Morgunblaðið - 26.07.2011, Page 6

BAKSVIÐ
Steinþór Guðbjartsson
steinthor@mbl.is
Innbúið í Eden var ótryggt og
rekstrarfyrirtækið hafði ekki rekstr-
arstöðvunartryggingu. Talsmaður
þess telur að tapið hlaupi á tugum
milljóna króna en þau hyggjast byrja
aftur og hafa fengið nokkrar fyrir-
spurnir um samvinnu. Bæjaryfirvöld
í Hveragerði og Sparisjóður Vest-
mannaeyja hafa lýst yfir vilja til þess
að endurreisa Eden í einhverri mynd
en engin ákvörðun hefur verið tekin
um framhaldið.
Eftir hreinsun og flokkun efna í
kjölfar brunans í Eden aðfaranótt
föstudags voru brunarústirnar í
Hveragerði vaktaðar um helgina.
Rannsókn lögreglunnar á Selfossi og
tæknideildar lögreglu höfuðborgar-
svæðisins auk annarra sérfræðinga
er í fullum gangi.
Harmleikur fjölskyldunnar
Eden aldingarður ehf., í eigu
Gunnars Magnússonar og fjöl-
skyldu, rak Eden. Þau stofnuðu fé-
lagið með annarri fjölskyldu í fyrra
en tóku það alfarið yfir eftir nýliðna
páska. „Síðan þá höfum við unnið
dag og nótt,“ segir Gunnar. Tíminn
hafi farið í uppbygginguna, setja upp
myndavélakerfi og fleira, og trygg-
ingarnar setið á hakanum. „Við vor-
um ekki með rekstrarstöðvunar-
tryggingu, lagerinn var ekki
tryggður og við sitjum uppi með allt
tjónið,“ segir hann, en starfsmaður
hringdi í hann þegar eldsins var vart
og var hann mættur á staðinn um 40
mínútum síðar. Gunnar segir að
fyrsta árið hafi verið mjög erfitt en
reksturinn hafi gengið vel í sumar.
Þau hafi verið með margar vörur í
umboðssölu, m.a. frá handverksfólki,
og um 40 til 50 málverk á sýningu
hafi farið í brunanum. Hann hafi ekki
enn náð að tala við alla sem hlut eiga
að máli en geri það vonandi næstu
daga.
Gunnar áréttar að fjárhagstjón sé
mikið og hlaupi á tugum milljóna
króna. Gífurlegur lager hafi verið í
minjagripaversluninni og miklir fjár-
munir hafi legið í tólum og tækjum,
sem þau hafi verið búin að bæta í
reksturinn. Auk þess hafi margir
misst vinnuna og fjölskyldan, þau
hjónin og fjögur börn þeirra, hafi öll
starfað í Eden frá morgni til kvölds.
„Þetta er mikill harmleikur hjá mér
og minni fjölskyldu,“ segir hann.
Gunnar segir það lán í óláni að ekki
hafi verið búið að koma fyrir 10 pör-
um af ómetanlegum fuglum.
„Nokkrir menn hafa hringt í mig og
boðist til að vera með okkur í upp-
byggingunni,“ segir hann og bætir
við að Eden verði til í framtíðinni í
einhverri mynd. En uppbyggingin
snúist um peninga. „Vonandi verður
hægt að opna 1. maí.“
Sparisjóður Vestmannaeyja átti
bygginguna. Ólafur Elísson spari-
sjóðsstjóri segir að málið hafi þegar
verið sett í hendur tryggingafélags
sparisjóðsins og auk þess hafi hann
verið í sambandi við bæjaryfirvöld í
Hveragerði.
