Freyr - 15.05.1972, Qupperneq 36

Upplýsingaþjónusta landbúnaðarins.
Fréttatilkynning
í samningi núverandi ríkisstjórnar um
stjórnarsamstarf var meðal annars samið
um það, að „lögin um Framleiðsluráð land-
búnaðarins verði endurskoðuð í samráði
við Stéttarsamband bænda og að því stefnt,
að Stéttarsambandið semji við ríkisstjórn-
ina um kjaramál bændastéttarinnar og
verðlagningu búvara. Miða skal jafnan við
það, að kjör bænda verði sambærileg við
launakjör annarra vinnandi stétta“.
í samræmi við þessi ákvæði stjórnar-
samningsins var svo skipuð 9 manna nefnd
á sl. hausti til þessa starfs. Formaður
nefndarinnar er Sveinn Tryggvason, fram-
kvæmdastjóri Framleiðsluráðs landbúaðar-
ins.
Aðalfundur Stéttarsambands bænda,
sem haldinn var í ágúst sl. ákvað, að breyt-
ingar á Framleiðsluráðslögunum yrðu
bornar undir aukafund Stéttarsambands-
ins.
Aukafundur þessi var haldinn í Bænda-
höllinni dagana 9. og 10. febrúar, og var
verkefni hans einungis athugun á laga-
frumvarpi nefndarinnar.
Formaður Stéttarsambandsins, Gunnar
Guðbjartsson, bóndi í Hjarðarfelli, skýrði
í ýtarlegu máli hið nýja frumvarp og
helztu breytingar frá eldri lögum. Miklar
umræður urðu um málið og kom fram
nokkur skoðanamunur á einstökum atrið-
um frumvarpsins.
Samþykkti fundurinn tillögur um breyt-
ingar á einstökum atriðum, en í heild hlaut
frumvarpið stuðning alls þorra fundar-
manna.
Gert er ráð fyrir, að frumvarp þetta
verði lagt fyrir Alþingi það, er nú situr.
Þessi ráðstöfun tryggir samt ekki örugga
útrýmingu á sveppnum, því smit hans lifir
að nokkru í garðlandinu og getur lifað þar
í mörg ár. Eigi að síður getur útsæðisend-
urnýjun borið góðan árangur, og kemur
því til álita, þar sem sýking er skæð. Ef
nýtt útsæði er fengið, er sjálfsögð ráðstöfun
að sótthreinsa það fyrir niðursetningu.
Slíkt má gera með lyfinu TIRAM (TIU-
RAM), en af því er notað 1 kg á hver 1000
kg af útsæði. Lyfið er í duftformi og er
því sáldrað yfir útsæðið. Sótthreinsun með
TIRAM er þó enn frekar athugandi, ef ekki
reynist unnt að skipta um útsæði. Aðgerð
þessi er mjög einföld og tiltölulega kostn-
aðarlítil og getur jafnframt veitt töluverða
vörn gegn smitun af völdum ýmissa kvilla.
Benda má á annað lyf, Benlate, sem kemur
til greina að nota á sama hátt, en er þó
margfalt kostnaðarsamara. Af Benlate þarf
aðeins 0,5—0,7 kg á hvert tonn útsæðis.
Einnig er hugsanlegt að nota Benlate á
eftirfarandi hátt: 100—150 g eru leyst upp
í 100 1 af vatni í hentugu íláti. Útsæðið er
sett í gisinn poka, síðan er því dyfið ofan
í upplausnina í smástund (10 mín.). Þetta
er gert áður en útsæðið er lagt til spírunar.
Má aðallega mæla með þessu við smágarð-
eigendur. Fyrir smágarðeigendur er lyfja-
sótthreinsun garða einnig hugsanleg, aftur
á móti er sú aðgerð mjög kostnaðarsöm
fyrir stórframleiðendur. Lyfið Brassicol
kemur fyrst og fremst til greina í þessum
tilgangi, en því er dreift yfir jarðveginn
fyrir vinnslu. Varnaraðgerðir, sem beint er
gegn ræktuninni koma að takmörkuðu
haldi, ef ekki er einnig séð fyrir sótthreins-
un á geymslum, kössum og tækjabúnaði.
sem notaður er í sambandi við ræktunina.
Slíka sótthreinsun verður því að fram-
kvæma samvizkusamlega og vel á hverju
ári. Má svæla geymsluhúsnæði og kassa
með brennisteini eða formalíni og kalíum-
permanganati, eins má sótthreins áhöld og
tæki úr 0,2% kloraminupplausn eða 4%
blásteinsupplausn. Mun nánar vikið að
þessu máli síðar. Ó. V. H.
228
F R E Y R