Morgunblaðið - 02.04.2011, Side 33

UMRÆÐAN 33
MORGUNBLAÐIÐ LAUGARDAGUR 2. APRÍL 2011
Vorið er farið að
minna á sig hér í
Laufási við Eyjafjörð.
Það er vorilmur í
lofti, fyrsta ferming-
arathöfnin í presta-
kallinu afstaðin og
fuglalíf að vakna. Vor-
ið er tími endurnýj-
unar, það er ótal-
margt sem minnir á
það, ekki bara náttúr-
an heldur jafnframt skipulags-
hættir hjá okkur mannfólki.
Fyrir utan vorhreingerningar
víða á heimilum eru haldnir aðal-
fundir um land allt, stjórnir end-
urnýjast í nefndum og ráðum. Það
er mjög skynsamleg endurnýjun,
því með langvarandi stjórnarsetu
myndast valdþreyta, sem safnast
saman og leggst á sálina eins og
rykkorn á gluggasyllu. Sú stað-
reynd er m.a. ástæða þess að ég
set þessa þanka hér á blað.
Traust til stofnana í samfélag-
inu er heldur rýrt. Það kemur
engum á óvart á ólgutímum.
Landhelgisgæslan og lögreglan
eiga helst traust landsmanna og
er það vel. Það staðfestir að enn
er til traust í landinu, sem má
vekja og efla þannig að það teygi
anga sína víðar. Kirkjan sem pré-
dikar traust hefur beðið hnekki.
Það er ekki í fyrsta skipti sem
hefur gefið á kirkjuskipið í lífsins
ólgusjó.
Ég er ekki að gera ráð fyrir að
kirkjan sigli alltaf lygnan sjó, því
hún endurspeglar lífið og það
gengur í bylgjum eins og við vit-
um. Líf Jesú Krists var síður en
svo vindalaust, inntak föstutímans
og páskahátíðar sem framundan
er ber vitni um það.
Mér er annt um kirkjuna, mér
er annt um boðskap hennar sem
þráir það að við séum virk í lífinu
en ekki óvirk eða meðvirk. Ég er
reyndar ekki hlutlaus þar sem ég
þjóna í kirkjunni og hef alist upp í
kirkjunni og þannig má ég hafa
mig allan við að stunda sjálfs-
gagnrýni, ég veit fátt betra en
þegar ég er minntur á hvað ég má
gera betur í starfi mínu og tilveru.
Það eru, að mínu mati, með stærri
lífsgjöfum sem mann-
eskjum eru gefnar.
Ég hef alltaf reynt að
hugsa sem svo að
kirkjan sé ekki full-
komið fyrirbrigði
vegna þess að hún er
samfélag fólks sem
misstígur sig. Það
hefur ekki farið
framhjá neinum. Það
á hins vegar að vera
markmið hennar að
ganga á undan með
góðu fordæmi og auð-
vitað eigum við öll að leggja okkur
fram um það á öllum sviðum lífs-
ins, í því þurfum við að sýna sam-
stöðu.
Kirkjan þarf að vera nógu heil
til að geta átt traust. Traustið lím-
ir hana saman eins og svo margt
annað. Það er vel skiljanlegt að
ýmsir vilji ekki tengjast kirkju-
hreyfingunni vegna lífsskoðana
sinna. Hins vegar er það ekki allt-
af ástæðan fyrir því að landsmenn
ganga framhjá kirkjunni. Ýmiss
konar fréttir um samskiptavanda-
mál ellegar fagráðsmál fæla frá.
Almenningur gerir þá kröfu að
kirkjan leysi úr sínum vanda en
við vitum í ljósi reynslunnar að
það er samtakamátturinn sem
leiðir til lykta og kallar fólk til
sátta og starfa.
Með það í huga skiptir mjög
miklu máli fyrir kirkjuna að lands-
menn gefi sig fremur að henni
heldur en að þeir hverfi frá. Ann-
ars verður engin endurnýjun og
það er óhollt. Auðvitað er þægileg-
ast að afgreiða öll mál þannig að
þau komi manni ekkert við og að
kirkjan sem aðrir geti bara séð
um sinn vanda upp á eigin spýtur.
