Vera - 01.08.1993, Qupperneq 33

s
K Ó L A R
O O
N Á M S K E I
Ð
einkum áður fyrr - hættu fyrr
í skóla en karlar. Þær sáu ekki
ástæðu til að auka við mennt-
un sína því þær töldu að hlut-
verk sitt væri fyrst og fremst
að vera húsmóðir og upp-
alandi. En hinn kaldi veruleiki
hefur sýnt þeim að það er að-
eins hluti af þvi sem þeim er
ætlað að gera. Fæstir geta lifað
á einum launum og það er líka
staðreynd að margar konur
eru eina fyrirvinnan á sínu
heimili. Auk þess gerir nú-
tímatækni konum kleift að
gera fleira en gæta bús og
barna og margar hafa önnur
áhugamál og vilja fá útrás fyr-
ir þau. En flestar eru reknar
áfram af knýjandi íjárþörf.
En hvernig stendur á því ad
svo margar konur velja nám
sem leiðir þær inn í illa launuð
störj?
- Við reynum ekki að beina
þeim í eitt né neitt. Flestar
velja sér starf sem þær þekkja
af eigin raun. Það er mikil eft-
irspurn eftir því að komast á
heilsugæslubraut, en einnig
bjóðum við upp á viðskipta-
braut og menntabraut. Nú er
mikill áhugi á að fá „iðjuleið-
beinandabraut“. Margar ófag-
lærðrar konur, sem vinna sem
leiðbeinendur á stofnunum,
hafa beðið um slika fræðslu og
við munum veita hana.
Hvað er Jleira í boði?
- í árdaga Námsflokkanna
voru styttri námskeiðin alls
ráðandi en upp úr 1970 komu
prófadeildirnar. Þeir sem
koma í prófanámið eiga flestir
sameiginlegt að hafa skrikað
fótur í skyldunáminu. Þess
vegna byijum við á því að rifja
upp síðustu tvö árin í grunn-
skóla, því það er ekki hægt að
byggja ofan á gljúpan grunn.
Starfsnámið er tengt atvinnu
fólks og veitir aukin réttindi og
hærra kaup. Við leggjum
einnig ríka áherslu á að byggja
upp trú fólks á eigin getu, það
á ekki síst við um námskeið
fyrir atvinnuleysingja sem um
600 manns sóttu í fyrra.
Við bjóðum alltaf upp á ijölda
smærri námskeiða sem „allir“
sækja, húsmæður jafnt sem
háskólaprófessorar. Tungu-
málanámskeiðin eru sívinsæl
en við kennum einnig handa-
vlnnu, t.d. batik, upptöku á
myndbandsvélar og svo mætti
lengi telja. Við sjáum um
kennslu í sænsku og norsku
fyrir grunnskólakrakka og
bjóðum 6-10 ára börnum upp
á kennslu í dönsku, norsku og
sænsku. Fólk sem hefur búið í
útlöndum sendir börnin sín til
að þau geti haldið málinu við.
Þá er vert að minnast á gott
samstarf okkar við Blindra-
félagið en við höldum ýmis
námskeið í samvinnu við það,
einkum í handavinnu. Við
kenndum þeim dans og leik-
fimi árum saman og það var
gríðarlega gaman! Við viljum
gjarnan halda leikfimikennsl-
unni áfram.
Þó svo að við íslendingar
stærum okkur oft af því að
vera bókaþjóð þá er samt stað-
reynd að fjöldi fullorðins fólks
kann af ýmsum ástæðum ekki
að lesa. Og það eru biðraðir á
lestrarnámskeiðin hjá okkur.
Er eitthvað nýtt á döjlnni?
- Eins og ég kom inn á áðan
erum við með íslensku-
kennslu fyrir útlendinga. Það
hringdi íslensk kona i mig í
dag og vildi koma einni er-
lendri konu að hjá okkur, en
aðeins á matreiðsluhluta
námskeiðsins. Ég neitaði,
sagði að við værum ekki að
þjálfa upp vinnudýr og konan
yrði að taka allt námskeiðið.
Námskeiðin eru í sífelldri þró-
un og við reynum að gera að-
lögun nýbúanna að íslensku
þjóðfélagi auðveldari. í vetur
ætlum við að gefa íslendingum
kost á að kynna sér menningu
nýbúa okkar með því að bjóða
upp á námskeið í trúarbrögð-
um. Séra Þórhallur Heimisson
mun kenna um önnur trúar-
brögð en okkar eigin, svo sem
islam, hindúisma og um
kaþólsku kirkjuna í Austur-
Evrópu. Ég tel fulla þörf á því
að við íslendingar kynnum
okkur þessi trúarbrögð til að
geta skilið nýbúana betur og
vita um hvað heimsátökin
snúast, en margir nýbúanna
hröktust hingað af völdum
þeirra.
Ekki má gleyma skokkinu
sem er eitt af því vinsælasta
hjá okkur. Það fjölgar sífellt í
hópnum sem er mjög sprækur
og skemmtilegur.
Við ætlum að bjóða upp á
kennslu í sænsku fyrir konur
sem ætla sér á Nordisk Forum
næsta sumar. Ég er viss um að
það námskeið getur orðið mjög
skemmtilegt, þvi bæði er gott
fyrir konurnar að kunna dálít-
ið í sænsku, og kynna sér
finnskt þjóðfélag, þvi ráðstefn-
an er jú haldin þar. Og svo
hlýtur að vera gaman að kynn-
ast öðrum konum sem eru að
fara út í sömu erindagjörðum.
Það er af svo mörgu að taka.
Ég sýti það ekki þó ég þurfi að
fella niður námskeið vegna
ónógrar þátttöku. Þó svo að
fleiri bjóði nú upp á tóm-
stundanám á stór-Reykjavik-
ursvæðinu en við, tel ég Náms-
flokkana ekki vera í sam-
keppni við þá. Við lítum ekki
svo á að við séum i bisniss
heldur bjóðum við upp á þjón-
ustu. Ef það reynist ekkl þörf
fyrir þjónustuna þá það. Hér
er íjölþætt starf alla daga og öll
kvöld. Það er okkar hlutverk
að sjá hvar þörfin er og bregð-
ast við henni. □
RV
Eggjabakkadýnur eru formaðar á svipaðan hátt og eggjabakkar og -
draga nafn sitt af þeim. Þær eru lagðar ofan á venjulega dýnur og eru
gæddar þeim eiginleika að verma og rnýkja auk þess að hafa einstaka
fjöðrun. Þær henta bakveiku fólki mjög vel enda eru þær notaðar jafnt
á heilbrigðisstofnunum sem heimilum um allt land með góðum ár-
angri. Komdu í verslun Lystadúns Snælands að Skútuvogi og fáðu að
kynnast eggjabakkadýnu af eigin raun - eða fáðu lánsdýnu með þér
heim. Við veinun ráðgjöf um allt er lýtur að dýnuin.
Sendum í póstkröfu um land allt
33