Almanak Hins íslenska þjóðvinafélags - 01.01.1946, Side 111
aðarafgreiðslu fyrr en á þingi 1935, og voru þau lög
staðfest 1. febr. 1936. Deiltlir háskólans urðu 5: Guð-
fræðideild, læknadeild, lagadeild, heimspekideild og
atvinnudeild. Síðast nefnd deild starfar að mestu
sem rannsóknarstofnun i þágu atvinnuveganna , og
skiptist hún i 3 undirdeildir: Fiskideild, búnaðar-
deild og iðndeild.
Haustið 1938 var stofnaður viðskiptaskóli í
Reykjavik. Var sá skóli ætlaður stúdentum, og einnig
gátu aðrir, er verzlunarnám og reynslu höfðu, fengið
þar skólavist. Með breytingu, sem gerð var á há-
skólalögunum 1941, var hagfræði tengd við lagadeild-
ina, og heitir sú deild nú laga- og hagfræðideild.
Jafnframt lagðist viðskiptaháskólinn niður. Hafði
honum eigi unnizt tími til að brautskrá viðskipta-
fræðinga (hagfræðinga). Sama ár voru samþykkt
lög um tannlæknakennslu við háskólann, og á
vetrarþingi 1945 voru samþykkt lög um verkfræði-
deild.
Stúdentsprófs er krafizt af þeim, er nám stunda í
háskólanum og ljúka ætla embættisprófi.
Eig'i leið á löngu þar til húsnæði það, er háskól-
inn liafði í Alþingishúsinu, varð of lítið. Fljótlega
eftir heimsstyrjöldina 1914—M8 var því farið að
vinna að þvi að fá byggt hús handa háskólanum.
Verulegur skriður komst ekki á framkvæmdir í
byggingarmálum háskólans fyrr en eftir að samþykkt
höfðú verið lög um einkaleyfi handa honum til rekst-
urs happdrættis, í 10 ár frá 1. janúar 1934 að telja,
Einkaleyfi þetta — happdrætti háskólans — hefur
vcrið framlengt um önnur 10 ár.
Hinn 17. júní 1940 fluttist háskólinn í hina veglegu
' háskólabyggingu, sem að mestu hefur verið reist fyr-
ir ágóða af happdrættinu.
(109)