Svanir - 01.05.1939, Síða 47

43
IX. Verkfæri.
Árið 1919 er fyrst keyptur plógur af einstökum bónda
og líða svo allmörg ár. Nú eru 4 plógar í sveitinni eign
einstakra bænda. Herfi komu um líkt leyti og plógurinn,
eru nú sex herfi til, auk herfa Búnaðarfélagsins. Fyrsta
sláttuvélin er keypt 1929 og svo hver af annarri; eru nú 9
sláttuvélar í dalnum. Fyrsta rakstrarvélin er keypt 1932,
og eru þær nú 3 til í sveitinni. Kerra og aktýgi eru til á
hverjum bæ, sumstaðar fleiri en ein kerra.
Víðast hvar mun vera hætt að binda töðu í reipi; er hún
allvíðast flutt heim á sleðum en á nokkrum bæjum á vögn-
um. Úthey er almennt bundið og flutt heim á klökkum. —
Einstöku býli eru þó farin að aka heyinu heim á vögn-
um og á nokkrum bæjum er útheyið flutt heim á bílum,
þar sem engjavegur er mjög langur, t. d. frá Hvammi,
Hóli, Háreksstöðum og .Króki. Allir eiga þessir bæir engi
á Dysey og flytja heyið heim þaðan á bílum.
X. Húsabætur.
Byggingarnar yfir fólk og fénað hafa verið eitthvert
mesta vandamál hverrar kynslóðar. Má heita svo, að hver
kynslóð hafi orðið að byggja einu sinni til tvisvar yfir
sig. Um og fyrir 1890 voru eingöngu torfbæir hér í daln-
um. Má geta nærri, hvernig þær byggingar hafi verið, þar
sem á flestum jörðum í sveitinni er hvorki til nýtileg
stunga eða torfrista.
1890—1891 er byggt timburhús í Hvammi. Er það með
hlöðnum steinlímdum kjallara, ein hæð og port, allt járn-
varið. Var húsið í upphafi vandað og vel byggt og stend-
ur það enn. 1895 er byggt steinsteypt íbúðarhús í Sveina-
tungu. Er það mikið hús og vandað og allgott ennþá. Nú
eru 7 steinsteypuhús, af þeim eru 3 ný, 6 timburhús, járn-
varin, 9 bæir, með blandaðri byggingu, steinsteypu, timbri,
járni og torfi. Heyhlöður er byrjað að byggja um alda-
mót 1900. Fyrstu heyhlöðurnar voru byggðar í Sveina-
tungu. Fyrsta steinsteypuhlaðan var byggð í Hvammi 1925.
Nú eru 7 hlöður steinsteyptar að mestu leyti, 28 hlöður af