Vera - 01.10.1987, Blaðsíða 42

Vera - 01.10.1987, Blaðsíða 42
Stelpurnar í skólastofunni Enn eru stelpurnar í brennidepli. Við veltum því áfram fyrir okkur hvernig stelpur veröa að konum. Nú beinum við athyglinni að stelpunum í skólastof- unni. Hver eru hugsanleg áhrif skólans og kennar- anna á þá hlutverkskipan kynjanna sem ríkir í dag? Hvernig er andrúmsloftið í skólanum? Er viðmót kennara á annan veg við stelpur en stráka og skipt- ir kyn kennarans einhverju máli í þeim efnum? Fá strákar í raun meira af tíma kennarans og athygli en stelpumar? Óyggjandi svör við þessum spurning- um og öðrum af líkum toga fást ekki í einu vetfangi, en ýmsar kannanir benda til þess að stelpumar verði undir í baráttunni um tíma og athygli kennar- anna. Þaö er Ijóst að allt frá fæöingu mótast börn af því umhverfi sem þau lifa í og þeim viöhorfum sem þar gilda. Stelpur og strákar mótast af þeim væntingum sem til þeirra eru gerðar og með tímanum læra þau að koma til móts við þær. Við sjáum það víða að strax á unga aldri fá börn mismunandi viðbrögð eftir því hvoru kyninu þau tilheyra. Áhrifin koma þó síöur en svo strax í Ijós. Það er til dæmis umhugsunarefni — raunar áhyggjuefni — hvað gerist með litlu fyrirmyndarstelpurnar þegar þær verða stórar. Hvað verður um frumkvæðið, áræðið og sjálfstraustið sem einkenndi þær er þær voru yngri? í mínum huga leikur enginn vafi á því að þáttur skólans vegur þungt í mótun einstaklinga. Kennarar þurfa stöðugt að minna sjálfa sig á mikilvægi þeirra áhrifa sem væntingar og viðhorf hafa á nemendurna. Stöðugt ber að hafa það í huga að stelpur og strákar eru jafngildir einstaklingar sem eiga að hafa sömu möguleika og njóta sömu tækifæra. Strax við upphaf skólagöngu verður að gæta þess að greina ekki kynin um of að — stelpur sér, strákar sér — hvort heldur sem er í leik eða starfi. Aðgreining er ef til vill líklegri til að viðhalda því misvægi sem bent hefur verið á að fyrir hendi sé í skólanum. Það er frá- leitt, sem algengt var í skólum fyrir fáum árum (er þó hugsan- lega einhvers staðar enn í dag), að hafa hinar ýmsu náms- greinar s.s. heimilisfræði, handmennt, íþróttir o.fl. kynskiptar og gera mismunandi kröfur til nemenda eftir kynferði. Við munum líka eftir bekkjarskránum þar sem nemendur voru skráðir í hópa eftir kynferði, stelpuhóp og strákahóp, sem ýttu fremur undir togstreitu en samvinnu milli nemenda. Æskileg- ast er að nemendur læri strax að vinna saman, leika sér sam- an, vera saman sem jafngildir einstaklingar, sem læri að skilja og bera viröingu fyrir skoðunum og gildismati annarra. Kennarar sem telja sig meðvitaða og jafnréttissinnaða taka fegins hendi hverju því efni sem þeir telja að létt gæti þeim róð- urinn. Fyrir nokkrum árum kom út námsefni fyrir grunnskóla um jafna stöðu kynjanna. Hér er um að ræða efni fyrir yngri nemendur „Stelþur — strákar, jafngildir einstaklingar" höf- undur Sigríður Jónsdóttir og svo efni fyrir eldri nemendur ,,Stelpur — strákarog starfsval" höfundurGerður G. Óskars- Ljósmynd: bb. dóttir. Ég hef nokkuð kynnst og unnið með námsefni yngri nemenda. Það samanstendur af litskyggnum og verkefna- blööum sem ætlað er að vekja nemendur til umhugsunar og fá fram umræðu um þá þætti sem einkum hafa áhrif á hug- myndir þeirra um mismunandi hlutverk kynjanna. í þessu námsefni er lögð áhersla á jafngildi einstaklinganna og að það sé eðlilegt að hver og einn fái að njóta sín I leik og starfi eftir áhuga og getu, óháð kynferði. Ég tel þetta námsefni gott inn- legg í jafnréttisumræðuna og — baráttuna. Það vekur nem- endur og kennara til umhugsunar, hvetur til opinnar umræðu og skoöanaskipta heima og i skóla um ýmis þau mál sem snerta börnin sjálf, daglegt líf þeirra og fjölskyldunnar. Þau rýna í eigin barm, bera sig saman, velta fyrir sér hvað þau þora, vilja og geta og komast að því að þarfir og þrár ein- staklinga eru sama eðlis — óháð kyni. í allri umræðu um jafnrétti og hlutverk kynja er stóra spurn- ingin — spurningin um viðhorf. Það eru viðhorfin sem þarf að breyta, heima, í skólanum, í námsbókunum og hvar sem er. Það er augljóst að á meöan algengt er að nemendur svari þeg- ar rætt er um störf fólks „mamma, hún vinnur ekkert hún er bara heima" er þörf á hugarfarsbreytingu á afstöðunni til hlut- verks kvenna. Bryndís Guðmundsdóttír 42

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.