Teningur - 01.05.1988, Blaðsíða 8

CÉSAR VALLEJO
LJÓÐ ÚR LOS HERALDOS NEGROS,
TRILCE OG POEMAS HUMANOS
HRINGRÁS ÞREYTUNNAR
Stundum langar mann að snúa tilbaka
að elska, að fara ekki burt
og mann langar stundum að deyja
velktur í hafróti mótdrægra strauma
sem aldrei sættast.
Mann langar í risastóran koss
sem kremur sundur lífið
og endar í logandi afrískri kvöl
sjálfsmyrðir!
Langar til að..langa ekki til neins.
Herra, ég bendi á þig bannfærandi fingri mínum:
stundum langar mann að hafa fæðst
án hjarta.
Vorið kemur aftur, þaö kemur og fer.
Og guð sem álútur gengur sinn veg
síendurtekinn í tímans eilífu rás
fetar einstigi með hryggsúlu alheimsins
á herðum sér.
Og þegar gagnaugaö slær sinn þunga taktfasta slátt
þegar svíður undan svefni hnífseggjarinnar
langar mann að eiga athvarf
í þessu Ijóði.
Úr Los heraldos negros
Berglind Gunnarsdóttir þýddi
6