Vera - 01.10.1987, Blaðsíða 8

Vera - 01.10.1987, Blaðsíða 8
„Hin kynferðislega óánægða kona. er ekki óánægð vegna þess, að hana vanti sam- farir, heldur þrátt fyrir þær, af því að þær fullnægja henni ekki. Þessi kventegund er algeng og auðþekkjanleg hinum reynda lækni. Þar sem þær fá ekki fullnægingu að næturlagi, leyta þessar konur uppbótar í starfsemi dagsljóssins, og vekja athygli með einhverju sérstöku framtaki. Hrun og vonbrigði kynlífsins eru oft upphafið að listrænum, félagslegum eða sjálfstæðum lífsferli margra kvenna." Fritz Kahn. 1946:219 KONUR, KYNLÍFOG Hér að ofan er Fritz Kahn að lýsa konum sem að hans mati eru öðruvísi en hin sanna kona. Þetta eru þær konur sem sækja í störf fyrir utan heimilið og ástæðuna segir hann vera að þær fá ekki fullnægingu í kynlífi. Eitthvað hljóma þessi rök kunnug- lega þó svo erfitt sé að átta sig á hvar maður hefur heyrt þau áður. Lýsingin er hluti af staðalmynd (stereotype) kvenfrelsis- konunnar sem skv. henni er Ijót, uppþornuð kerling sem ekki gengur út eða er óf ullnægð eiginkona. Þessi mynd af kvenfrelsiskonunni á sér djúpar rætur og ekki hægt að fjalla um hana og bábyljur um kynlíf án þess að minnast á þann sérfræðing sem á einn stærstan þátt í að skapa þá kvenímynd sem konur í dag eru að berjast á móti. Þetta er auðvitað Austurríkismað- urinn og geðlæknirinn Sigmund Freud. Enn í dag er þroskakenning hans talin vera hin fullkomna andstæða við ,,feminisma" því hún leitast við að réttlæta stöðu kvenna með því að segja að þær séu að eðlisfari ekki eins þroskaðar og karlar. í kenningum Freuds er þaö kynhvötin (libido) sem ræður ríkjum og hugmyndir þær sem hann byggir á eru miðaðar við karlmenn og drengi. Freud sá fljótt að kenningarnar gætu ekki átt við konur og í stað þess að endurskoða kenningar sínar með hinn hluta mannkynsins í huga gerði hann eins og svo margir karlkynsfræðimenn hafa gert í gegnum tíðina, lét kenninguna standa en sagði að konur væru gallaöar. Hann sagði að vegna þess að konur væru líffræðilega öðruvísi en karlar væri þroski þeirra annar og minni en karla. Hann tók það sem gefið að konur hefðu vanmáttakennd vegna þess að þær hefðu ekki tippi og kallaði hana tippa öfund (penis envy). Hann sagði að vegna þess að stelp- umarværusamkynja móðurinniþyrftu þærekkiaðganga ígegnum þá reynslu sem fylgir Ödipusar komplexinum né þann aðskilnað frá móðurinni sem drengir þyrftu að ganga í gegnum og sem gerir þá að sjálfstæðum einstaklingum að hans mati. Þess vegna áleit Freud að konur væru með minni réttlætiskennd en karlar, að þær væru síð- ur tilbúnar til þess að takast á við alvöru lífsins og að dómgreind. þeirra stjómaðist oftar en ekki af tilfinningum. (Sigmund Freud, 1925:257-258).

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.