Skátablaðið - 01.04.1994, Page 10

Um þessar mundir standa skátar um allan heim fyrir
átaki til hjálpar börnunum í Tajikistan (borið fram Tatsi-
kistan). Pau eru á flótta undan borgarastyrjöld sem hefur
geisað þar í tvö ár. Skátarnir ætla, í samvinnu við Flótta-
mannahjálp Sameinuðu þjóðanna, að senda svokallaða
friðarpakka til hjálpar börnum sem búa þar við mjög
slæman aðbúnað. Skorað hefur verið á íslenska skáta að
safna a.m.k. 1200 pökkum og taka íslenskir skátar að
sjálfsögðu við þeirri áskorun.
Undirtektir hafa verið mjög góðar. Á
aðalfundi Bandalags íslenskra skáta fyrir
skömmu skráðu þegar hin ýmsu skátafé-
lög sig fyrir um 1100 pökkum. En meira
þarf til og ekki er verra ef pakkarnir verða
fleiri.
Tajikistan
Tajikistan er eitt af fyrrverandi Sovét-
lýðveldum og er rétt norðan við Afganistan
(sjá kort). Þetta er lítið land og mjög
fátækt. I kjölfar upplausnar Sovétríkjanna
braust út borgarastyrjöld sem hefur valdið
ómældum hörmungum. Andstæðar
fylkingar kommúnista og strangtrúaðra
múslima berjast um völdin í landinu.
Höfuðborgin Dushanbe hefur orðið mjög
illa úti í átökunum, og er nú svo komið að
þar er hvorki rennandi vatn né rafmagn.
Stríðið hefur orðið til þess að nú eru um
500 þús. manns í flóttamannabúðum
víðsvegar um Tajikistan, þar af 100 þús.
börn (jafnmörg og allir íbúar Reykja-
víkur).
Hingað til hefurFlóttamannahjálpin séð
um að útvega flóttafólkinu allar helstu
nauðsynjar svo sem húsaskjól, mat og
læknisþjónustu. En nú er svo komið að
fjármagn er á þrotum.
Sve&an oa yétt
/
'tt
Skátastarf— sjálfstæður lífsstíll