Almanak Hins íslenska þjóðvinafélags - 01.01.1987, Page 197
eru greind um 70 tilfelli og um 60 íslendingar deyja árlega
úr þessum sjúkdómi.
Hitaveita á Vatnajökli. Lögð var hitaveita í skála Jökla-
rannsóknafélagsins við Grímsvötn. Hann er í 1.725 m hæð
yfir sjávarmáli. Hitinn fæst úr borholu við skálann.
Hlustendakönnun Ríkisútvarpsins. Könnun var gerð á
neyzlu á efni Ríkisútvarpsins vikuna 16. til 22. marz. í ljós
kom, að 75% íslendinga horfa á fréttir sjónvarps um helgar
en heldur færri virka daga. Af þáttum sjónvarpsins voru
Stiklur Ómars Ragnarssonar vinsælastar, en 72% notenda
horfðu á þær. Þá kom þátturinn Við feðginin með 71%,
Derrick með 69% og Draugasaga (íslenzkt leikrit) með
68%. Flestir hlusta á Rás 1, þegar hádegis- og kvöldfréttir
eru lesnar eða 55—65% hlustenda. Næst kemur morgun-
útvarpið með 33% hlustun, en allir aðrir dagskrárliðir
Rásar 1 hafa minna en 20% hlustun og sumir fara allt niður
í 2%. Á Rás 2 hlusta yfirleitt um 20-30% þjóðarinnar, en
vinsælasti þátturinn er Léttur laugardagur með 42% hlust-
un. — í könnuninni kom fram, að myndbandstæki voru á
38% heimila.
Jólasiðir. í skoðanakönnun Hagvangs kom í ljós, að 18%
íslendinga fara í kirkju á aðfangadag, á 40% íslenzkra
heimila er bakað laufabrauð fyrir jólin, á 90% heimila eru
bakaðar smákökur og jafnmargir gefa börnum í skóinn.
Flestir borða hamborgarhrygg á aðfangadagskvöld eða
25% landsmanna og næst kemur svínasteik, en um 20%
hafa hana á hátíðarborði.
Knattspyrna í janúar. Hinn 20. janúar lék enska atvinnu-
liðið Luton Town við Reykjavíkurúrval og sigraði 3:1.
Leikið var á nýjum gervigrasvelli í Laugardal.
Kolbeinsey. í ágúst var gerður út leiðangur til Kol-
beinseyjar, og lentu vísindamenn þar í þyrlu. Athuga á,
hvernig bjarga megi eynni, en hún hefur minnkað mjög á
síðustu árum vegna sjávargangs. Eyjan er nú talin vera 39 x
37 m og 7 m há.
Kvennadagur. Hinn 24. október minntust konur þess, að
liðinn var kvennaáratugur. Margar konur lögðu niður
(195)