En kirkjan þarf á fólkinu að
halda. Ég myndi vilja sjá öll sæti
setin á aðalsafnaðarfundum sókna
á útmánuðum. Það er fremur
sjaldgæf sjón innan kirkjunnar.
Með þeim hætti yrði reglulegri
endurnýjun innan safnaðastjórna
og með nýju fólki koma nýjar hug-
myndir, ný viðhorf. Þetta á sér-
staklega við um fjölmennari
byggðir landsins því fólksfæð í
söfnuðum getur vissulega verið
skýring á lítilli endurnýjun.
Með þessu er ekki verið að van-
þakka reynslu né trúfesti þeirra,
sem vel hafa unnið, heldur fremur
lögð áhersla á það að kjörtímabil í
sóknarnefndum eru 4 ár og ekki
lengri, m.a. til þess að hleypa nýju
fólki að, gefa öðrum tækifæri til
þess að hafa jákvæð áhrif á stjórn-
arhætti og málefni safnaðanna.
Hver einstaklingur, sem er lög-
ráða og skráður í þjóðkirkjuna,
getur haft slík áhrif, ekki með því
að hrópa bara úr sófanum heima,
heldur mæta á fundi kirkjunnar og
endurnýja þar hugarfar, minna á
það sem vel er gert og efla þannig
starf kirkjunnar í landinu.
Sóknarnefndir fylgjast m.a. með
þjónum og starfi, það er mikil
ábyrgð sem því fylgir. Prestar og
aðrir sem í kirkjunni þjóna þurfa
aðhald og ábendingar, æviráðning-
ar presta eru t.a.m. úr sögunni og
5 ára skipunartími tekinn við. Tak-
markaður skipunartími í embætti
er, að mér finnst, mikið framfara-
skref í kirkjunni. Að 5 ára skip-
unartíma liðnum getur söfnuður
metið störf prestsins og farið fram
á að embætti sé auglýst að nýju sé
eitthvað við störf og framkomu
prests að athuga.
Þetta er visst aðhald og prestar
eru ekki undanþegnir slíku. Söfn-
uður þarf að vera meðvitaður um
það sem og annað er fram fer í
kirkjunni, við þurfum að kynna
okkur starf hennar og vera tilbúin
að gegna hlutverkum og taka
ábyrgð. Þannig er samfélag byggt
upp, það á við um kirkju-
samfélagið eins og samfélagið í
heild sinni.
Já, þankar sem þessir sækja á
þegar gengið er á vorlegum degi
meðfram bökkum Fnjóskár. Hún
stoppar víst ekki, heldur streymir
fram og mótar og skapar nýja far-
vegi. Með auknum mannauði gerir
kirkjan það líka.
Vorþankar um kirkjuna
Eftir Bolla Pétur
Bollason »En kirkjan þarf á
fólkinu að halda. Ég
myndi vilja sjá öll sæti
setin á aðalsafnaðar-
fundum sókna á útmán-
uðum.
Bolli Pétur Bollason
Höfundur er sóknarprestur í Laufási.
TIL SÖLU
Ef viðunandi tilboð fæst:
Starfsmannahús Orkuveitu Reykjavíkur að Nesjavöllum
Húsið er á tveimur hæðum, samtals um 1.219 fermetrar. Þar er í
dag rekið fullbúið hótel á vegum leigutaka.
Á fyrstu hæð er álma með 8 gestaherbergjum, rými fyrir heilsu-
rækt með heitum pottum og 30 manna fundarsal.
Inn af fundarsal eru að auki 4 gestaherbergi og nokkur aðskilin
þjónusturými.
Á annarri hæð er álma með 8 gestaherbergjum, ráðstefnusal sem
rúmað getur allt að 60 manns, eldhús, þjónusturými, matsalur
sem þjónað getur um 60 manns, sem og stór vistleg setustofa og
bar. Inn af eldhúsinu eru 3 gestaherbergi. Öll gestaherbergi eru
með sér baðherbergi og sturtu.
Ástand hússins er mjög gott jafnt innan sem utan og aðkoma og
umgjörð glæsileg.
