Vera - 01.04.2004, Qupperneq 6
/ SKYNDIMYND
Mynd: Sigfús Már Pétursson
Dóra Kíkóti
» Konur knýja á, í leikhúsinu sem og annars stað-
ar. Kannski er það tímanna tákn að í uppfærslu
Borgarleikhússins á Don Kíkóta skuli kona fara
með aðalhlutverkið. Fréttir berast af því utan úr
heimi að það færist í aukana að konur fari með
stór karlhlutverk. „Leikbókmenntirnar bjóða upp á mun bitastæðari
hlutverk fyrir karlmenn og nú erum við konur farnar að segja: Hei, ég
vil fá bitastætt hlutverk. Ég er orðin leið á að leika persónu sem er
dregin mjög óskýrum dráttum og fellur inn í hina stöðluðu kvení-
mynd," segir Halldóra Geirharðsdóttir sem fer með hlutverk Don Kíkóta
og er nú að undirbúa sig undir frumsýninguna 13. maí.
'i'
skiptir kyn ekki máli. „Ég gæti eins
verið þessi hugsjónamanneskja og
upplifi reyndar leiki bernskunnar þar
sem ég gat lifað mig inn í það að
grípa til sverðs og sigra andstæðing-
ana. Ég var það sem kallað er stráka-
stelpa og lék mér í stríðsleikjum þar
sem allt var ævintýri."
Finnst þér Don Kíkóti eiga
Þetta er reyndar ekki í fyrsta sinn sem
Halldóra lifir sig inn í karlhlutverk.
Hún og Ólafía Hrönn Jónsdóttir voru
óborganlegar í vinunum Berki og
Smára sem þær sýndu víða sem grín-
atriði. Sú reynsla hjálpaði Halldóru
reyndar að fikra sig inn í hugarheim
Kíkóta. „Ég byrjaði á að nota Smára
en á æfingatímanum getur verið gott
að búa sér til ramma, eins konar
björgunarhring, sem maður kastar
síðan. Smári er smámæltur en Kíkóti
er það ekki lengur. Hann er að taka á
sig mynd en einmitt núna, þegar tíu
dagar eru í frumsýningu, er ég á
þessu erfiða tímabili þar sem ég sé
ekki alveg til lands og sköpunin er að
taka á sig mynd."
Reyndar segist hún ekkert hugsa
um það að Kíkóti sé karlmaður. Hann
er bara hugsjónamanneskja og þar
Kíkóti
samsvörun í nútímanum?
„Já, ég get nefnt hugsjónamenn
eins og Ástþór Magnússon, Helga
Hóseasson og Kára Stefánsson. Þeir
gefast aldrei upp og berjast með rétt-
lætiskenndina að vopni, á hverju sem
dynur. Þegar draumurinn var tekinn
af Don Kíkóta þá dó hann. Af hverju
má fólk ekki lifa fyrir draum sinn þó
öðrum finnist hann vera blekking?
Ef Don Kíkóti væri uppi í dag myndi
hann drífa sig til írak og reyna að
stöðva stríðið og hann hefði það sem
markmið að skjóta Bush og jafna um
Blair. Hann myndi líklega líka drífa sig
í nauðgunarbúðirnar og reyna að
frelsa konurnar sem þar þjást."
Þessi persóna er svolítið ólík
annarri sem þú hefur skapað nýlega -
henni Jóhönnu Edwald þjónustufull-
trúa í Islandsbanka!
„Já, þetta er draumur hvers leik-
ara, að fá að skapa nýja og nýja per-
sónu og „falla ekki ofan í skúffurnar".
Hlutverk Don Kíkóta er stærsta hlut-
verk sem ég hef fengið að glíma við
og ég er mjög þakklát Borgarleikhús-
inu fyrir að gefa mér þetta tækifæri.
Ég veit að sú hugmynd hefur komið
þar upp áður að láta konu glíma við
stórt karlhlutverk en núna kom að
því. Ég vona að ég eigi ekki eftir að
valda áhorfendum vonbrigðum. Það
verður svakalega spennandi að sjá
hvað gerist á lokasprettinum," segir
Halldóra og ekki er að efa að henni á
eftir að
takast að skapa nýjan og einstakan
persónuleika, nú eins og svo oft áður.
6/2. tbl. / 2004 / vera