Prentarinn - 01.01.1967, Síða 38

Islenzku Drupa-jararnir í Dusseldorf. / baksýn sést ein brúin yjir Rín.
— Ljósm. Steindór Hálfdánarson.
um að til séu í neinu bókbandi á íslandi svo
stór húsakynni að hægt væri að troða henni
þar inn, hvað þá að hún hefði verkefni nema
brot úr degi, þótt öllum læsum kvenmönnum
í landinu væri gefið eitt blað á dag. Eða brot-
vélafrænkan sem hólkaði, skrifaði nafn og
heimilisfang og sleikti frímerki á 5000 tímarit
á klukkustund. Henni yxi ekki í augum að
hólka t. d. Ferðafélagsbókina (sem þykir stór
hér). Okkur vantar 999 Ferðafélög í viðbót
til þess að hafa af henni hálft gagn. Og skeinis-
hlaðaniðurskurðarvélin! Sá sem séð hefur svo-
leiðis verkfæri fer á kamarinn með breyttu
hugarfari.
Sem betur fer var fleira að skoða en báknin
þótt mikið bæri á þeim. En það yrði mikil
upptalning að lýsa því öllu og álíka girnilegt
aflestrar og símaskráin; samt líklega óvart
skemmtilegra í augum þeirra sem álpast til að
lesa þetta — það færi einhver lesenda Prent-
arans að glotta, ef ég burðaðist við að lýsa
fyrir honum farvaverki eða íleggjara. Víst er
það allavega að sá sem leitar að ákveðinni
vél getur á Drúpu skoðað margar mismunandi
gerðir á einum stað og gert langtum meiri
samanburð en annars staðar er hægt.
Á einum stað á sýningunni var bás kalls-
ins Hells sem býr til Klisjógrafinn, og sat þar
Kaupmannahafnarsímaskráin ofan á kassa á
stærð við fataskáp. Skrá þessi er heljar doð-
rantur, 7—8 cm þykkur, og var sýnd þarna
vegna þess að kassinn ( sem er hluti af kerfi,
sem nefnist Digiset) setti hana í sjálfum sér,
braut um og setti blaðsíðutöl á rúmlega 17
klukkutímum. Átti hann þá frí það sem eftir
var sólarhringsins, því að hann þarf aldrei
að leggja af; það er hvorki letur né matrissur,
heldur er spilað á hann segulband úr tölvu og
er búið að taka upp á það „lag“ sem myndar
sátrið með rafmagnsöldum á sjónvarpsskerm
og þaðan er myndin flutt á filmu. Mest er
gaman að kassinn er að dunda við setninguna
í hjáverkum; aðaltilgangur danska símafélags-
ins með kaupum hans er að láta hann skrá
allar breytingar á notendaspjaldskrá sinni með
skjótum og aðgengilegum hætti. Digiset sam-
stæður eru til takmarkaðra nota enn sem kom-
ið er, en eru taldar hafa mikla yfirburði í
ákveðin uppsláttarverk sem oft þarf að gefa
út með breytingum, og kemur þar til hraðinn,
og svo það að vélin ritstýrir að nokkru leyti
sjálf — raðar t. d. auðveldlega í stafrófsröð.
34
prentarinn