Almanak Hins íslenska þjóðvinafélags - 01.01.1876, Side 62

REGLUR UM MEÐFERÐ Á SALTFISKI.
Til þess að fá góðan saltfisk og vel verkaðan ríður á.
að fylgja þessum reglum;
1. Skera skal fiskinn á háls og hleypa úr honum
blóðinu jafnskjótt og hann er dreginn upp úr sjónum, en
varast að særa hann að öðru leyti, kasta honum óþyrmi-
lega, eða merja hann.
2. Þegar fiskurinn er flattur, ríður á að gjöra það snyrti-
lega, rista ekki allt of djúpt ofan með hryggnum, taka
vandlega úr blóðdálkinn og plokka fiskmn vel um leið.
3. Þegar fiskurinn er saltaður, skal þvo hann vel og
vandlega, og fara varlega með hann blautan, svo hann
verði hvorki marinn eða rifinn, eða skaddist á nokkurn hátt.
4. Leggja skal fiskinn í kös, þó ekki sé nema fáeinar
stundir, svo vatnið geti runnið úr honum.
5. Fiskurinn þarf að vera mátulega vel saltaður, og
þveginn vel og vandlega þegar hann er tekinn úr saltinu;
bezt er að þvo hann í rennanda vatni, en ekki í stöðupollum.
6. Menn skulu gefa fiskinum einn góðan þerridag,
eða sem því svarar, undir fyrsta farg.
7. Við fyrsta farg skal gæta þess, að pressa fiskinn,
eptir þvf, sem hann hefir fengið þurk til.
8. Þar rlður á, að stakkarnir sé vel hlaðnir, svo að
ekki standi á þeim vatn.
9. Þar á ofan eiga stakkarnir að vera vel þaktir með
hærum eða mottum allt í kríng, og huldir að ofan með borðum
og grjóti, svo þeir sé óhultir fyrir rignlngum oe súgvindi.
10. Þar ríður á, að fiskurinn sé vel þurkaður f gegn,
áður en hann sé látinn í hús.
xi. Fiskurinn á að vera geymdur í vel þurru húsi
eptir að hann er fullverkaður, þar sem ekki lekur og eng-
inn raki er eða dragsúgur.
12. Það þykir hafa vel heppnazt, að fela formönnum
á hendur söltun og hirðíng alla á fiskinum, og láta ekki
saltfisk koma til skipta fyr, en hann er fullverkaður.
RÁÐ TIL AÐ LIFGA DRUKKNAÐA.
[sjá Almanak Þjóðvinafélagsins 1875, bls. 44—45].
RÁÐ TIL AÐ LÍFGA HELFREÐNA.
[sjá Almanak Þjóðvinafélagsins 1875, bls. 46—47].
UM AÐ GJÖRA MJÖL ÚR KARTÖPLUM.
[sjá Almanak Þjóðvinafélagsins 1875, bls. 47—48].
(GO)