Almanak Hins íslenska þjóðvinafélags - 01.01.1987, Síða 171

Reykjavík í desember. Guðmundur Einarsson var kosinn
fyrsti formaður Bandalagsins og Vilhjálmur Þorsteinsson
varaformaður. Með þessu formannskjöri breyttust regn-
hlífasamtök í stjórnmálaflokk. Eftir þennan fund sagði
Kristín S. Kvaran sig úr þingflokki bandalagsins.
Halldór Ásgrímsson var fulltrúi ríkisstjórnarinnar við
útför Chernenkos sovétleiðtoga, sem fram fór í Moskvu 13.
marz. Steingrímur Hermannsson fór til Feneyja í byrjun
apríl og sat ráðstefnu í boði Craxi, forsætisráðherra Ítalíu.
Geir Hallgrímsson fór í lok maí í opinbera heimsókn til
Danmerkur. Halldór Ásgrímsson fór í opinbera heimsókn
til Kanada í júní og kynnti sér einkum sjávarútveg þar í
landi. Matthías Á. Mathiesen var í opinberri heimsókn í
Noregi í byrjun júlí og ræddi viðskiptamál við Asbjörn
Haugstvedt, viðskiptaráðherra Noregs. Geir Hallgrímsson
sótti fund utanríkisráðherra, sem haldinn var í Helsinki um
mánaðamótin júlí—ágúst til þess að minnast tíu ára afmælis
Helskinkisáttmálans. Steingrímur Hermannsson fór til ísra-
els í byrjun október og flutti fyrirlestur um stjórnmál í
verðbólguþjóðfélagi. Steingrímur og kona hans fóru til
New York í október til þess að vera við hátíðahöld í tilefni
af 40 ára afmæli Sameinuðu þjóðanna. Hélt forsætisráð-
herra ræðu á þingi SÞ 21. október. Geir Hallgrímsson og
Steingrímur Hermannsson voru á fundi með Reagan for-
seta í Brussel 21. nóvember.
George Shultz, utanríkisráðherra Bandaríkjanna, kom í
stutta heimsókn til íslands 15. marz. Hann var á heimleið
frá útför Chernenkos. Shultz átti viðræður við Geir Hall-
grímsson utanríkisráðherra. Bandaríski utanríkisráðherr-
ann var aftur á ferð á íslandi í byrjun nóvember. Kanadíski
ráðherrann David Crombie kom til íslands í ágúst og ræddi
við Halldór Ásgrímsson um sjávarútvegsmál. Edvard Sé-
vardnadze, utanríkisráðherra Sovétríkjanna, og kona hans
komu í eins dags heimsókn til Islands 30. október. Ráðherr-
ann hitti Geir Hallgrímsson og Halldór Ásgrímsson að
máli.
Hreinn Loftsson var ráðinn aðstoðarmaður hjá Matthíasi
(169)