Dagblaðið Vísir - DV - 13.03.2006, Blaðsíða 23

r*V Sport
MÁNUDAGUR 13. MARS 2006 23
FORMÚLA1
Kýldi á það
„Þetta var eina tækifærið
sem ég fékk til að vinna
keppnina og kýldi ég bara á
það," sagði Fernando Alonso
eftir keppnina. „Ég vissi að ef
ég kæmi á undan honum aft-
ur út á brautina myndi ég
vinna. Ég náði að skapa
þægilegt forskot á Schu-
macher og þetta gekk nokkuð
auðveldlega fyrir sig síðustu
hringina," sagði Alonso sem
kom 1,2 sekúndum á undan
Þjóðveranum í markið.
Gerði engin
mistök
Michael Schumacher var
nokkuð sáttur eftir keppni þó
svo að hafa látið eftir forskotið
sem hann hafði um miðja
keppni. „Ef einhver hefði sagt
fyrir keppnina að ég myndi ná
öðru sætínu hefði ég verið
mjög ánægður. Og ég er mjög
ánægður með þennan árang-
ur," sagði Schumacher. „Þeg-
ar maður er á eftir öðrum bíð-
ur maður eftir að hinn gerir
mistök. Hann gerði engin
mistök og þó svo að ég hefði
vissulega viljað vinna verð ég
að sætta mig við orðinn hlut."
Bíllinn er
hraður
„Það eru enn margar
keppnir eftir á tímabilinu og
mér sýnist að bíllinn búi yfir
góðum hraða," sagði Finn-
inn Kimi Raikkönen sem
náði þriðja sæti eftir að hafa
byrjað aftast í rásröðinni.
„Það er gott að við erum
ekki mörgum stigum á eftir
Alonso og Schumacher og
ég tel það ekkert vafamál að
við hefðum getað veitt þeim
harða samkeppni og átt
möguleika á sigri í dag,"
sagði Raikkönen en McLar-
en-liðið hlaut jafnmörg stig í
keppninni og Renault og eru
liðin jöfn í efsta sæti í
keppni bílasmiða.
Það reyndust viðgerðarhléin sem skiptu sköpum í Formúlu 1 kappakstrinum í Bar-
ein um helgina. Þeir Fernando Alonso og Michael Schumacher gáfu forsmekkinn að
því sem koma skal í sumar er þeir börðust hetjulega fyrir sigrinum. Á endanum
vann prinsinn kónginn og hóf því titilvörn sína á besta mögulega máta. Kimi
Raikkönen minnti þó á sig og vann sig upp í þriðja sætið úr því síðasta.
Enginn tnngntitringur
í liöi Renault
Spánverjinn Fernando Alonso hóf titilvörn sína í Formúlu 1
kappakstrinum með stæl með því að bera sigur úr býtum í Bar-
ein um helgina. Alonso var þriðji á ráspól á eftir báðum Ferrari-
bifreiðunum en þökk sé skynsamlegum akstri og frábærum við-
gerðarhléum náði hann að taka fram úr Michael Schumacher á
39. hring og lét hann forystuna aldrei af hendi eftir það.
Alonso var reyndar hætt kom-
inn strax á áttunda hring þegar
Felipe Massa, ökumaður Ferrari,
missti stjórn á bflnum í fyrstu
beygjunni en þegar þarna var kom-
ið var Brasilíumaðurinn rétt á eftir
Alonso. Bfll Massa rann stjórn-
laust fram fyrir Alonso í beygj-
unni og náði Spánverj-
inn að halda sínu
striki. Allt gekk
hnökralaust eftir
þetta hjá meistar-
anum en bæði
hann og Schumacher tóku
tvö viðgerðarhlé. Alonso
var síðari til að taka hléin og
í seinna skiptið tókst honum
að skila sér aftur út á braut-
ina, aðeins hársbreidd á
undan Þjóðverjanum.
Renault-menn voru afar
skynsamir, bæði í tímatök-
unum og í kappakstrinum,
og geta þakkað öguðum vinnu-
brögðum fyrir sigurinn. Alonso var
með meira eldsneyti á bflnum í
tímatökunum en Schumacher sem
dugði honum til að aka nokkra
hringi eftir að sá síðarnefndi tók
sín viðgerðarhlé. Reyndist það ríða
baggamuninn.
Finninn fljúgandi
Kimi Raikkönen
var valinn ökumað-
ur ársins í fyrra þrátt
fyrir yfirburði Alonso og
var það ekki að ástæðulausu.
Eftir skelfilega tímatöku þar
sem fjöðrunarbúnaður bilaði
áður en hann gat klárað einn
heilan hring byrjaði hann aft-
astur í rásröðinni en náði engu
að síður að vinna sig upp í
þriðja sætið. Strax í fýrstu
beygjunum komst hann fram
hjá tíu bflum og var kominn
„Renault-menn voru
afar skynsamir, bæði í
tímatökunum og í
kappakstrinum, og
geta þakkað öguðum
vinnubrögðum fyrir
sigurinn."
upp í níunda sætið áður en við-
gerðarhléin hófust.
Þökk sé nýjum reglum í tíma-
tökunum gat Raikkönen fyllt bfl
sinn af eldsneyti fyrir kappakstur-
inn og gat því leyft sér að taka að-
eins eitt viðgerðarhlé. Hann hafði
nokkrar áhyggjur af álaginu á dekk-
in en hélt ró sinni allan tímann og
gerði engin mistök. Jenson Button
reyndi hvað hann gat á Honda-bif-
reið sinni að ná síðasta verðlauna-
sætinu af honum en án árangurs.
Hörð keppni bílasmiða
Fjórir ökumenn fjögurra bfla-
smiða voru í fjórum efstu sætunum
um helgina. McLaren-bifreið Juans
Pablos Montoya var næst og á eftir
honum komu báðir Williams-bfl-
arnir. Þá skyldi enginn afskrifa
enda sýndu báðir ökumenn að þeir
eru til alls líklegir. Sérstaka athygli
vakti Nico Rosberg sem var um
helgina að keppa í sínum fyrsta
Formúlu 1 kappakstri. Hinn tvítugi
Rosberg, sonur Kekes Rosberg sem
varð Formúlu 1 meistari árið 1982,
varð í gær yngsti ökuþórinn frá
upphafi til að næla sér í stig í
keppni ökuþóra. Lengi vel leit út
fyrir að stigið yrði bara eitt en hon-
um tókst að taJca fram úr Austurrík-
ismanninnum Christian Klien í
fyrstu beygju síðasta hringsins.
Massa lofar góðu
Felipe Massa hefði sjálfsagt vilj-
að byrja betur en honum tókst þó
að vinna sig upp í níunda sæti eftir
mistökin snemma í keppninni en
árangurinn í tímatökunum lofar þó
góðu og á hann sjálfsagt eftir að
veita öðrum ökumönnum harða
keppni, liðsfélaga sínum meðtöld-
um.
eirikurst@dv.is
ENNOGAFTUR
ftuqnablikið
Kimi Raikkönen byrjaði aftastur í
kappakstrinum í gærþarsem fjöðrunar-
búnaður bilaði i tímatökunum með
þeim afleiðingum sem hér sjást.
Frammistaða hans ígær varþó með
ólíkindum þar sem honum tókst að
vinna sig alia leið upp í þriðja sætið.
_________________DV-mynd ReutenJ
URSLITOG STAÐAN EFTIR KEPPNIHELGARINNAR