Vera - 01.10.1983, Blaðsíða 15

Sigríður Dúna Kristmundsdóttir:
„Lítil mistök
eru nóg
í dag kemur friðarganga kvenna til Washington í
Bandaríkjunum og í dag höldum við íslenskar konur
þennan fund til þess að taka þátt í baráttu kvenna um
allan heim gegn kjarnorkuvopnum og fyrir friði í heimin-
um. Þetta er í þriðja sinn sem norrænar konur ganga til
að mótmæla kjarnorkuvopnum.
í fyrra gengu þær frá Stokkhólmi um Helsinki og
Moskvu til Minsk í Rússlandi og árið áður gengu þær frá
Kaupmannahöfn til Parísar. Nú hafa þær gengið frá New
York til Washington, um 500 kílómetra vegalengd, og nú
eru íslenskar konur í fyrsta skipti með í för. Þær hafa
gengið til að mótmæla kjarnorkuvopnum í austri og
vestri, til að mótmæla kjarnorkuvopnum um allan heim
og til að mótmæla staðsetningu nýrra kjarnorkuvopna í
Evrópu. Þær krefjast stöðvunar á tilraunum, framleiðslu
og dreifingu allra gerða kjarnorkuvopna. Þær lýsa yfir
stuðningi sínum við kjarnorkuvopnalaus svæði og þær
krefjast þess, að því gífurlega fjármagni sem nú er varið
til vopnasmíða, verði varið til að tryggja jarðarbúum full-
nægjandi fæðu og atvinnu.
Undir allar þessar kröfur tökum við Kvennalistakonur
heilshugar. Við tökum undir þessar kröfur vegna þess að
við vitum að það ógnarjafnvægi vopnanna sem við nú bú-
um við tryggir okkur ekki friðinn. Við vitum að heimin-
um í dag eru til 4 tonn af TNT sprengiefni á hvert manns-
barn. Við vitum einnig að slæmt efnahagsástand í heimin-
um í dag stafar að hluta til að því, að gífurlegur fjármagni
er veitt til smíða kjarnorkuvopna, fjármagni sem skilar
sér ekki aftur inn í hagkerfi þjóðanna. Við vitum að gæði
jarðarinnar duga öllum jarðarbúum til mannsæmandi
lífsviðurværis væru þau réttilega notuð og þeim réttlát-
•ega skipt. Við tökum undir þessar kröfur vegna þess að
við vitum að allir vilja lifa og við vitum að maðurinn hefur
ævinlega notað þau vopn sem hann hefur fundið upp og
vegna þess að við vitum að ekkert jarðarbarna mun lifa af
15