Litli Bergþór - 20.06.1995, Blaðsíða 3

Ritstjómargrein
Vikurnar sem þetta blað hefur verið í undirbúningi er vorið að koma. Hægt en örugglega víkur
veturinn. Snjóa leysir, farfuglar koma hver af öðrum og gróðurinn teygir sig upp úr moldinni. Einn
daginn er svo snjór ekki sjáanlegur nema í hæstu fjöllum og á jöklum, loftið ymur af fuglasöng, jörð
er algræn og tré laufguð. Sumarið er komið.
Þetta gerist á hverju ári, stundum snemma en stundum seint, en alltaf einhvertíma á hörpu eða
skerplu. Þó biðin þyki stundum löng, er víst að vagninn sá kemur.
Á þessu byggist tilvera flestra á þessu landi og í þessari sveit. En fleira þarf til svo mannlífið
verði fagurt og frjótt. Fólk þarf að hafa verðugt viðfangsefni og sómasamlega afkomu. Helsta
forsenda þess er blómlegt atvinnulíf. Mikil vonbrigði eru hve illa gengur með rekstur Yleiningar og
hve mjög störfum þar hefur fækkað. Flestar greinar landbúnaðar eiga nú í vök að verjast og hætta
steðjar að þeim vegna innflutnings. Helsti vaxtarbroddurinn virðist vera í ferðamannaþjónustunni.
Ánægjulegur vottur um hann er mikil uppbygging aðstöðu á nokkrum stöðum, svo sem við Geysi
og í Úthlíð, og aukin starfsemi í Reykholti. Vonandi veitir þetta vinnu ýmsum þeim er atvinnulausir
hafa verið á útmánuðum og einnig skólanemendum sumarvinnu við hæfi. Veigamikill þáttur í
blómlegu mannlífi er menningarstarf. Um þessar mundir er sönglífið mest áberandi á þessu sviði.
Er það vel við hæfi í sveit sem á ríka sönghefð. Skálholtskór starfar af þrótti, nýr en nafnlaus kór
hefur verið stofnaður hér í uppsveitunum, og hefur hann farið inn á nýja braut með því að blanda
saman upplestri og söng á skemmtunum.
Fallegasti vorgróðurinn í menningarlífinu er samt starf Bamakórs Biskupstungna, sem um
sumarkomuna fór í söngför til Danmerkur, og syngur oft hér á heimaslóðum við ýmis tækifæri.
Þama er gróður, sem þarf að fá tækifæri til að vaxa og þroskast og auðga hér mannlíf á einn og
annan hátt á komandi árum.
A. K.
vegghleðsluú trjáklippingar,
illgresiseyðing o.fl.
Utvega allt efni. Tilboð eða tímavinna.
Sigurður Gunnar Ásgeirsson
garðyrkjufræðingur
v
Gróðrastöðinni Furubrún
Reykholti, Bisk.
s. 486-8797
_____________________s. 486-8771 ,
Litli - Bergþór 3