Dagblaðið Vísir - DV - 14.04.2004, Blaðsíða 3

DV Fyrst og fremst
MIÐVIKUDAGUR 14. APRlL 2004 3
Allt gott ef
konan er góð
Baldvin Berndsen, 61 árs, rekur vídedleigu á horninu
á Lönguhlíð og Mávahlíð. Einu sinni rak hann bíla-
leigu í Flórída.
„Þegar ekkert er að gera fylli ég í hillurnar og hugsa minn
gang," segir Baldvin Berndsen, sem rekur vídeóleiguna á hom-
inu á Lönguhlíð og Mávahlíð. „Núna var ég að hugsa um grein
sem ég las í blaði þar sem einhver heiðursmaður var að líkja
þeim saman, bin Laden og Geor-
ge Bush. Ég er ekki viss um að það i n 11 a a
sé rétt líjá manninum að þeir séu ™
l£kir,“ segir Baldvin, snýr sér frá sælgætishillunni og horfir út á
götuna eins og hann sé að skima eftir gesti: „Það er engu líkara
en allir séu komnir í sælgætisbindindi eftir súkkulaðiátið um
páskana," segir hann.
Baldvin er þó ekki aleinn. Við spilakassann stendur
dökkklæddur maður á fertugsaldri í strigaskóm og með sólgler-
augu um miðjan dag. Ætli hann sé atvinnulaus? Baldvin veit
ekkert um það.
Tveir kúnnar ganga inn í sjoppuna. Snyrtilegir til fara, eru
saman og panta báðir það sama; sígarettupakka og símakort.
Sitt hvorn skammtinn.
„Ég er búinn að vera hér á horninu í fjögur ár og kann því
bara vel. Þó er þetta öðruvísi en í New York þar sem ég var bú-
settur í 12 ár og vann hjá Lofdeiðum, Flugleiðum og Hafskipi
þar til það sökk. Þá fór ég til Flórída og rak bílaleigu og ferða-
skrifstofu um tíma. Hún hét General Rent a Car. Þaðan lá leið-
in til Arisóna þar sem ég hjálpaði mönnum við að koma á fót
flugfélögum og held að mér hafi tekist að koma tveimur eða
þremur á koppinn," segir Baldvin sem saknar ekki skarkala
heimsins þótt hann standi einn í búðinni sinni í Mávahlíðinni.
„Það skiptir engu hvar maður er ef maður á góða konu. Ég kom
heim til að finna konuna mína og eftir það hefur allt verið gott.“
- Eitthvað er þó í heiminum sem ekki er í Hlíðunum?
„Kannski Rió de Janeiro. Það er fallegasta borg í heimi.
Þangað hef ég komið tvisvar; í fyrra skiptið sat ég ráðstefnu
flugfélaga og í að síðara var ég að koma úr golfferð í Suður-Afr-
HMn
Baldvin Bemdsen í Bónusvideó 1 Lætur hugann reika til Ríóde Janeiro |
þegar litið er að gera i Hlíðunum. p
fku. Það er hvergi skemmtilegra að spila golf en í Ríó. Ég held að
það sé skemmtUegasta borg í heimi."
Þegar líður á daginn á Baldvin von á því að fólk fari að koma
til að leigja spólur. Þessa dagana leigir hann mest af Master and
Commander með Russel Crow. Sjálfan langar hann að sjá
brasilísku myndina City of God. Hún gerist einmitt í Ríó þang-
að sem hugur Baldvins reikar á stundum þegar lítið er að gera á
horninu á Lönguhlíð og Mávahlíð. En það er sjaldan.
Spurning dagsins
Er Björn boðberi gamalla tíma?
Kominn tími á Björn?
„Já.Jafnréttislögin hafa réttlætt tilvist
sína einmitt íþessu máli. Þetta er spurn-
ing um réttlæti. Hingað til hafa karl-
menn fengið sérmeðferð. MikHvægt er
að kynjahlutfallið sé jafnt meðal hæsta-
réttardómara. Valgerður Bjarnadóttir
þurfti að segja afsér vegna svipaðs
máls - er ekkikominn tímiá Björn?"
Hólmfríður Anna Baldursdóttir,
skrifstofustjóri miðstöðvar
Sameinuðu þjóðanna.
„Hiklaust."
Guðný Hall-
dórsdóttir
leikstjóri.
„Það er aug-
Ijóst að Björn
er barn sins
tíma."
KarlÁgúst
Úlfsson,
leikari og rit-
höfundur.
„Altént ekki boðberi nýrra tíma.
Mér sýnist rökstuðningur hans
og sjónarmið
ganga gegn
þeim markmið-
um sem ég
áleit að full
samstaða væri
um I samfélag-
inu: Að hið opinbera ætti að
ganga á undan með góðu for-
dæmi og leiðrétta kynjamismun
sem allt oflengi hefur viðgeng-
isthérá landi."
Ásgeir Friðgeirsson
alþingismaður.
