Vera - 01.04.2004, Side 3
+
Karlahópur Femínistafélagsins
fyrir að höfða til samábyrgðar karlmanna varðandi
nauðganir með aðgerðum sínum NEI við nauðgunum
og sölu á bolum og mekjum með NEI áletrun. Það þarf
sameiginlegt átak og hugarfarsbreytingu til að snúa við
þeirri þróun að hér eigi sér stað sífellt fleiri og hrotta-
fengnari nauðganir.
Rafiðnaðarsambandið
og Samtök atvinnulífsins
fyrir nýgerða samninga þar sem því er beint til fyrirtækja
í rafiðnaði að marka fjölskyldustefnu með það að mark-
miði að samræma sem best vinnu og einkalíf. Fjöl-
skyldustefnan byggir á sveigjanlegum vinnutíma og
mun auka möguleika karla og kvenna til virkrar þátttöku
í heimilisstörfum og uppeldi barna.
Thelma Ásdísardóttir
ásamt Öryggisráði, Fræðslu- og Karlahópi Femínistafé-
lagsins sem lögðu fram kæru á hendur DV fyrir að hafa
milligöngu um og stuðla að vændi með smáauglýsing-
um. Þetta er fjórða kæran sem lögreglunni berst af
þessu tilefni og tími til kominn að yfirvöld framfylgi lög-
um og stöðvi vændisauglýsingar.
Hæstiréttur
fyrir að snúa ekki við dómi Fléraðsdóms Vestfjarða yfir
manni sem beitti unga stúlku kynferðislegu ofbeldi
árum saman. Sýknudómurinn byggir á því að brotin hafi
verið fyrnd en á því leikur mikill vafi. Einnig átti sér stað
alvarlegur misbrestur af hálfu lögreglu við rannsókn
málsins, sem m.a. leiddi til þess að 15 ár voru talin liðin
frá sfðasta broti.
Dómsmálaráðherra
fyrir ummæli sín um jafnréttislögin og kærunefnd jafn-
réttismála. Það er ekki von að hraðar gangi í jafnréttisátt
hér á landi þegar sjálfur ráðherra dómsmála virðir ekki
lögin í landinu.
Vefþjóðviljinn
sem hefur margsinnis leyft sér að halda því fram að rétt-
urinn til að mismuna öðrum sé einn mikilvægasti réttur
hins almenna borgara, en um það má lesa nánar á:
http://www.andriki.is/ 26. apríl 2004,117. tbl. 8. árg.
Fyndnir strákar - þægar stelpur
„Það er að mínu viti áhyggjuefni að ungir karlmenn leggi
undir sig heilan fjölmiðil á borð við Popptíví. FHeilan fjöl-
miðil sem er eins og langdregin strákabók þar sem strák-
arnir fá að vera hetjur og grallarar, en stelpurnar fá ekki að
vera með nema í ákveðnum hlutverkum. Þar sem mark-
visst er hæðst að reynsluheimi kvenna - hann talinn
óspennandi og leiðinlegur, meðan klám og kvenfyrirlitn-
ing eru hafin upp til skýjanna." Þetta segir Þórunn Flrefna
Sigurjónsdóttir m.a. í grein sinni um strákasjónvarpsþátt-
inn 70 mínútur á Popptíví, sem er hluti af umfjöllun okkar
um ungt fólk og jafnrétti.
Við lifum á skrýtnum tímum og það er ekki undarlegt að
við sem eldri erum óttumst að klámið og kvenfyrirlitning-
in geti haft slæm áhrif á unga fólkið. í viðtali við fram-
haldsskólanemana Idu og Ragga kemur fram að margt
ungt fólk þorir ekki að vera á móti klámi af ótta við að vera
talið púkalegt - að það geti þá þýtt að þau hafi ekki áhuga
á kynlífi - og hver vill láta það um sig spyrjast á gelgju-
skeiðinu? Þessi hræðsla hefur orðið þess valdandi að allt
of fáar manneskjur þora að sýna andstöðu við klám og
kvenfyrirlitningu og hún því orðin eins ósjálfráð og raun
ber vitni. Þess vegna er svo gott að heyra um ungt fólk
eins og Idu og Ragga sem þora að stíga fram og mótmæla
og gott að vita að í því efni fái þau stuðning frá Femínista-
félaginu.
En það er líka sjálfsmynd ungs fólks sem er áhyggjuefni. í
blaðinu segir Berglind Rós Magnúsdóttir uppeldisfræð-
ingur frá MA rannsókn sinni á valdasamskiptum nemenda
í 10. bekk eftir kyni og þar kemur margt athyglisvert fram.
Það er t.d. Ijóst að það eru strákarnir sem eru virkir en
stelpurnar óvirkar, þótt þær séu oft duglegri en þeir í
námi. En það er sjálfsmyndin sem skiptir máli og á meðan
sjálfsmynd stelpna byggist mest á ytra útliti en sjálfsmynd
stráka á því að vera fyndnir og frakkir er ekki von á góðu.
Og ekkert lát virðist á vinsældum fegurðarsamkeppna
sem fara nú fram í öllum landshlutum og stelpur með
nánast sama útlit eru krýndar til þátttöku í aðalkeppninni.
Meira að segja tókst að bæta við enn einni keppni, fyrir
stelpur í framhaldsskólum, þrátt fyrir mótmæli, þar sem
einn viðmælandi okkar, Alma Joensen forseti Nemendafé-
lags MFI, steig fram og þorði að láta álit sitt [ Ijós.
Kjarnann í því sem ég vildi sagt hafa, orðar Þórunn Flrefna
svo ágætlega í lokorðum sínum, þar sem hún segir: „Ég
hefekki bara áhyggjuraf sjálfsmynd unglingsstúlkna sem
horfa á Popptíví alla daga og læra það eitt að stelpur skuli
vera sætar með stór brjóst. Strákar megi bara vera fyndn-
ir, klárir og hugaðir. Ég hef líka áhyggjur af sjálfsmynd
unglingsstráka sem horfa á Popptíví og finna sér fyrir-
myndir í þeim sem ganga í gegnum ýmsar tilbúnar raunir
en mega ekki gráta heldur þurfa alltaf að vera fyndnir, al-
veg sama hvað. Og mestar áhyggjur hef ég af þeim óláns-
sömu einstaklingum sem trúa þv( að það sé karlmennska
að vera fullur og graður að horfa á berar konur skaka sér á
einhverju."