Almanak Hins íslenska þjóðvinafélags - 01.01.1987, Side 168

henni í október. Um hríð hafði mjög verið um það talað, að
Þorsteinn Pálsson, formaður Sjálfstæðisflokksins, tæki sæti
í ríkisstjórninni, en ekkert varð úr, fyrr en Geir Hallgríms-
son tók af skarið 7. október. Hann tilkynnti þá, að hann
hygðist segja af sér ráðherradómi frá áramótum. Við þessi
tíðindi gaf þingflokkur sjálfstæðismanna formanni flokksins
sjálfdæmi um breytingar á skipan ráðherraembætta Sjálf-
stæðisflokksins í ríkisstjórninni. Ákvað Þorsteinn að gera
verulegar breytingar og tilkynnti þingflokknum þær næsta
dag, 8. október, en hann samþykkti breytingarnar einróma.
Skyldi Þorsteinn Pálsson verða fjármálaráðherra og einnig
fara með málefni Hagstofunnar, Albert Guðmundsson yrði
iðnaðarráðherra í stað þess að vera fjármálaráðherra,
Sverrir Hermannsson yrði menntamálaráðherra í stað þess
að vera iðnaðarráðherra, Ragnhildur Helgadóttir yrði
heilbrigðis- og tryggingaráðherra í stað þess að vera
menntamálaráðherra, Matthías Bjarnason yrði viðskipta-
ráðherra í stað þess að vera heilbrigðis- og tryggingaráð-
herra en yrði auk þess áfram samgönguráðherra og loks
yrði Matthías Á. Mathiesen utanríkisráðherra frá ára-
mótum í stað þess að vera viðskiptaráðherra. Aðrar breyt-
ingar en hin síðasttalda gengu í gildi á ríkisráðsfundi 16.
október.
Ef marka má skoðanakannanir var fylgi ríkisstjórnarinn-
ar heldur lítið framan af ári en fór vaxandi síðustu mánuði
ársins. í skoðanakönnun DV í janúar sögðust 46,1%
þeirra, sem svöruðu, styðja ríkisstjórnina, en 53,9% voru
henni andvígir. í september voru hins vegar 51,6%
fylgjandi stjórninni, en 48,4% voru henni andvígir.
Hinn 8. febrúar kynnti ríkisstjórnin tillögur sínar í efna-
hagsmálum. í þeim var gert ráð fyrir að minnka erlendar
lántökur og herða eftirlit í skattamálum. t*á var rætt um að
hjálpa þeim, sem ættu við mesta erfiðleika að etja í hús-
næðismálum. Seint gekk að koma málum ríkisstjórnarinnar
fram á Alþingi og var þingi ekki slitið fyrr en 21. júní. Hafði
þing þá setið í 216 daga, sem er lengsta þingseta eftir að
Alþingi var endurreist. Um vorið létu þingflokkur, fram-
(166)