Skátablaðið - 01.02.1985, Blaðsíða 20

Verðum að horfa
á staðreyndir
Atvinnuleysi er hlutur sem við
getum ekki lengur horft framhjá.
Pó svo að þess gæti ekki mikið hér
á landi í dag mun það koma, það
segja staðreyndir allt í kringum
okkur. Svo við vitnum enn til
þjóða eins og Breta, þá blasir við
ungdómnum það eitt, að þegar
skóla lýkur munu aðeins um 2 af
hverjum 10 einhverntíman fá
fasta atvinnu. Þetta er ekki glæsi-
legt. Pað verður því að taka því
sem staðreynd að atvinnuleysi er
til og mun frekar aukast heldur en
hitt allavega meðan haldið er á
málunum eins og gert er í dag.
Hvaða leiðir koma til greina
í umræðunni um hvernig leysa
eigi atvinnuleysið hefur oft verið
bent á að aðeins séu til tvær
meginlausnir þ.e.a.s. ef allt fer á
þann veg sem á horfir. Annars
vegar er að dreifa vinnuverkefn-
um meira á milli manna, þannig
að fólk haldi svipuðum launum en
vinni til að mynda aðeins Vi
daginn. Petta gæti þó orðið dálít-
ið erfitt í framkvæmd. Hins vegar
er spurningin að hækka atvinnu-
leysisbæturnar verulega þannig að
fólk geti lifað sæmilegu lífi á
þeim, þ.e. með öðrum orðum að
dreifa fjármagninu betur á milli
fólksins. Ekki skal hér lagður
dómur á hvort þetta séu helstu
leiðirnar eða hvort þær séu færar,
en samt sem áður eru þær óneit-
anlega athyglisverðar, en snúum
okkur að því sem hægt er að
vinna að.
Efla þarf fræðslu um atvinnu-
leysi og afleiðingar þess á fólk svo
og þarf að auka kynningu á öllu
því sem fólki með nægan frítíma
stendur til boða. Einna mikilvæg-
ast er að undirbúa skólabörnin
fyrir komuna á atvinnuleysismark-
aðinn. Ef börn geta tekið því sem
sjálfsögðum hlut að fá ekki vinnu
þá höfum við mun jákvæðari hóp
sem tekur öllum nýjungum betur
en það fólk sem man tímana
tvenna.
Grípum til aðgerða áður en allt
verður komið í einn hrærigraut en
umfram allt verum viðbúin gífur-
legri aukningu atvinnuleysis hér
á landi næstu ár.
Skátastarf fyrir atvinnulausa
í flestum þeim löndum þar sem
atvinnuleysi er mikið hefur Skáta-
hreyfingin gripið til aðgerða og í
Hollandi ef við tökum enn eitt
dæmið, hefur ríkisstjórnin úthlut-
að skátahreyfingunni þó nokkuð
miklum styrk eða öllu heldur sjóð
og er hreyfingin með einn skáta
á fullum launum við að útbúa
verkefni, námskeið og annað
handa atvinnulausum.
Á Bretlandi aftur á móti eru í
gangi umfangsmiklar aðgerðir
hjá skátunum til hjálpar atvinnu-
lausum. F*eir hafa þar í gangi
skráningarskrifstofu sem skráir
atvinnulausa og sér svo um að
ganga frá öllum nauðsynlegum
skjölum hvort sem er í sambandi
við starfsamning eða atvinnu-
leysisbæturnar.
Einstaklingsframtakið
lofsvert líka
Og í lokin er hér dæmi um einn
atvinnulausan mann sem gerðist
þreyttur á því að gera ekki neitt.
Hann safnaði saman öllu sparifé
sínu, seldi nokkra óþarfa hluti
sem hann átti og keypti sér gott
keppnisreiðhjól. Nú, síðan bjó
hann sér plan þess efnis að hann
vaknaði alltaf á hverjum degi kl.
9 og lagði síðan af stað hjólandi
upp úr 10. Síðan hjólaði hann
vanalega til kl. 18. - Þama var hann
búinn að skapa sér nóg að gera
allan daginn og brátt fór hann að
stefna að hjólreiðakeppnum.
Aðeins 3 árum seinna er þessi
maður einn fremsti hjólreiðamað-
ur frakka. í þessu tilfelli var
endirinn aðeins gleðilegt auka-
atriði því aðalatriðið var að sjálf-
sögðu það að maðurinn hafði
alltaf nóg að gera.
Birgir Þór Ómarsson,
höfundur greinarinnar, er
skáti í Reykjavík.
Hann sótti nýlega ráðstefnu
á vegum Evrópuráðs skáta
um atvinnumál ungs fólks,
þær upplýsingar sem stuðst
er við í greininni eru frá þeirri
ráðstefnu.
20 SKÁTABLAÐIÐ