Húsið stendur á 9.350 fermetra leigulóð, möguleiki er á stækkun
lóðar upp í 14.000 fermetra.
Húsnæðið verður til sýnis áhugasömum kaupendum þriðjudaginn
5 apríl 2011 kl. 13.00-16.00.
Nánari upplýsingar gefa eftirfarandi starfsmenn Orkuveitu Reykja-
víkur:
Hannes Frímann Sigurðsson, sími 516-6690
Ólafur Þór Leifsson, sími 617-6334
Kauptilboðsblað og sölulýsingu er hægt að sækja á vefsíðu Orku-
veitunnar.
Kauptilboðum skal skila til Orkuveitu Reykjavíkur,
Bæjarhálsi 1, 110 Reykjavík fyrir kl. 13.00 fimmtudaginn
14. apríl 2011.
MATVÍS stendur fyrir opnu málþingi fagmanna og
framleiðanda um þá gagnrýni sem hefur komið fram á mat í
mötuneytum skólanna. Þar eru ásakanir um að fóður sé borið
á borð en ekki fæða.
Til þess að fara yfir þessi mál hefur MATVÍS boðið eftirtöldum
aðilum að gera grein fyrir sínum sjónarmiðum með framsögu
og sitja síðan í pallborði.
Dagskrá:
Setning: Níels S. Olgeirsson formaður MATVÍS.
Framsögur.
Grímur Þór Gíslason hjá Grímur kokkur.
Innihald og næringargildi þeirra vöru sem hann selur
til mötuneyta og annarra.
Eðvald S. Valgarðsson frá Kjarnafæði.
Stefna Kjarnafæðis hvað varðar söltun, reykingu og
aukefni í þeirra afurðum.
Ólafur Reykdal frá Matís.
Yfirlit um niðurstöður rannsókna á næringargildi
brauð- og kjötvara.
Hólmfríður Þorgeirsdóttir hjá Lýðheilsustöð.
Ráðleggingar Lýðheilsustöðvar um matarframboð í
skólum byggt á handbók fyrir skólamötuneyti
J. Trausti Magnússon matreiðslumeistari í grunnskóla.
Fer yfir hvernig hann velur sína birgja og á hvað hann
leggur áherslu á við innkaup á matvöru.
Pallborðsumræður.
Fundarstjóri: Ólafur Jónsson hjá Iðunni fræðslusetri
FÓÐUR EÐA FÆÐA
MATVÍS stendur fyrir málþingi
um mat í skólamötuneytum,
6. apríl kl. 15:00 að Stórhöfða 31,
gengið inn að neðanverðu
Morgunblaðið birtir alla útgáfu-
daga aðsendar umræðugreinar frá
lesendum. Blaðið áskilur sér rétt til
að hafna greinum, stytta texta í sam-
ráði við höfunda og ákveða hvort
grein birtist í umræðunni eða í bréf-
um til blaðsins.
Blaðið birtir ekki greinar, sem eru
skrifaðar fyrst og fremst til að
kynna starfsemi einstakra stofnana,
fyrirtækja eða samtaka eða til að
kynna viðburði, svo sem fundi og
ráðstefnur.
Innsendikerfið
Þeir sem þurfa að senda Morg-
unblaðinu greinar eru vinsamlega
beðnir að nota innsendikerfi blaðs-
ins. Formið má m.a. finna undir
Morgunblaðshausnum efst t.h. á for-
síðu mbl.is. Einnig er hægt að slá
inn slóðina www.mbl.is/sendagrein.
Ekki er lengur tekið við greinum
sem sendar eru í tölvupósti og grein-
ar sem sendar eru á aðra miðla eru
ekki birtar.
Í fyrsta skipti sem formið er notað
þarf notandinn að nýskrá sig inn í
kerfið, en næst þegar kerfið er notað
er nóg að slá inn netfang og lykilorð
og er þá notandasvæðið virkt.
Ekki er hægt að senda inn lengri
grein en sem nemur þeirri hámarks-
lengd sem gefin er upp fyrir hvern
efnisþátt en boðið er upp á birtingu
lengri greina á vefnum.
Nánari upplýsingar gefur starfs-
fólk greinadeildar.
Móttaka að-
sendra greina