Freyr - 01.08.1991, Side 29

15.-16.’91
FREYR 593
Á fundi stjórnar Stéttarsambands bœnda 24. júlí sl. gerðist m.a. þetta:
Fundurmeð stjórn
Búnaðarfélags íslands.
Til fundar kom stjórn BÍ og búnað-
armálastjóri til viðræna um at-
vinnumál sveitanna og hugmyndir
um niðurskurð framlaga til land-
búnaðarins. Til þessa sameiginlega
fundar var boðið að beiðni BÍ.
Jón Helgason, formaður BÍ,
lagði áherslu á að mikilvægt væri
að BÍ og SB sneru bökum saman til
varnar ýmissi atvinnustarfsemi í
sveitum og skipulegðu vinnu í því
sambandi. Rætt var um vanda sem
kann að steðja að garðyrkjunni
vegna samninga EB og EFTA,
vanda vegna gjaldþrots Alafoss hf.
og stöðu loðdýraræktarinnar.
Eftirfarandi ályktun var sam-
þykkt:
„A sameininglegum fundi
stjórna heildarsamtaka bænda-
stéttarinnar, Bf. íslands og Stéttar-
sambands bænda, 24. júlí 1991, var
rætt um margvíslega erfiðleika sem
nú blasa við bændum. og iðnaðar-
og sölufyrirtækjum, sem þeim eru
nauðsynleg, til að afsetja fram-
leiðsluvörur sínar. Jafnframt var
athygli beint að því, hve rekstrar-
skilyrði hérlendist virðast margvís-
legum atvinnufyrirtækjum óhag-
stæð og því nauðsynlegt að
stjórnvöld styðji þau í erfiðleikum
fremur en láta sig litlu skipta afdrif
þeirra.
Um eftirfarandi atriði ályktaði
fundurinn sem hér segir:
1. Stjórn BÍ og SB lýsa veruleg-
um áhyggjum af gerð samn-
inga um EES að því er varðar
hagsmuni landbúnaðarins og
gera kröfu til þess að fá að
fylgjast með og hafa áhrif á
hana.
2. Stjórninar telja að hrun ullar-
iðnaðarins í landinu sé gífur-
legt áfall, fyrir mörg hundruð
starfsmenn, fyrir ýmis sveitar-
félög og síðast en ekki síst fyrir
sauðfjárbændur. Þeim er ætl-
að að hafa tíunda hlut nettó-
tekna af búum sínum af ullar-
verði, en nú kaupir enginn ull í
landinu. Pegar þessi tekju-
missir bætist ofan á samdrátt
framleiðslunnar, sem nú blasir
við, kann það að valda hruni í
sauðfjárbúskapnum. Það
varðar aftur lífshagsmuni þús-
unda manna og setur mörg
byggðarlög í hættu.
Því verður að vinna að því
að endurreisa ullariðnaðinn
og nýta þannig þá möguleika
til innlendrar verðmætasköp-
unar sem þar eru til.
Stjórnir BI og SB beina því
þeirri eindregnu áskorun til
landbúnaðarráðherra og iðn-
aðarráðherra að þeir beiti sér
fyrir þessu.
Bændasamtökin eru reiðu-
búin að vinna að málinu með
stjórnvöldum og öðrum sem
þar eiga hagsmuni að gæta.
Þetta þolir ekki bið.
3. Þá skal á það minnt hve brýnt
er að styðja alla viðleitni til að
skapa atvinnu í sveitum lands-
ins. Má m.a. benda á að
bleikjueldi kann að eiga væn-
lega framtíð, ef menn sjást fyr-
ir um fjárfestingar en reka það
fyrst um sinn sem aukabú-
grein. En í flestum tilvikum er
þó hægara að styðja en reisa.
Því verður að verja þær grein-
ar, sem eiga undir högg að
sækja, svo sem garðyrkjuna,
sem telur sér einkum ógnað af
auknum innflutningi, loðdýra-
rækt, sem sér um sinn fram á
betri daga, en dregur þó þung-
an skuldahala en síðast en ekki
síst sauðfjárræktina sem lang-
flestir lifa af og á mestan þátt í
viðhaldi dreifbýlisins."
Stjórn BÍ og stjórn SB ákveða að
tilnefna tvo menn hvor úr sínum
hópi til að vinna saman að fram-
gangi þessara ályktana. Kosnir
voru af hálfu SB þeir Haukur Hall-
dórsson og Þórólfur Sveinsson, en
af hálfu BI þeir Jón Helgason og
Hermann Sigurjónsson.
Lagalegur grundvöllur
búvörusamnings.
Lögð var fram álitsgerð embættis
ríkislögmanns um lagalegan
grundvöll búvörusamnings frá 11.
mars sl. Meginniðurstaða álits-
gerðarinnar er að það heyri undir
embættisskyldu landbúnaðarráð-
herra að framkvæma samninginn
sem forveri hans hafði gert með
lögformlegum hætti. Sama gildi
um fjármálaráðherra sem skylt sé
að leita eftir lagaheimildum til að
unnt sé að efna skuldbindingar rík-
issjóðs skv. viðaukum I og II sem
hann undirritaði ásamt landbúnað-
arráðherra.
Einnig segir í álitsgerðinni að
ekkert liggi fyrir á þessu stigi sem
geti réttlætt riftun samningsins í
heild eða að hluta af hálfu ríkis-
valdsins.
Sauðfjárslátrun haustið 1991.
Rætt var um slátrun sauðfjár á
komandi hausti. Horfur eru á að
dilkar verði vænir og veruleg hætta
á mikilli fitusöfnun. Ákveðið var
að ræða við sláturleyfishafa um að
bændum gefist kostur á að koma
með dilka til slátrunar á þeim tíma
þegar verðmæti þeirra er mest.
Stjórn nóttúruvísindadeildar
Vísindasjóðs.
Menntamálaráðuneytið óskar eftir
að SB tilnefni fulltrúa á fund sem
kjósa á tvo menn og tvo til vara í
Frh. d bls. 592