Mannvirkin tryggð
Mannvirkin voru tryggð. Ólafur
bendir á að bæjaryfirvöld hafi með
skipulagsmál að gera og hann eigi
von á því að einhver mannvirki rísi
aftur á lóðinni. Hvort það verði í
samstarfi við sparisjóðinn verði tím-
inn að leiða í ljós, en sparisjóðurinn
vilji stuðla að því að málið fái eðlileg-
an framgang. Sest verði niður með
bæjaryfirvöldum og hlustað á áform
þeirra um lóðina sem sé tæplega 1,2
hektarar. „Þetta er mikið sár í hjarta
Hveragerðis og við höfum fullan
skilning á því,“ segir hann. Ólafur
áréttar að það sé alveg ljóst að spari-
sjóðurinn fari ekki út í miklar bygg-
ingaframkvæmdir án þess að vita
hvað taki við enda stjórnendur sjóðs-
ins ekki fagmenn í byggingum.
Ólafur vill ekki tjá sig um hvort
einhver skilyrði um að byggja aftur
fylgi tryggingabótunum.Trygginga-
félagið hafi tekið yfir forræði málsins
í sambandi við samskipti við yfirvöld
og frágang á rústunum til bráða-
birgða. Engar ákvarðanir um fram-
haldið hafi verið teknar en málið
skýrist væntanlega á næstu vikum.
„Við leggjum áherslu á gott samstarf
við bæjaryfirvöld,“ áréttar hann.
Morgunblaðið/Ómar
Rústir Eldurinn í Eden í Hveragerði logaði glatt og nær allt brann sem brunnið gat. Rannsókn á brunanum stendur yfir.
Innbúið í Eden ótryggt
 Tjónið hleypur á tugum milljóna  Nokkrir vilja koma að uppbyggingu á
svæðinu  Bæjaryfirvöld ræða við eigendur byggingarinnar og rekstraraðila
6 FRÉTTIRInnlent
MORGUNBLAÐIÐ ÞRIÐJUDAGUR 26. JÚLÍ 2011
Mikill öldugang-
ur og slæmt veð-
ur við Landeyja-
höfn ollu því að
fella þurfti niður
þrjár ferðir Herj-
ólfs á sunnudag-
inn. „Þetta veður
kom eins og
skrattinn úr
sauðarleggnum,“ segir Guðmundur
Pedersen, rekstrarstjóri Herjólfs.
Skipstjórinn hafi metið það svo að
ótryggt væri að sigla til Land-
eyjahafnar. Því voru aðeins farnar
tvær ferðir á sunnudaginn, báðar í
Þorlákshöfn. „Aðalvandamálið er
fyrir framan höfnina þegar siglt er
inn í hana. Þetta á að vera í lagi og
höfnin er náttúrlega hönnuð þannig
en það hefur nú ekki allt gengið eft-
ir,“ segir Guðmundur.
„Á meðan við styðjumst við sam-
göngur á sjó til Vestmannaeyja þá
sitjum við uppi með það að þegar
veður eru verst þarf að fella niður
ferðir. Það er svo sem það sem við
erum vön,“ segir Elliði Vignisson,
bæjarstjóri Vestmannaeyja.
Herjólfur
fór til Þor-
lákshafnar
 Slæmt veður kom
öllum að óvörum
Tveir erlendir menn sluppu ómeiddir
þegar þeir veltu bíl sínum á Land-
vegi, rétt ofan við Galtalæk, í gær.
Vegfarandi hafði samband við
Morgunblaðið í gær út af bílveltunni
en hann kom að henni. Hann sagði
ekkert skrítið að útlendingarnir,
óvanir malarvegum, hefðu velt bíln-
um. Ástand Landvegar, þar sem
hann er malarvegur, væri víða skelfi-
legt. Á löngum köflum væri vegurinn
eitt þvottabretti og í raun væri allt of
mikið að leyfa 80 km hámarkshraða á
veginum eins og ástand hans væri nú.
Til að bæta gráu ofan á svart ók
vegfarandinn, sem var á mótorhjóli,
fram á malarbing úti á miðjum veg-
inum, til móts við Búrfell. Virtist hon-
um sem vegavinnuflokkur hefði verið
að bera efni í veginn. Þeir hefðu
sturtað efni á veginn og dreift aðeins
úr því en síðan hætt í miðju kafi. Eng-
in skilti hefðu varað við vegavinnu
framundan. Það hefði viljað honum til
happs að bingurinn var í öðrum lit og
sást því vel. Hann gat því hægt á hjól-
inu og ekið fram hjá bingnum. Hefði
hann ekið beint inn í binginn hefði
hann trúlega misst stjórn á hjólinu,
þó á lítilli ferð væri.
