Vera - 01.10.1987, Blaðsíða 13

Ljósmynd: Wiebe Kunst.
ÁSTARLEIKUR
Af því lærir barnið málið að það er fyrir því haft. Það sama
gildir um kynlífið. Sú fræðsla og þær fyrirmyndir sem börn og
fullorðnir fá úr sínu nánasta umhverfi hafa bein áhrif á kynlífs-
hegðun, kynlífsþroska og afstöðu til kynlífs. Það á líka við um
kynlífið eins og tungumálið að svo lengi lærir sem lifir. Öll höfum
við meðfæddar erótískar tilfinningar eða kynhvöt. Útrás þessarar
hvatar ræðst hins vegar af því sem við höf um lært um ást og
kynlíf og þeim viðhorfum sem í gildi eru í menningu okkar.
Og svo aftur sé gripið til samlíkingar við tungumálið, þá búum við
öll yfir hæfileikanum til að tala en það ræðst af umhverfi og
landfræðilegum aðstæðum hvaða mál við þróum og tölum.