Almanak Hins íslenska þjóðvinafélags - 01.01.1900, Page 33

STYRNDUR :HIMINN í MARZMÁNUÐI,
Norðnr
Suður
í marzmánuði lítur himininn út eins og á kortinu nálægt
kl. 10 á kvöldin. þar má sjá vetrarbrautina, sem liggur trá
suðvestri til norðurs, í boga yfir himininn. Stjörnumerkið Orion er
komið nálægt niðurgöngu; hátt á vesturliimni er stjörnumerkið
Ökumaðurinn með stjörnunni Capella (22) eða kaupmannastjörn-
unni. þar fyrir norðan er stjörnumerkið Persevs með stjörnunni
Alyol (23), sú stjarna breytir skærleik sínum með nokkurra daga
millibili; á norðvestur loptinu er Kassiopeia, það stjörnumerki er
eins og tvöfalt vatf (w) í lögun. Á norðausturloptinu eru stjörnu-
merkin drekinn og Herknles, en lágt á austurlopti er stjörnu-
merkið Norðurkórónan eins og hringur með steini í, stjörnunni
Gemma (5). Hærra á lopti er stjörnumerkið Bootes, með stjörn-
unni Arcturus (4), og en hærra stóri vagninn. Á suðausturlopti
er ljónsmerkið, skærust stjarna í því er Regulus (8), en í há-
suðri er Krabbamerkið, með stjörnuþyrpingunni Jötunni (9), og
skamt þar frá tvíburamerkið með stjörnunum Kastor og Pollux
(13 og 12).
VII