Vera - 01.04.2004, Blaðsíða 17

/ UNGT FÓLK OG JAFNRÉTTI
HJÁ MÖRGU UNGU FÓLKI ÞYKIR ÞAÐ MJÖG EÐLILEGT AÐ FÍLA KLÁM.
MARGAR STELPUR REYNA AÐ VERA SEXY OG FÁ ÞANNIG ATHYGLI FRÁ
STRÁKUNUM. ÞÆR KYSSA AÐRAR STELPUR TIL AÐ FÁ ÞESSA ATHYGLI
líka bara í svo miklum minnihluta.
Manni er kennt að skammast sín ef
maður er á móti klámi. Það er tengt
við áhuga á kynlífi og það er eins og
maður hafi ekki lyst á kynlífi ef maður
er á móti klámi! Ég er á móti klámi
vegna þess að það sýnir svo firrtan
boðskap. Svo er klám ógeðslegt og
við höfum enga þolinmæði fyrir því."
Fyrirmyndirnar segja að strák-
ar séu fyndnir en stelpur sexý
Næst leiðum við hugann að fyrir-
myndum sem hljóta að hafa áhrif á
þessi viðhorf ungs fólks í dag. Ida
segir þetta byrja mjög snemma, m.a.
með fyrirmyndum í fjölmiðlum, for-
eldrum og leikföngum. „Strákarnir
segja t.d.: „Sjáið þessa, hún er svo
flott." Stelpur eru aldar upp þannig
að þeim líður vel ef þær fá athygli
vegna útlitsins. Það skiptir ekki máli
hvort hún sé dugleg eða klár. Stelpur
eru aldar upp þannig að þeim líður
vel ef þær fá athygli vegna útlitsins."
Raggi bendir á að fjölbreytni í fyrir-
myndum fyrir stelpur sé af skornum
skammti en: „Karlar mega vera Ijótir
og feitir en eru samt fyndnir, ekki
konur." Ida nikkar til samþykkis: „Já,
það þykir töff að vera þannig fyndinn
en þegar konur eru þannig þá þykir
það bara ógeðslegt."
Raggi leiðir hugann aftur að
femínistum og segir: „Svo þegar
þessar konur fara að berjast á móti
misréttinu þá er talið að þær séu al-
gjörar grýlur. Þetta er svo ótrúlegt.
Sorglegt í rauninni," segir hann.
Það er rétt... þetta er ótrúlegt. Sér-
staklega þegar maður lítur á Idu og
Ragga sem eru svo ung og sæt og
langt frá því að vera lík henni Grýlu.
Þegar Ida og Raggi eru að lokum
spurð um framtíðarmótmæli segjast
þau vilja gera fleiri veggspjöld og
gefa út virkilegt „underground" blað
sem vekur fólk til umhugsunar um
jafnrétti kynjanna. Einnig benda þau
á mikilvægi þess að tala við fólk um
málefni kynjanna og reyna þannig að
víkka út sjóndeildarhringinn hjá ein-
um í einu. Þau ætla að halda áfram að
berjast með Karlahópi Femínistafé-
lagsins og telja það mikilvægt bak-
land fyrir sig í baráttunni. I framtíð-
inni langar þau að koma femínisma á
framfæri í gegnum listsköpun.
vera/2. tbl./2004/17