Almanak Hins íslenska þjóðvinafélags - 01.01.1946, Page 108
Haustið 1935 var stærðfræðideild bætl við skól-
ann. Skólinn hefur starfað að niestu leyti í samræmi
við reglugerð „Hins almenna menntaskóla“ (frá
1904).
Haustið 1942 veitti kennslumálaráðuneytið Verzl-
unarskóla íslands réttindi til þess að brautskrá stúd-
enta. Er nám þeirra sniðið að mestu eftir lærdóms-
deild menntaskólanna. Mun í fyrstu hafa verið hugs-
að, að þessi deild yrði einkum fyrir verzlunarskóla-
nemendur, er nema vildu hagfræði og verzlunarfræði
í háskóla.
Hér skal og getið Gagnfræðaskóla Reykvíkinga,
scm stofnaður var 1928, vegna þess að takmarkaður
var þá aðgangur nemenda í 1. bekk menntaskólans.
Þessi gagnfræðaskóli hefur starfað síðan og miðað
námskröfur sínar við hliðstæða bekki menntaskól-
ans í Reykjavík, enda hafa nemendur gagnfræðaskól-
ans nú hlotið réttindi til þess að setjast í hliðstæða
bekki menntaskólans. Gagnfræðaskóli Reykvíkinga
er nú 4 ársdeildir og er rekinn af Reykjavíkurbæ.
Ágúst H. Bjarnason var skólastjóri skólans frá byrj-
un og þar til síðastliðið haust (1944), að Knútur
Arngrímsson varð skólastjóri.
Embættismannaskólav. — Háskólinn.
Eins og þegar hefur verið getið, var prestaskólinn
stofnaður 1847.
í tillögum Jóns Sigurðssonar um þjóðskóla íslend-
inga var m. a. gert ráð fyrir þvi, að læknaefni gætu
fengið þar nauðsynlegustu undirbúningsmenntun.
Mikill hörgull var á læknum og vart búizt við því,
að bætt yrði úr allra brýnustu læknaþörf nema inn-
lendur skóli yrði stofnaður. Á Alþingi 1855 var lögð
fram bænaslcrá um endurbætur á læknaskipun lands-
ins og 4 árum síðar um stofnun læknaskóla, og þar
kom á Alþingi 1875, að samþykkt voru lög um lækna-
(106)