Almanak Hins íslenska þjóðvinafélags - 01.01.1946, Page 86
Magnús JIelga$on. Jón Þórarinsson.
var fellt. Enn var málið rætt á Alþingi 1897, 1899,
1903, 1905 og 1907. Var allmikill ágreiningur um það,
hvort skólinn ætti að vera í Hafnarfirði eða Reykja-
vik og hvort vera skyldu heimavistir fyrir nemend-
ur. Á síðari þingunum beittu þcir Hannes Hafstein,
Þórhallur Bjarnarson, Stefán Stefánsson o. fl. sér öt-
ullega fyrir lausn þessa nauðsynjamáls, og höfðu
þeir barnakennara, Jón Þórarinsson o. fl., að baki
sér. Eftir allharðar umræður i þinginu 1907 voru
samþykkt lög um Kennaraskóla íslands. Samkvæmt
lögum þessum skyldi skólinn vera i Reykjavik (án
heimavistar) og starfa í 3 ársdeildum, 6 mán. árlega.
Skólinn tók til starfa haustið 1908.
Séra Magnús Helgason, sem um allmörg ár hafði
verið kennari í kennaradeild Flensborgarskólans,
var skólastjóri kennaraskólans frá byrjun og þar til
1929, að hann hætti fyrir aldurssakir og Freysteinn
Gunnarsson tók við skólastjórn. Mun séra Magnús
hafa verið einhver gagnmerkasti skólamaður hér-
lendis það sem af er þessari öld. Sigfús Einarsson
var söngkennari skólans frá byrjun og þar til hann
lézt 1939.
1924 var starfstími skólans lengdur um 1 mánuð
(84)