Almanak Hins íslenska þjóðvinafélags - 01.01.1946, Síða 106

Sigurður Guðmundsson.
Jónas Jónsson.
hinum nýju húsakynnum sínum við Lækjargötu. Lat-
ína skipaði jiar öndvegi. 1874 voru 4 bekkir, sá 3.
tvískiptur, en 1878 voru þeir orðnir 6. 1877 er sam-
þykkt ný reglugerð fyrir skólann, þar sem dregið er
úr latínunáminu, en aukið nám i nýju málunum. Árið
1883 kom fram frumvarp á Alþingi um það að skipta
latínuskólanum í lærdómssltóla og gagnfræðaskóla,
en varð ekki útrætt. Árið 1891 var samþykkt þings-
ályktunartillaga um gagnfræðadeild við latínuskól-
ann og að latínu yrði ekki krafizt til inntökuprófs
í lærða skólann, enn fremur, að gagnfræðingar frá
Möðruvallaskóla kæmust próflaust í lærða skólann.
Þessi skipan komst þó ekki á, þrátt fyrir ítrekanir á
nokkrum þingum.
Árið 1897 var á Alþingi samþykkt frumvarp, þar
sem skipta skyldi námi í lærða skólanum þannig, að
3 neðstu bekkirnir væru gagnfræðadeild, en 3 þeir
efstu lærdómsdeild. Þá skyldi og auka svo nám i
Möðruvallaskóla, að gagnfræðingar þaðan kæmust
próflaust upp í lærdómsdeild Reykjavíkurskólans.
Konungur synjaði um staðfestingu á lögum þessum.
Þar við sat til 1904, er konungur staðfesti reglugerð
fyrir „Hinn almenna menntaskóla í Reykjavík“, sem
(104)