„Já, ég held að hann verði að
fara eftir lögum í landinu eins
og allir aðrir.
Og frekar þá
að Björn sé
boðberi gam-
alla tíma frem-
ur en lögin.
Hann er í
slæmum mál-
um efhann getur ekki fylgt lög-
unum, maðurinn."
Hjalti Úrsus Árnason
kraftlyftingamaður.
Kærunefnd jafnréttismála segir að með skipan Ólafs Barkar Þor-
valdssonar í embætti hæstaréttardómara (en ekki Hjördísar Há-
konardóttur) hafi Björn Bjarnason dómsmálaráðherra brotið jafn-
réttislög. Árni Gíslason lögmaður segir að skilja megi Björn sem
svo að hann vilji leggja jafnréttislög niður og hann sé boðberi
gamalla tíma.
Sókrates
469-399 fyrir
Heimspekingurinn frægi var uppi
á mesta stórveldistíma Aþenuborgar
þar sem hann bjó alla tíð. Hann var
ágætlega stæður framan af og gat sér
gott orð í þeim linnulitlu styrjöldum
sem Aþeningar háðu á hans dögum.
Upp úr miðjum aldri var hann farinn
að taka æ meiri þátt í
stjómmálalífi borgarinn-
ar og um 404 þótti hann
sýna mikið hugrekki þegar hann neit-
aði að sækja til saka mann sem „hin-
um þrjátíu harðstjórum", sem þá réðu
Aþenu, var uppsigað við. Hann var þó
umfram allt kunnur sem heimspek-
ingur og kennari og naut vinsælda
sem slíkur.
Sókrates setti ekki fram eigið heim-
spekikerfi og gildi hans var einkum
fólgið í þeim spurningum sem hann
setti fram og lýstu reyndar einmitt efa-
semdum um slík kerfi. Hann brýndi
fýrir nemendum sínum að leita ætíð
sannleikans með siðferðið að vopni en
hneppa sannleikann þó aldrei í fjötra
kerfisbundinnar hugsunar.
Árið 399 var hann handtekinn og
sakaðm um að spilla æskulýðnum og
grafa undan tign hinna fornu guða
mVELVIÐ
HUNDAR
fe LITAUPPTIL
. OKKAR. KETTIR
LITA HIÐUJRA QKK-
UR.SVINLITAAOKK-
URSEMJAFNINGJA.
WINSTON CHURCHIU.
Aþenumanna. Hann varði sig af
kappi en var dæmdur til að drekka
eiturdrykk og lét þá líf sitt.
Frægastí lærisveinn hans var
Platón og hann gerði Sókrates að að-
alpersónu í þeim „samræðum" sem
hann skrifaði um heimspekilegar
hugmyndir sfnar. Er fram í sóttí var sá
„Sókrates" fýrst og fremst málpípa
Platóns sjálfs.
Sókrates var kvæntm Xantippu
sem var fræg fyrir að vera mikill
svarkur. Hún hefiir enda væntanlega
þurft á nokkxu viljaþreki að halda til
að ala upp tvo syni þeirra hjóna eftir
að Sókrates lagði almenna vinnu á
hilluna til að sinna heimspekinni og
sannleikanum.
ÞeirerubræðurRáðh&mnn Qg
rithöfundurinn
Benedikt Gröndal (fæddur 1924) var um
árabil forystumaður iAlþýðuflokknum og
var forsætisráðherra I minnihlutastjórn
flokksins sem sat í fáeina mánuði 1979-
1980. Hann var síðan sendiherra annað
árabil.
Gylfi Gröndal (fæddur 1936) er kunnur blaða-
maður, ritstjóri og rithöfundur. Hann hefur á
seinni árum einkum helgað sig ævisagnarit-
un en einnig gefið út Ijóð og fleiri verk.
Þeir Benedikt og Gylfi eru bræður. Faðir þeirra
varSigurður Guðmundur Gröndal (1903-
1979), sonur Benedikts Gröndal rithöfundar.
ER TÖLVAN
AÐ GERA ÞIG
BRJÁLAÐA(N)?
Komdu með gömlu vélina og við ráðleggjum þér hvað gera skal!
TASK tölvuverslun rekur stórt og glæsilegt tölvuverkstæði í Ármúla 42.
Þar vinnum við með viðskiptavinum okkar - einstaklingar jafnt sem
fyrirtæki.
Við veitum þér persónulega og góða þjónustu.
- Allar helstu uppfærslur, lagfæringar og aðlögun í boði.
- Við bjóðum upp á gríðarlegt úrval af hljóðlátum tölvu aukahlutum.
- Gerum háværan tölvubúnað lágværan.
- Við ráðleggjum þér hvað er best að gera, hvort sem það er að
uppfæra tölvuna eða laga hana til.
TASK þjónusta er fyrir þig - Við vinnum hlutina með þér
ÖÐRUVÍSI TÖLVUVERSLUN
TASK Tölvuverslun - Ármúla 42 - s: 588 1000 - www.task.is