Freyr - 01.01.1976, Blaðsíða 36

Á mynd 1 kemur fram greinileg aukning
á hlutdeild stöngla eftir því, sem líður á
sáðtímann, en aukning á hlutdeild blaða
verður einkum þar, sem 5 kg fræs er sáð í
hektara. Ekki er mikill munur á uppskeru
(mæld sem „hey“ hkg/ha) milli liða. Þó er
uppskeran mest þar, sem fræmagnið er 20
kg/ha, en þar er jafnframt minnst blað-
prósenta.
Þess skal gætt, að uppskerutölur eru ekki
einhlítur mælikvarði á það, hve mikil not
bændur hafa af fóðurkáli, heldur kemur
fleira til sem fyrr segir, s.s. hlutdeild blaða
og stöngla og efnainnihald.
Á mynd 2 má sjá niðurstöður úr athugun
á hlutdeild blaða og stöngla úr tilraun
með repjustofna síðastliðið sumar. Upp-
skera þessara stofna var mjög svipuð.
Mynd 2.
Hlutdeild blaða og
stöngla við mismun-
andi sprettutíma g
sáðmagn.
ÁBURÐARNOTKUN.
Heildarnotkun tilbúins áburðar síðustu 4 ár
hefur verið:
Tegund 1975 smál. 1974 smál. 1973 smál. 1972 smál.
Köfnunarefni, hreint N 13.589 13.437 13.628 12.982
Fosfóráburður, P.,0, 7.261 7.489 7.587 7.103
Kalíáburður, K.,0 5.008 5.379 5.450 5.452
Á árinu 1975 var notað aðeins 1,13%
meira af köfnunarefni, en 3% minna af
fosfóráburði og 6,9% minna af kalíáburði
en 1974. Er ískyggilegt, hve áburðarnotkun
dregst saman hjá bændum, þrátt fyrir
nokkra aukningu ræktaðs lands. Mun or-
sökin að þessu sinni hafa verið hin mikla
verðhækkun áburðarins, en of mikið var
úr henni gert, þegar hliðsjón var höfð af
hinni miklu verðbólgu, einkum eftir að ríkis-
stjórnin tók þá skynsamlegu ákvörðun að
greiða niður hluta af áburðarhækkuninni.
Minnkun áburðarnotkunar leiðir til aukinn-
ar kjarnfóðurgjafar, sem alla jafna er bæði
bændum og þjóðarheildinni óhagkvæmari.
Heimaaflað fóður bóndans er undirstaða
góðrar afkomu hans.
Áburðarverksmiðjan í Gufunesi fram-
leiddi 1975 37.480 smálestir af áburði, þar
af eingildan N-áburð af mismunandi styrk-
leika (33% N, 26% N og 20% N) 7.580
smálestir, en 29.900 smálestir blandaðan
áburð. Áburðarsalan seldi 60.588 smálestir
af áburði á árinu 1975, sem er 1,5% meira
en 174, þó sala hreinna áburðarefna væri
1,7% minni síðara árið. Sýnir þetta vaxandi
notkun veikari áburðartegunda.
Meðalverð á áburði var 76,5% hærra
1975 en árið áður. Áburðarefnin eru frá 7—
10% dýrari í blönduðum en hreinum áburð-
artegundum.
(Úr áramóiayfirliti búnaðarmálastjóra).
26
F R E Y R