Litli Bergþór - 01.04.1998, Blaðsíða 6

U.M.F. Biskupstungna
/
Iþróttadeild.
Á aðalfundi Umf. Bisk. 1990 var kosið í stjórn
íþróttadeildar sem síðan var stofnuð 14. júní 1990. I
stjómina voru kosnir þrír aðilar sem skiptu með sér
verkum og einn til vara.
Mini körfuboltaliðið í Þorlákshöfn ífeb 1998.
Andri H., Smári, Andri Freyr, Jóhann Pétur,
Kristinn, Benedikt og Guðmundur.
Fyrsta árið var auðvitað frumraunin í þessu öllu
saman og skipti því máli hvernig til tækist. Nefndir voru
skipaðar yfir þessum hefðbundnu íþróttagreinum sem
stundaðar höfðu verið, þ.e.a.s. frjálsíþróttanefnd,
boltanefnd inni og úti, skáknefnd, sundnefnd og
göngudagsnefnd. Um 70 manns gengu í deildina í
upphafi, aðallega börn og unglingar.
Fjáröflun er stór liður í starfi deildarinnar. þar er
veigamest flugeldasalan, en hefð er komin á þessa sölu og
fólk veit að það getur stólað á hana. Einnig hafa verið
farnar aðrar leiðir, eins og kökubasar, bingókvöld,
hlutaveltur, körfuboltamaraþon, og önnur sala í
sölutjaldinu, einnig sala á harðfisk og klósetpappír.
Lionsfélagið hefur styrkt okkur og krakkar hafa haldið
tombólur. Einnig fáum við styrk frá aðaldeild félagsins
sem kemur vegna Lottósölu og styrks frá
Biskupstunngnahrepp til Ungmennafélagsins. Einnig hafa
fyrirtæki í Biskupstungum styrkt okkur með gjöfum á
bingóvinningum og með því að hjálpa okkur við kaup á
íþróttabúningum.
Iþróttamót sem íþróttadeildin tekur þátt í yfir árið
eru fjölmörg, en þar ber mest á frjálsíþróttamótum. Það
eru Islandsmót, héraðsmót, millifélagamót og félagsmót.
Þessi mót eru bæði innanhúss og utan og í mörgum
aldursflokkum. Við eigum margt efnilegt frjálsíþróttafólk
sem hefur náð mörgum héraðsmeistaratitlum og
íslandsmeistaratitlum og einnig eigum við Islands-
methafa. Á tímabili voru fjórir unglingar frá Umf. Bisk. í
unglingalandsliði Islands í frjálsum. Æfingar í frjálsum
hefur verið fastur punktur hjá íþróttadeildinni öll árin allt
árið um kring. Mikil vinna hefur verið lögð í að fara með
krakkana á sem flest mót sem í boði eru. Eflaust finnst
mörgum skemmtilegustu mótin vera þriggjafélagamótin,
sem haldin eru tvisvar á ári og er þá keppt við
Grímsnesinga og Laugdæli.
Sund hefur verið æft í mörg ár og höfum við átt
magra góða sundmenn sem hafa staðið sig vel á hinum
Litli - Bergþór 6 -------------------------
ýmsu mótum og þá aðallega héraðsmótum. Heldur fór að
halla undan fæti með áhugann á sundinu fyrir nokkrum
árum og var þá tekið til bragðs að halda námskeið fyrir
yngstu börnin og reyna með því að byrja aftur frá grunni
og ekki vantar áhugann hjá þeim.
Fótbolti hefur verið iðkaður hér mjög frjálslega.
Oft hefur gengið illa að fá þjálfara og þá hafa æfingar
ekki verið markvissar. Á timabili gekk þetta samt
ágætlega og þá var æft tvisvar í viku og við kepptum við
nágrannafélögin í yngri flokkunum og einnig fórum við
með lið á HSK hátiðina.
Körfubolti hefur lengi verið vinsæl íþróttagrein í
Tungunum. Síðan deildin var stofnuð höfum við alltaf
verið með unglingalið í héraðsmótinu og á tímabili líka
karlalið og stúlknalið. Gengi liðanna í héraðsmótunum
hefur verið nokkuð sveiflukent, stundum gengið vel og
stundum illa. Æfingar og heimaleikir fóru oftast fram í
Aratungu þar til á síðasta ári þá fluttum við heimaleikina
út að Laugarvatni og nú í vetur erum við bæði með
æfingarnar og heimaleikina þar. Einnig erum við með
yngri lið sem hafa verið að keppa á Garðyrkjumótinu við
nágrannafélögin og nú síðustu ár hefur HSK stofnað til
keppni fyrir þessa yngstu flokka.
Á fyrstu árum deildarinnar var reynt að hafa
skákæfingar, en þá var töluvert telft í skólanum. Eitt sinn
fengum við hingað þekktan skákmann til að vera með
námskeið yfir eina helgi og gekk það ágætlega. Síðan
smá dró úr áhuganum og ekki hefur veið telft á vegum
íþróttadeildarinnar í mörg ár.
Borðtennis var heilmikið spilaður í skólanum og
félagar úr íþróttadeildinni tóku þátt í Héraðsmótinu og
gekk alveg ágætlega. Síðan voru fjórir drengir sem fóru
að sækja æfingar í greininni til Reykjavíkur einu sinni í
viku með mjög góðum árangri. Þá þótti okkur ekki stætt á
öðru lengur, en að reyna að útvega þjálfara í greininni.
Það lét ekki á sér standa að mikill áhugi var á borðtennis
og æfingamar mjög vel sóttar. Síðan höfum við unnið
Héraðmótið flest árin og eigum marga héraðsmeistara og
íslandsmeistara. Við höfum einnig átt unglinga í
Unglingalandsliðinu og borðtennismaður ársins hjá HSK
hefur verið frá okkur undanfarin þrjú ár.
Göngudagsnefnd var lengi starfandi í deildinni.
Hún hóaði saman fólki einn dag á sumri og skipulagði
gönguferð einhvemstaðar í sveitinni. Víða hefur verið
gengið eins og t.d. í Haukadal, upp með Brúará, niður
með Tungufljóti, gengið á Vörðufell, og gjaman var
fenginn heimamaður sem fararstjóri. Seinni árin hefur
þetta breyst í skíðagöngudag og em þá troðnar brautir í
Haukadal og gengið á skíðum. Tvisvar hefur verið
fenginn kennari frá Skíðasambandi íslands og hefur hann
verið með kennslu á gönguskíði.
Hér hefur verið stiklað á stóm í sögu
íþróttadeildarinnar. Deildin er ung og vaxandi og á alla
framtíðina fyrir sér. Auðvitað geram við okkur miklar
vonir með tilkomu nýja íþróttahússins og vonandi að allir
eigi eftir að nýta það sem best.
Áslaug Sveinbjömsdóttir.