Kom bílvelta
útlendinga
ekki á óvart
Kjartan Kjartansson
kjartan@mbl.is
Þjóðkirkjan auglýsti um helgina
tæplega 300 hektara af landi kirkj-
unnar til sölu. Um er að ræða
prestsetrin Holt undir Eyjafjöllum
og Tröð í Skeiða- og Gnúpverja-
hreppi. Eru þær tvær af 26 jörðum
sem kirkjuþing gaf heimild til að
selja.
Óskað er eftir tilboðum í jarð-
irnar. Ásett verð á Holt er 80 millj-
ónir króna en á Tröð eru settar 30-
40 milljónir samkvæmt upplýsing-
um frá Fasteignamiðstöðinni sem
annast sölu jarðanna. Jörðin Holt
er um 246 hektarar, þar af um 28 af
ræktuðu landi. Tröð er 50 hektarar.
„Í báðum tilvikum er um að ræða
aflögð prestsetur þannig að það er
ekki beinlínis þörf fyrir þær jarðir í
kristilegu starfi,“ segir Guðmundur
Þór Guðmundsson, framkvæmda-
stjóri Kirkjuráðs, um ástæður þess
að jarðirnar eru auglýstar til sölu.
Þá hafi kirkjan brugðist við nið-
urskurðarkröfu með þessum hætti.
Ekki standi endilega til að selja
allar jarðirnar og enn liggi ekki fyr-
ir hvort fleiri verði auglýstar á
næstunni. Kaupverðið renni til
kirkjunnar þar sem prestsetrin tvö
séu á meðal þeirra sem tilgreind
eru í samningi ríkisins við þjóð-
kirkjuna frá 2006.
Hús Guðjóns Samúelssonar
Holt var höfuðsetur og þingstað-
ur Eyfellinga um aldaraðir, byggð-
ur á sléttunni útsuður frá fjallinu
Holtsnúpi. Rúmlega 300 fermetra
steinsteypt íbúðarhús er á jörðinni,
byggt eftir teikningu Guðjóns Sam-
úelssonar, auk áfastra eldri útihúsa.
Tröð fylgir íbúðarhús og tvöfaldur
bílskúr.
Að sögn Magnúsar Leopoldsson-
ar hjá Fasteignamiðstöðinni hafa
einhver viðbrögð borist við auglýs-
ingunum en almennt gerist hlutir á
þessum markaði ekki á nokkrum
dögum. Ekki sé mikill hasar á
markaði með jarðir þessi misserin.
Tvær kirkjujarðir auglýstar til sölu
 Kirkjan leitar að kaupendum að tæplega 300 hektörum
 Hús byggt eftir teikningum Guðjóns Samúelssonar í Holti
Holt Íbúðarhúsið var byggt á árunum 1977-1980 í burstabæjarstíl.
Aldís Hafsteinsdóttir, bæjarstjóri
í Hveragerði, segir að fullur vilji
sé hjá bæjaryfirvöldum til þess
að byggja upp aftur en þau vilji
ekki troða sér fram fyrir eiganda
byggingarinnar sem brann og
rekstrarfyrirtækið. Áfram verði
rætt við talsmennina um hug-
myndir þeirra um framhaldið en
viðræður hafi þegar hafist sl.
föstudag.
„Rétt er að fyrst komi fram
vilji þeirra sem
þarna voru í
rekstri en bæj-
arfélagið mun
gera allt sem í
þess valdi
stendur til þess
að sjá til þess að
svipaður eða
eins rekstur
verði hér í
Hveragerði,“ segir hún.
Framhaldið á lóðinni óráðið
BRUNINN Í EDEN Í HVERAGERÐI
Aldís
Hafsteinsdóttir