Vera - 01.08.1993, Side 2

VERA
TÍMARIT UM KONUR OG KVENFRELSI
LEIÐARI
E R FÖTLUN A Ð VERA KONA?
Fatlaðir búa ekki einungis við þær hömlur sem
líkaminn setur þeim. Þeir verða líka að berjast
gegn fordómum og skilningsleysi og verjast mis-
rétti og kúgun. Fordómar gegn fötlun eru ekki
sprottnir af mannvonsku og illgirni heldur af ótta
við hið ókunna. Fötlun er ekki einkamál hins fatl-
aða heldur vandamál skapað af samfélagi sem
ekki sættir sig við að sumir séu öðruvísi.
Fyrir 30-40 árum tóku fatlaðir fyrst höndum
saman og hófu mannréttindabaráttu. Sú barátta
hefur borið mikinn árangur. Fatlaðir eru ekki
lengur óhreinu börnin hennar Evu. Þeir eru ekki
dæmdir til ævilangrar vistar í skúmaskotum eða
á hælum. Það eru ekki síst konur - fatlaðar kon-
ur, aðstandendur fatlaðra og konur sem með fötl-
uðum vinna - sem markað hafa nýja braut í mál-
efnum fatlaðra. Konur móta stefnuna þó að störf
þeirra séu ekki alltaf sýnileg og þær vermi ekki
endilega formannssætin í félögunum. Aðalvið-
fangsefni þessarar Veru er konur og fötlun, um-
önnunarhlutverk kvenna og þáttur þeirra í að
móta stefnu í málefnum fatlaðra.
Kvennahreyfingin er oft gagnrýnd fyrir að vera
ekki opin öllum konum. Fatlaðar konur hafa til
dæmis ekki átt greiðan aðgang að henni þrátt fyr-
ir alvarleg kynbundin vandamál. Samt er
„kvennasamstaða” eitt helsta slagorð jafnréttis-
baráttunnar og í senn markmið hennar og bar-
áttutæki. Samstaða kvenna kemur líka mikið við
sögu í þessari Veru, ekki síst í úmíjöllun um at-
burði sumarsins innan Alþýðuflokksins. Hvaða
lærdóm geta konur dregið af þvi sem gerst hefur,
spyr Vera konur í fimm flokkum. Allar eru þær
sammála um að atburðirnir séu alvarlegir og sýni
glöggt valdaleysi íslenskra kvenna. Ein segir að
þessir atburðir hafi kennt henni að „kvennasam-
staða” sé óraunhæf draumsýn. Atburðir sumars-
ins sanna að það er alvarleg fötlun að vera kona í
heimi stjórnmálanna á íslandi árið 1993. □
Björg Arnadóftir
I ÞESSARI VERU:
Fötlun og umönnunarhlutverkið
er þema VERU að þessu sinni.
SAMKEPPNI OG SAMSTAÐA Hvaða lærdóm geta konur dregið af atburðum sumarsins í Alþýðuflokknum? 6
SYSTRAÞEL FÖTLUNARINNAR Þema blaðsins er tileinkað fötlun og umönnun 12-31
SKÓLAR OG NÁMSKEIÐ 32-37
ÓGNAR FEMINISMI ÞJÓÐARÖRYGGI? Af konum í Israel 38
AÐ FÁ FRÍ FRÁ KÚGUNINNI Joan Talkowsky i Veruviðtali 39
MATUR Suður-ameriskur saumaklúbbur sóttur heim 42
SÖGUÞRÁÐUR Vilborg Dagbjartsdóttir spinnur 44
ATHAFNAKONUR 46
4/1993 - 12. árg.
VERA blað kvennabaráttu
Pósthólf 1685
121 Reykjavík
Kt. 640185-0319
Sími: 91-22188
Útgefandi:
Samtök um Kvennalista
Forsiða:
Elín Magnúsdóttir
Ritnefnd:
Ása Richardsdóttir
Guðrún Ólafsdóttir
Ingibjörg Sólrún Gísladóttir
Ingiþjörg Stefánsdóttir
Kristín Karlsdóttir
Lára Magnúsardóttir
Nína Helgadóttir
Sigríður Ingibjörg ingadóttir
Ritstýrur
og ábyrgðarmenn:
Björg Árnadóttir
Ragnhildur Vigfúsdóttir
Skrifstofustýra:
Vala Valdimarsdóttir
Umsjón með útliti:
Harþa Björnsdóttir
Ljósmyndir:
Anna Fjóla Gísladóttir
Kristín Bogadóttir
Ragnhildur Vigfúsdóttir
o.fl.
Myndskreytingar:
Sigurborg Stefánsdóttir
Auglýsingar:
Áslaug Nielsen
Setning, tölvuumbrot og
filmuvinna:
Prentþjónustan hf.
Prentun og bókband:
Frjáls Fjölmiðlun
Plastpökkun:
Vinnuheimilið Bjarkarás
© VERA
ISSN 1021-8793
Ath. Greinar í Veru eru birtar
á ábyrgð höfunda sinna
og eru ekki endilega
stefna útgefenda.
2