Svanir - 01.05.1939, Síða 102

92
manns á „Laxfossi“ (Stefán var um 18 ára að aldri, en ég
10 ára), vorum búnir að gefa í fjósið og moka og stóðum
sinn í hvorum bás. Lýsislampi hékk í einni stoðinni, stillt
og glatt logandi, og vorum við eitthvað að tala saman.
Fjósi var svo fyrir komið, að aðalfjósið var tvístætt með
flór í miðju og tveim hurðum fyrir; fram af því var rang-
hali, eða fjós fyrir geldneyti, og var beinn gangur út úr
báðum fjósunum til vesturs. Þetta var um kvöld; stjörnu-
bjart var, gott veður og þíð jörð. Allt í einu heyrum við
hark mikið á fjósþakinu og virtist sem titringur fari um
allt fjósið; var það þó traustlega gjört af rekaviði. Ekki
leið á löngu þar til svo var að heyra sem hörð húð væri
dregin á freðinni jörð niður þekjuna og fylgdi því sker-
andi og ámátlegt ýlfur. Á sömu stundu slokknaði ljósið
hjá okkur, svo að ekki sást skar á kveiknum. Ekki höfð-
um við eldfæri hjá okkur, og þurftum því að fara heim
í bæ til þess að kveikja. Stefán gekk á undan mér út úr
innra fjósinu, en ég hélt aftan í hann. Þegar hann kom
út úr innra fjósinu, nam hann snögglega staðar; ég spyr
hann, hvort við eigum ekki að halda áfram. „Ekki strax“,
kvað hann. Mér verður þá litið til dyra, sem áttu að vera
opnar og blasa við beint framundan oldtur og skammt
frá, en þær var hvergi að sjá. Leið svo nokkur stund, þó
ekki löng, þar til allt í einu að þær opnuðust sem hurð
hefði verið tekin frá þeim. Fórum við þá leiðar okkar
heim í bæ, kveiktum á lampa okkar, létum hann í dall,
breiddum yfir og bárum á leið til fjóss. Þegar við erum
komnir miðja vegu, sjáum við að ríðandi maður með
hestalest kemur götuna heim að fjósinu; er þar kominn
Sigurður oddviti frá Svignaskarði og biðst gistingar, sem
var auðfengin. Getur hann þess um kvöldið, að samferða-
maður sinn, Jóhann söðlasmiður Guðmundsson í Stangar-
holti, hafi orðið eftir á Kvíslhöfða til gistingar hjá Run-
ólfi föðurbróður sínum og í fylgd með honum hafi verið
drengurinn Runólfur, sonur þeirra Kvíslhöfða-hjóna, sem
fóstur var búinn að fá í Stangarholti. Hafði hann farið í
heimsókn til foreldra sinna. Ferðinni kvað hann heitið