Birtingur - 01.01.1958, Blaðsíða 25

thor vilhjálmsson:
syrpa
Teddy boys í útvarpinu o. fl.
Dagskrá Ríkisútvarpsins virðist í æ ríkara
mæli vera miðuð við smekk þeirra sem Bret-
ar kalla Teddy boys og Teddy girls en Danir
eru farnir að kalla Anderumper og þýðir
andarassar eða andarössur. Það er sú æska
sem víða um heim er farin að raska ró þeirra
fullorðnu sem finna til ábyrgðar á umhverfi
sínu og þjóðfélaginu og kannski jafnvel
heiminum en muna líklega minna eftir
ábyrgð sinni og hlutdeild í aðdraganda þess
sem hefur orðið: þetta eru unglingar sem
fara í flokkum sendandi tóninn og fljótir til
óhæfuverka af einhverri hugsunarlausri upp-
reistarþörf og víða um heim er framferði
þessara unglinga orðið svo mikið þjóðfélags-
mein að það hefur vakið skelfingu hinna
eldri. Það er meira að segja farið að stefna
saman sérfræðingum á alþjóðlegar ráðstefn-
ur til að reyna að átta sig á þessu fyrirbæri
sem er orðið svo ríkt einkenni tímans.
Hér er orðið ólíklegt að fullorðið fólk kom-
ist Austurstræti á enda á laugardagskvöldi
án þess að verða fyrir áreitni af því ungl-
ingaliði á leðurjökkum sem hefur hertekið
miðbæinn og rásar út og inn á hinum nýju
tómstundaheimilum sem hafa verið sett upp
til að kæla heitt æskublóð með mjólkur-
ís og rjómaís; meðal helztu atvinnuvega Is-
lendinga mun vera núorðið framleiðsla og
framreiðsla á ís til að éta í frostum og hin
umfangsmikla verzlun með þessa vöru er
sem óðast að skapa hér nýja valdastétt í
stjórnmálum því að hinir verðmætu vits-
munir úr íssölukerfinu hljóta að vera heppi-
legir til ákvörðunar um örlög þjóðarinnar.
Nú koma ungir menn efnaðir af íssölu og
þurfa ekki að benda á annað en afrek sín á
þeim vettvangi til þess að engir keppinautar
komi til greina.
Og aðrir mikilvægir atvinnuvegir sem ég
ætlaði að nefna hér eru dægurlagasöngur og
stjórn skemmtiþátta í útvarpinu með því
erfiði sem þar til heyrir svo sem að skifta
um plötur og hafa hátíðleg viðtöl við höf-
unda dægurlaga þar sem þeir eru spurðir
um listferil og lífsviðhorf eins og vera ber
um andansmenn þjóðarinnar.
Ég sagði að Ríkisútvarpið væri æ meir
miðað við smekk gelgjuskeiðsins þar sem
allt skal vera hávaði og glamur og ekki einu
sinni nein þróun í öskrinu þannig að víða
gefast engin grið fyrir martraðarskarkala
sem er ætlaður til skemmtunar og upplyft-
ingar með því að lemja látlaust sömu lag-
línuómyndinni þvert yfir taugarnar eins og
þegar verið var að píska fanga á Sjakalín
fyrir aldamótin og jafnvel læknar hörfuðu
af hólminum yfirkomnir af skelfingu. Ef
ekki rokk og roll þá kemur sú munablíða
séríslenzka tegund af síbernsku sem leiðir
19 Birtineur