Vera - 01.10.1987, Blaðsíða 30

Vera - 01.10.1987, Blaðsíða 30
Ljósmynd: bb Stjórnarmyndunarviöræöur Þegar gengið er til viðræðna vegna ríkis- stjórnarmy ndunar er vart hægt að gera ráð fyrir því að allar kröfur verði samþykktar. í slíkum viðræðum er reynt að komast að samkomulagi um leiðir ef aðilarnir sem taka þátt í viðræðun- um eru sammála um markmiðin. Fögur orð um góöan vilja duga skammt og vildu Kvennalista- konur að gerð yrði skýr áætlun um það hvernig væntanleg ríkisstjórn mundi fara að því að bæta kjör þeirra lægstlaunuðu. Stjórnarmyndunarviðræður Kvennalistans snerust aö mestu leyti um að hækka lægstu launin, en vitanlega var fjallað um fleiri málefni. Hagfræðingar hinna ýmsu stofnana reiknuðu út ýmsar stærðir varðandi breytingar á tekjuskiptingu, en að öllu jöfnu var niðurstaðan sú sama: Það er lítið sem ekkert hægt að gera til úrbóta, a.m.k. ekki strax. Og hvers vegna ekki spyrja eflaust margir. Jú ástandið í ríkisbúskapnum er svo slæmt sögðu þeir og það vissum við reyndar líka. Kvennalist- inn setti hins vegar fram ýmsar tillögur til tekjuöflunar eins og t.d. um stóreignaskatt, auðlindaskatt, virkara skattaeftirlit og fleira. Tillögur okkar hlutu lítinn hljóm- grunn. Þegar til kom þá vantaði viljann. Hagfræðingar ASÍ og VSÍ þeir Björn Björnsson og Vilhjálmur Egilsson slógu samt öllum við þegar þeir tveir settu fram „sína persónulegu" skoðun á því hvort gerlegt væri að lög- binda lágmarkslaun í landinu. Þar þurftu þeir að fara 3000 ár aftur í tímann til að sýna fram að það hefðu bara alltaf verið svona launahlutföll og þannig yrði það að vera. Það var vissulega lærdómsríkt aö ganga í gegnum þetta tímabil þegar Kvennalistinn tók virkan þátt í stjórn- armyndunarviðræðunum. Eftir að ríkisstjórn Þorsteins Þálssonar var mynduð hafa allmargir haft orð á því við Kvennalistakonur að þeir hefðu gjarnan viljað sjá Kvennalistann í ríkisstjórn, þá hefðu hlutirnir verið öðruvísi. Á því er enginn vafi að Kvennalistinn heföi aldrei skrifað undir plagg eins og þá starfsáætlun sem núverandi ríkisstjórn hefur sett fram. Þegar Kvennalistinn fór til viðræðna við hina flokkana var þeim strax gerð grein fyrir þvi að það væru ákveðin grundvallarmálefni sem ekki yrði „verslað" með. Við gerðum okkur fulla grein fyrir því að ekki yrði hægt að fá öll skilyrði okkar fram, en Ijóst var að konur töldu ekki unnt að fara í ríkisstjórn án þess að bæta kjör hinna lægstlaunuðu. Auk þess var lögð rík áhersla á umhverf- ismál, skólamál, húsnæðismál, valddreifingu og utan- ríkismál. í stjórnarmyndunarviðræðunum í vor lögðu Kvenna- listakonur fram tillögu að málefnagrundvelli fyrir vænt- anlega ríkisstjórn. Ennfremur var lögð fram tillaga að markmiðum rikisstjórnarinnar, þar sem fram koma meginmarkmið okkar i ríkisstjórnarsamstarfi. Málefna- grundvöllurinn var vel undirbúinn og er að sjálfsögðu byggður á þeirri stefnuskrá sem Kvennalistinn setti fram fyrir kosningarnar í vor. Hann birtist í heild sinni hér á eftir sem og tillaga okkar að meginmarkmiðum ríkisstjórnarinnar. Rétt er að ítreka það hér að málefna- grundvöllurinn var ekki settur saman af fámennum hóp heldur tóku margar konur þátt í starfinu. Það kom skýrt fram í allri umræðu í tengslum við stjómarmyndunarviðræðumar að Kvennalistakonur alls staöar á landinu töldu að meginverkefni nýrrar ríkis- stjómar ætti að vera að bæta kjör þeirra lægstlaunuðu í þjóðfélaginu og einnig að leggja sérstaka áherslu á að bæta stööu kvenna. Ekki tókst að þessu sinni að ná samstöðu með neinum um þessi verkefni þannig að ekkert varð af því að Kvennalistinn færi í ríkisstjórn í þetta sinn.

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.