Ægir - 01.05.2002, Page 12
Sjómannadagurinn í Grímsey er
jafnan mikill hátíðisdagur, enda
snýst lífið í eynni um sjósókn og
fiskvinnslu.
Eftir hádegi á sjómannadaginn
er hátíð á hafnarsvæðinu í Gríms-
ey þar sem línu er skotið milli
lands og bryggju og menn reyna
fyrir sér í ýmsum þrautum.
Koddaslagur er hápunkturinn og
margur Grímseyingurinn fær það
óþvegið í þessu ati. Í fyrra tóku
Geir Haarde, fjármálaráðherra, og
Halldór Blöndal, forseti Alþingis,
þátt í sjómannadeginum í Gríms-
ey, m.a. í koddaslagnum, með
ógleymanlegum árangri!
Að lokinni hafnarhátíðinni er
jafnan efnt til pylsuveislu og sjá
kiwanismenn um hana. Síðan
takast landmenn og sjómenn á í
fótbolta og sjómannadagskaffi er
þar á eftir í félagsheimilinu. Þá
má ekki gleyma sjómannaballinu,
sem er annað hvort að kvöldi
laugardags eða sunnudags, það fer
þó allt eftir því hvenær hljóm-
sveitir geta komið úr landi til
þess að spila fyrir dansi.
Um 40 bátar í eynni
Að undanförnu hefur verið bæri-
leg veiði hjá smábátum Grímsey-
inga, en í vetur hafa veiðarnar
gengið upp og ofan, að sögn Guð-
laugs Óla Þorlákssonar, sjómanns
í Grímsey. Bátunum í Grímsey
hefur fjölgað á síðustu misserum
og telur Guðlaugur Óli að þeir
séu nú orðnir um fjörutíu talsins.
„Dagabátunum hefur verið að
fjölga að undanförnu,“ segir Guð-
laugur Óli. „Það hefur verið
ágætis afli á línu og þessa dagana
eru menn að byrja á færum,“
sagði hann.
Einungis um þriðjungur afla
Grímseyjarbáta er unninn í eynni.
Bróðurpartur aflans er seldur á
fiskmörkuðum eða þá að menn
eru í viðskiptum við ákveðin fisk-
vinnslufyrirtæki í landi. Til dæm-
is kaupir saltfiskvinnslufyrirtækið
GPG á Húsavík töluvert af fiski
af Grímseyjarbátum.
Norðanhretið seinkaði
eggjatökunni
Í venjulegu ári byrjar eggjataka í
björgunum í Grímsey jafnan um
10. maí, en í ár var annað uppi á
teningnum. Norðanhret fyrripart
maí gerði það að verkum að fyrsta
varpið misfórst að miklu leyti og
því má segja að eggjatakan hafi
ekki hafist að gagni fyrr en um
20. maí. „Það er vissulega alltaf
mikil stemning í kringum eggja-
tökuna. Núorðið eru ekki mjög
margir sem síga í björgin eftir
eggjunum, en fólk fylgist al-
mennt vel með og þetta þykir
ómissandi þáttur í vorkomunni,“
segir Guðlaugur Óli. „Ég hef
heyrt á eldri Grímseyingum að
hér á árum áður hafi verið tekin
um 60-70 þúsund egg í björgun-
um hérna í Grímsey, en núna er
aðeins tekið lítið brot af þeim
fjölda. Eggjatakan er ekki lengur
efnahagslegt mál fyrir fólk hér
eða lífsbjörg eins og þau voru,
enda hygg ég að Grímseyingar
gefi allt að 90% af eggjunum sem
eru tekin í björgunum. Persónu-
lega finnst mér ritueggin alltaf
best og sömuleiðis eru langvíu-
eggin góð. Hins vegar er ég lítið
fyrir múkkaeggin,“ sagði Guð-
laugur Óli Þorláksson.
12
F R É T T I R
Hátíð í bæ á sjómannadaginn í Grímsey
Skipstjórnendum ber almennt
saman um að úthafskarfaveiðin á
Reykjaneshrygg hafi verið mjög
góð að undanförnu og á heima-
síðu Útgerðarfélags Akureyringa
segir Kristján Halldórsson, skip-
stjóri Sléttbaks EA 4, að hann
hafi sjaldan séð jafn fallegan karfa
á þessum slóðum.
Á heimasíðu Haraldar Böðvars-
sonar hf. er vakin athygli á því að
mikill fjöldi skipa hafi verið að
undanförnu á úthafskarfaveiðum á
Reykjaneshrygg við landhelgis-
línu Íslands. Auk íslenskra skipa
eru þar skip frá Rússlandi, Nor-
egi, Færeyjum, Portúgal, Spáni,
Eistlandi, Lettlandi og Litháen.
Mjög góð veiði hefur verið fyrir
innan landhelgislínuna, en
nokkru lakari fyrir utan hana.
Haft er eftir Heimi Guðbjörns-
syni, stýrimanni á Helgu Maríu
AK 16, að þegar varðskip séu á
svæðinu haldi erlendu skipin sig
utan landhelgislínunnar og því sé
mjög mikilvægt að yfir hávertíð-
ina sé varðskip alltaf á svæðinu.
Gengur vel á úthafskarfanum
Þessi mynd var tekin um borð í Slétt-
baki EA 4 á úthafskarfaveiðunum á
Reykjaneshrygg á dögunum.
Mynd: Þorgeir Baldursson.