Svanir - 01.05.1939, Síða 62

56
frá 1888—1889. Séra Gísli Einarsson, Hvammi, frá 1889
—1894 og 1898—1901. Jón Eyjólfsson, Háreksstöðum, frá
1894—1898. Jóhann Eyjólfsson, Sveinatungu, frá 1901—
1915. Einar Bjarnason, Skarðshömrum, frá 1915—1922.
Sverrir Gíslason, Hvammi, frá 1922.
Það hefir orðið stórfelld breyting á atvinnulífi þjóðar-
innar, í samgöngum, í lifnaðarháttum, í skólamálum og í
hugsunarhætti. Fjallasveitirnar hafa ekki farið á mis við
breytingarnar, þótt þeirra gæti sennilega mismikið í hinum
ýmsu byggðarlögum. Kynslóðir hafa komið og farið og
öld eftir öld hefir landið verið afhent frá kynslóð til kyn-
slóðar án nokkurra varanlegra verðmæta, sem fólkið hefir
skapað. Með nokkrum undantekningum eru öll verðmæti,
sem eru mannanna verk hér í dalnum, verk þeirra manna,
er nú byggja hann, að frátöldu því, er ríkið hefir gert, veg-
ir, brýr og sími. Hvað hefir þá áunnizt síðan um alda-
mótin 1900? Miðað við mannfjölda hefir nautgripaeignin
þrefaldazt, sömuleiðis sauðféð, hrossaeignin tvöfaldazt,
ræktun garðávaxta 11—12-faldazt og töðumagn því nær
tvöfaldazt. Tækni í notkun vinnuvéla, notkun fóðurs og með-
ferð búpenings aukizt stórkostlega. Um aldamótin síðustu
voru 6 jarðir í dalnum í sjálfsábúð, nú eru þær 18, aðeins 4
í leiguábúð. Um aldamótin var verð íslenzkra afurða mjög
lágt og verkunarástand þeirra lélegt. Verzlunin var í hönd-
um útlendinga, og sniðin eftir þeirra höfði, en ekki eftir
þörfum fólksins, sem átti við hana að búa. Smátt og smátt
hefir þetta breytzt með vaxandi menningu bændastéttar-
innar. Dalbúar hafa átt sinn þátt í umbótunum á verzlun-
arsviðinu og verkunarumbótum innlendra vara. Skilning-
ur þeirra hefir farið stöðugt vaxandi á nauðsyn þess, að
bændurnir færu sjálfir með verzlunina, og ynnu í félagi að
verkun og sölu innlendu varanna. Nú er svo komið, að
bændur hér í sveit verzla allir að mestu og margir að öllu
leyti við sína eigin verzlun, kaupfélagið, og afhenda því af-
urðir sínar til verkunar og sölu. Þeir hafa í félagi við aðra
héraðsbúa byggt upp sitt eigið kaupfélag, sláturhús með
frystihúsi og mjólkurstöð. Bændur seldu mjólk árið 1938