Morgunblaðið - 25.03.2011, Blaðsíða 19
19
MORGUNBLAÐIÐ FÖSTUDAGUR 25. MARS 2011
Einbeittar Þessi föngulegi gæsahópur hóf sig til flugs á Seltjarnarnesinu í gær og lét ekki eilitla snjódrífu á sig fá enda smávægileg í samanburði við snjókomuna þegar mest lét sl. mánuð.
Ómar
Ég hef lagt fram á Alþingi breyt-
ingu á lögum um íslenskan ríkis-
borgararétt, nr. 100/1952, með síð-
ari breytingum. Legg ég til í
frumvarpinu að 6. gr. laganna falli
brott þar sem kveðið er á um að Al-
þingi veiti ríkisborgararétt með lög-
um. Slík valdheimild verði til fram-
tíðar stjórnvaldsákvörðun á hendi
innanríkisráðherra. Innanríkisráðu-
neytið færi með þær valdheimildir
sem tiltækar eru í undanþágum
þegar veita þarf þeim ríkisfang sem
öðlast ekki íslenskt ríkisfang við fæðingu. Innan-
ríkisráðuneytið býr og yfir öllum upplýsingum
um einstakling sem hyggst sækja um íslenskt rík-
isfang í samvinnu við lögreglustjóra á dvalarstað
umsækjanda og Útlendingastofnun og er því best
í stakk búið að taka ákvörðun sem þessa. Ein-
staklingur nýtur ákveðinna réttinda á grundvelli
ríkisborgararéttar síns jafnframt því sem hann
ber ákveðnar skyldur gagnvart því ríki hvers rík-
isfang hann ber.
Sem dæmi má nefna stjórnmálaleg og félagsleg
réttindi, landvistarrétt, heimild til fjárfestinga
auk þess sem ríkisborgarar njóta diplómatískrar
verndar frá því ríki. Meginreglan er sú að menn
öðlist ríkisborgararétt við fæðingu sem byggist
fyrst og fremst á ríkisfangi foreldra og/eða fæð-
ingarstað en undantekningar frá þessu séu t.d.
ríkisfangsveitingar til ættleiddra barna og er-
lendra ríkisborgara á grundvelli búsetu.
Lagasetning Alþingis um ríkisborgararétt hef-
ur lengst af gengið vel og hafa fjölmargir ein-
staklingar öðlast ríkisborgararétt með þeim
hætti. Vinnuferlið hefur verið að dómsmálaráðu-
neytið (nú innanríkisráðuneyti) hefur gefið um-
sögn til Alþingis, eftir samráð við lögreglustjóra á
dvalarstað umsækjanda og Út-
lendingastofnun. Í þessum um-
sögnum er lagt mat á hvort ein-
staklingur uppfylli skilyrði laga
um ríkisborgararétt, m.a. hvort
hann geti sannað hver hann er,
hvort hann hafi brotaferil að baki,
hvernig fjölskylduaðstæður hann
búi við, hvort hann geti sýnt fram
á framfærslu o.s.frv. Þeir þjóð-
kjörnu fulltrúar sem á Alþingi
sitja hafa lengst af tekið tillit til
þessara umsagna og farið að ráð-
gjöf ráðuneytisins.
Nú hefur orðið breyting á og í
a.m.k. tvígang hefur Alþingi, að tillögu meiri
hluta allsherjarnefndar, gengið lengra en ráðu-
neytið ráðleggur. Til framtíðar getur slíkt skapað
mikinn vanda fyrir íslenskt þjóðfélag í heimi þar
sem ríkisborgararéttur, sá dýrmæti frumréttur,
er ekki eins sjálfsagður og áður var. Geti ein-
staklingur ekki sannað ríkisfang sitt eru honum
allar dyr lokaðar og í seinni tíð hafa hafist ólögleg
viðskipti með þennan rétt. Þann sama dag og
frumvarpið var lagt fram barst allsherjarnefnd
með formlegum hætti beiðni um að Alþingi beiti
6. gr. laganna með þeim hætti sem ekki verður
unað.
Eftir Vigdísi Hauksdóttur
» Legg ég til í frumvarpinu að
6. gr. laganna falli brott þar
sem kveðið er á um að Alþingi
veiti ríkisborgararétt með lög-
um.
Vigdís Hauksdóttir
Höfundur er lögfræðingur og þingmaður Fram-
sóknarflokksins í Reykjavík.
Hindrun viðskipta með
ríkisborgararétt
Meirihluti fjórflokkanna í
bæjarstjórn Kópavogs hefur
tekið þá ákvörðun að segja upp
samningi rekstraraðila leik-
skólans Kjarrsins við Dals-
mára. Rekstur leikskólans var
boðinn út fyrir þremur árum
og lægstbjóðandi var Jóhanna
Thorsteinsson leikskólastjóri
og hefur hún og hennar fólk
rekið leikskólann í tæp þrjú ár
með miklum myndarbrag bæði
hvað varðar fræðslu og fagleg
vinnubrögð.
En hvað veldur að Jóhönnu var sagt upp
samningnum? Jú, hún er félagi í Sjálfstæð-
isflokknum og formaður sjálfstæðiskven-
félagsins Eddu í Kópavogi og líður greini-
lega fyrir það. Starfið í leikskólanum hefur
gengið mjög vel og foreldrar eru hæst-
ánægðir með það og engar kvartanir eða
aðfinnslur borist. En samningnum á að
segja upp án nokkurs samráðs við rekstr-
araðilann þrátt fyrir að ákvæði sé um slíkt
í rekstrarsamningnum. Án þess svo mikið
sem að ræða við hana um lækkun á
greiðslum sem hún var þó tilbúin til að
gera.
Réttlæting meirihlutans á uppsögninni
er að hagkvæmari rekstur fáist með því að
sameina Kjarrið og leikskólann Smára-
hvamm. Kostnaður Kópavogs vegna hvers
barns á leikskólum Kópavogs er ríflega
1.200 þúsund á ári að meðaltali. Reikni-
meistarar meirihlutans hafa fundið það út
að kostnaður á barn á Kjarrinu eftir sam-
einingu verði 970 þúsund á ári sem þýddi
að þetta yrði lang-
hagkvæmasta rekstrarein-
ing leikskóla í Kópavogi.
Glöggt fólk í rekstri leik-
skóla í Kópavogi telur
þessa niðurstöðu útilokaða.
Spara á í rekstri með því
að lækka laun um 13 millj-
ónir sem þýðir að fagfólki
verður fækkað og ófaglært
fólk kemur inn í staðinn.
Það vantar fleiri leik-
skólapláss í Kópavog og
það hefði verið nær að
stækka leikskólann um 20
pláss, úr 54 í 74, með því að setja niður
lausa kennslustofu sem Kópavogsbær á til
staðar. Slík framkvæmd hefði kostað um
12 milljónir og samþykkt skipulag liggur
fyrir. Með fleiri nemendur hefði reksturinn
orðið hagkvæmari og fækkað hefði á bið-
listum.
En allt annað vakir fyrir þessum verk-
og lánlausa meirihluta. Burt með pólitíska
andstæðinga. Á sama tíma eru þau að
samþykkja að bæjarbúar greiði fyrir sig
málskostnað í einkamáli. Siðblindan er al-
gjör.
Eftir Gunnar I. Birgisson
» Á sama tíma eru þau að
samþykkja að bæjarbúar
greiði fyrir sig málskostnað í
einkamáli. Siðblindan er al-
gjör.
Gunnar I. Birgisson
Höfundur er bæjarfulltrúi og fyrrverandi
bæjarstjóri.
Hreinsanir halda
áfram í Kópavogi