lækkað. Síðan eru aðrir þættir sem hafa áhrif eins og
hreyfing, offita og sykursýki. Offita og sykursýki eru hvort tveggja á upp-
leið hjá okkur og við höfum verulegar áhyggjur af því að það muni eyði-
leggja þennan góða árangur á næstu tíu til þrjátíu árum. Hjarta-
sjúkdómar eru mikið háðir því hvernig fólk hagar sér, 90% af öllum
hjartaáföllum skýrast af hlutum sem við getum stjórnað í okkar lífsstíl,“
segir Karl.
HJARTAVERND
Útskrifuð Karl
Andersen útskrifar
blaðamann við
hestaheilsu.
Tíðnin hefur lækkað um 70%
Morgunblaðið/Golli
Hjartalínurit Blaðamaður átti að anda djúpt og slappa af þegar Sigríður tók hjartalínuritið.
Hæð, þyngd og hjartalínurit
Sigríður byrjaði á að mæla hæð
mína og var ég einum sentimetra
hærri en ég hélt að ég væri. Næst var
það vigtin sem reiknaði líka út þyngd-
arstuðul minn og fituhlutfall, mitt-
ismálið var tekið með gamaldags mál-
bandi. Þá var það hjartalínuritið, ég
lagðist á bekk þar sem Sigríður setti
klemmur um ökkla og úlnliði og nema
víðsvegar á brjóstkassann, svo spýtti
vélin út úr sér línuriti sem virtist líta
eðlilega út. Þá var grunnskoðun lokið
og ég hélt heim á leið. Að láta tékka á
hjartanu í sér er enginn tímaþjófur.
Nokkrum dögum síðar mætti ég
til Karls Andersen læknis til að fá
niðurstöður áhættumatsins. Hann
byrjaði á að fara með mig í gegnum
spurningalista varðandi áhættuþætti
og ættarsögu. Þá mældi hann aftur
hjá mér blóðþrýstinginn og hlustaði
hjartað sem var víst innblásið af Ís-
landi og sló eins og frumskóg-
artromma. „Þú ert með eðlilega
hjartahlustun, eðlilegt hjartalínurit
og góðan blóðþrýsting,“ sagði Karl og
hjarta mitt hoppaði af kæti. Næst var
að kíkja á mælingarnar sem voru
gerðar í fyrri heimsókninni. Á blaðinu
mátti sjá mælingar mínar og svo
æskileg gildi m.v. aldur, kyn, hæð og
þyngd. Allt leit mjög vel út fyrir utan
fituhlutfallið sem var heldur hátt, það
þýðir víst ekki að ég sé of feit heldur
að það vanti á mig vöðva sem er lík-
lega mjög rétt.
„Hér má sjá að heildarkólesteról
hjá þér er 5,27 en það er æskilegt að
það sé undir 5,“ sagði Karl og bætti
svo við að það væri allt í lagi því góða
kólesterólið hjá mér væri mjög hátt
sem þýddi að ég væri með góða fitu-
samsetningu.
Góða og vonda kólesterólið
„Kólesteról skiptist í tvo und-
irhópa, HDL sem er gott kólesteról
og LDL sem er vont kólesteról og þú
ert undir viðmiði í LDL. Það má lesa
út úr fitugildunum að þú borðar holl-
an mat. En þetta ræðst líka að hluta
til af erfðafræðilegum þáttum,“ sagði
Karl og benti mér á fleiri tölur sem
þýddu að ég væri ekki með sykursýki
og langt frá því að vera blóðlaus. Þá
sýndi hann mér reiknivélina sem má
finna á heimasíðu Hjartaverndar.
„Hér má reikna út líkurnar á því að
maður fái hjartasjúkdóm eftir tíu ár
með því að færa gildin sín inn. Við
notum þetta reiknimódel til að benda
á hvaða áhættuþætti fólk getur lag-
að,“ sagði Karl og reiknaði út að það
væru 0,1% líkur á að ég fengi krans-
æðasjúkdóma á næstu tíu árum. Er
það sambærilegt við meðaltal jafn-
aldra kvenna á Íslandi. „Konur eru
ólíklegar til að fá kransæðasjúkdóma
fyrir tíðarhvörf, kvenhormónin eru
æðaverndandi. Þegar þær eru komn-
ar yfir tíðarhvörf eykst áhættan mik-
ið. Karlar fá hjartasjúkdóma tíu árum
fyrr en konur. Þannig að þín áhætta
nú er svipuð og hjá 23 ára strák,“
sagði Karl að lokum og með því var
ég útskrifuð við hestaheilsu með nið-
urstöðurnar útprentaðar á skjali.
Stærð Mittismálið var tekið.
www.hjarta.is
ÍS
L
E
N
S
K
A
S
IA
.I
S
53
22
0
01
/1
1
*Innifalið: Flug, flugvallarskattar, gisting með morgunverði í eina nótt, aðgöngumiði á tónleika Páls Óskars og EUROVISION-stjarna ásamt þriggja rétta kvöldverði og aðgöngumiða á dansleik.
PÁLL ÓSKAR OG
EUROVISION-
STJÖRNUR ÍSLANDS
Í KÖBEN 5. MAÍ 2011
VERÐ Á MANN FRÁ:
89.900* KR. Í TVÍBÝLI I 99.900* KR. Í EINBÝLI
EINSTÖK TÓNLISTARUPPLIFUN
FYRIR HÓPA OG KLÚBBA.
Eurovision-stórtónleikar í Cirkus í Kaupmannahöfn þar sem Páll Óskar skemmtir ásamt fjölda söngvara sem hafa allir tekið þátt í söngvakeppninni á árum áður.
Tónleikarnir fara fram undir borðhaldi þar sem snæddur verður glæsilegur þriggja rétta kvöldverður meðan listamennirnir skemmta gestum.
Síðan verður dansleikur og stanslaust stuð til kl. 02.00 þar sem Páll Óskar sér um tónlistina og heldur uppi fjörinu eins og honum er einum lagið.
Nánari upplýsingar á www.icelandair.is
REGÍNA ÓSKJóhanna Guðrún
Stebbi & Eyfi
Björgvin Halldórsson
Friðrik ÓmarSelma BjörnsICYHera BjörkPÁLMI GUNNARSSON, EIRÍKUR HAUKSSON & HELGA MÖLLER