Ljósmæðrablaðið - 01.07.1981, Side 21

LJÓSMÆÐRABLAÐIÐ
61
var eftir fjárstuðningi við stéttartalið. Brefið var vinsamlegt og
þvi fylgdi ávísun á 500.000,00 gkr., sem afhent var gjaldkera rit-
nefndar. Einnig kom fram að Anna Sigurðardóttir hefir lokið
lestri 3. prófarkar að verki sínu og skilað því til prentsmiðju.
Helga Þórarinsdóttir les 2. próförk og vinnur að röðun og merk-
ingu mynda.
Björg Einarsdóttir hafði samband við ritnefnd, þar sem hún
tjáði sig um það, að vegna timaskorts óskaði hún þess að Jónína
Margrét Guðnadóttir yrði ráðinn meðritstjóri sinn, og myndi hún
þá vinna þau æviágrip sem eftir er að vinna til fulls, og ganga frá
þeim inn í stafrófsröð eftir þvð sem efni standa til, ennfremur hafi
hún umsjón og framkvæmd viðskipta við prentsmiðju, þ.e.a.s.
fari með handrit, sæki þau til prófarkalesturs og fleira. Stýri próf-
arkalestri.
Þesi störf og önnur er þarf að sinna vegna útgáfu bókarinar
Ljósmæður á íslandi, vinni Jónína Margrét í fullu samráði við
Björgu, sem er eftir sem áður ritstjóri verksins. Hún mun vinna
með Jónínu eftir því sem hennar tími leyfir og verkefni krefjast.
Þessi málaleitan var samþykt af hendi ritnefndar. Frágangur máls
við ritstjórann var sá, að gögn ritsins verði áfram sem hingað til í
umsjón og vörslu ritstjóra að Einarsnesi 4. Ráðning Jóninu er frá
og með 1. maí hálft starf um 4 mánaða skeið.
Markmið ritnefndar er, að verkið komi út á þessu ári. Þá var
staðfest af ritnefnd, að Guðbjörg Magnúsdóttir sem nú er að
störfum við stéttartalið, vinni áfram og heimild gefin til að leita til
Þóru Guðnadóttur til aðstoðar. Ennfremur til prófarkalesturs, til
þeirra Önnu Arnbjarnardóttur og Guðrúnar Sigríðar Vilhjálms-
dóttur, svo og Margrétar Valdimarsdóttur til vélritunar, eða ann-
arra eftir ástæðum. Þessar konur hafa allar unnið áður við stétt-
artalið.
Það er von útgáfustjóra og ritnefndar að fundarmönnum sé í
aðalatriðum ljós framvinda verksins, og markviss vinna og vilji til
þess að senn komi hin langþráða stund, að verkið Ljósmæður á
íslandi sjái dagsins ljós.
f.h. ritnefndar
Steinunn Finnbogadóttir.