Litli Bergþór - 01.03.2003, Blaðsíða 5

Hvað segirðu til?
Hér verður greint frá því helsta, sem frétt-
næmt er úr Biskupstungum frá nóvember 2002
til mars 2003.
Fyrst er frá því að segja að tíðarfar hefur verið
mjög gott, jafnvel segist sumt roskið fólk vart muna
eins milt skammdegi. Aldrei hefur komið neinn
verulegur snjór, aðeins gert hvíta jörð á láglendi
nokkrum sinnum en fjöllin oft grá niður í 400 - 500
m hæð y. s. Hitinn hefur oftast verið um og yfir
frostmark, en nokkrum sinnum farið niður fyrir -
10°. Jarðklaki er þess vegna mjög lítill og ætti því
að gróa snemma í vor. I febrúar var allmikil úr-
koma en hún féll oftast til jarðar sem rigning. Mjög
milt veður var um miðjan mars, hiti oft nær 10°,
lítilsháttar væta og hvarf þá ís af vötnum og víða
einnig úr jörð. Fuglar sem yfirleitt eru sjaldséðir
hér um miðjan vetur, svo sem álftir og endur, hafa
verið hér á ám og vötnum og máríuerla mun hafa
sést. Hagræði af þessu tíðarfari er það helst að sam-
göngur hafa verið greiðar og hross létt á fóðrum.
Helstu þættir í menningarlífi voru m. a. tónleikar
Hilmars Amar Agnarssonar, organista, í
Skálholtskirkju til minningar um Jón Arason og syni
hans, sem líflátnir voru þar á staðnum 452 árum
áður. Þar hélt tónlistarhópur, sem nefnir sig Lux
Terrae - Sálmaband, tónleika um miðjan nóvember
og Kammerkór Suðurlands söng þar síðar í þeim
mánuði. Aðventutónleikar voru í Skálholtskirkju
um miðjan desember, og í Haukadalskirkju var að-
ventukvöld um svipað leyti og Laugaráskvartettinn
hélt tónleika í Skálholtskirkju rétt fyrir jólin.
Jólamessur voru með hefðbundnum hætti; í Skál-
holtskirkju á aðfangadagskvöld, um miðnætti á jóla-
nótt og jóladag, í Bræðratungukirkju og Haukadals-
kirkju á annan í jólum og á Torfastöðum á nýársdag.
Sóknarpresturinn, sr. Egill Hallgrímsson, predikaði í
öllum þessum messum nema sr. Sigurður Sigurðar-
son, vígslubiskup, predikaði á jólanótt og sr. Úlfar
Guðmundsson, prófastur, predikaði í Bræðratungu.
Hilmar Örn Agnarsson, organisti, spilaði við fyrri
þrjár messumar en Magnús Ragnarsson, organisti,
leysti hann af við þrjár hinar síðari.
Þorrablót var í Aratungu að kvöldi fyrsta þorra-
dags í umsjá Skálholtssóknar. Þangað munu hafa
komið næstum 300 manns, sem skemmtu sér á
hefðbundinn hátt við át, drykkju, skemmtidagskrá
og dans.
Félag aldraðra hélt þorrablót fyrir félaga sína í
Aratungu næst síðasta kvöld þorra. Þeir snæddu
hefðbundinn þorramat framreiddan af matmæðrum í
Aratungu og skemmtu svo hver öðrum með sögum,
lausavísum og upplestri. Tveir harmonikkuleikarar
þöndu hljóðfæri sín hvor í sínu lagi og 15 manna
kór, sem er hluti af Karlakór Hreppamanna söng.
Skálholtsskóli boðaði í byrjun mars eldri borgara í
uppsveitunum til samkomu og að þessu sinni komu
til fundar við þá nemendur úr 10. bekk Flúða- og
Reykholtsskóla. Ræddu þeir í átta 6-8 manna
hópum, sem í voru bæði ungir og gamlir, m. a. um
rímur, rapp, val á lífsstarfi og gildismat. Síðar um
daginn flutti sr. Sigurbjörn Einarsson, biskup, erindi
Kirkjubóndi og prófastur eftir messu á annan í jólum.
um lífsreynslu og viðhorf aldraðra.
í Skálholtsskóla hefur verið tekin í notkun viðbót
við skólahúsið með gistiherbergjum.
Undir lok nóvember var haldinn fundur um
ferðamál í Aratungu. Hann hafði yfirskriftina Gæði
og gestrisni 2003- 2006, Ferðaþjónusta í
Bláskógabyggð, tækifæri og framtíðarsýn.
Frummælendur voru Ásborg Arnþórsdóttir,
ferðamálafulltrúi, Sigurður Bjarnason,
atvinnuráðgjafi, og Rögnvaldur Guðmundsson,
ferðamálaráðgjafi. I hugmyndavinnu var lögð áher-
sla á afþreyingu, kynningu og samvinnu.
Annar fundur um sama efni var haldinn í Ara-
tungu í febrúar. Þar var Ásborg einnig frummælandi
og auk hennar Magnús Oddsson, formaður Ferða-
málaráðs og Einar Kr. Guðfinnsson, formaður
Ferðamálasamtaka íslands. í fréttum af fundinum
hefur verið greint frá að áætlað hafi verið að árið
2001 hafi verið um 950 þúsund heimsóknir ferða-
manna í uppsveitir Árnessýslu og þeir gætu hafa
skilið eftir 1,4 — 1,9 milljarða króna.
Um miðjan mars var haldin samkoma í Aratungu
sem hafði þann tilgang að afla fjár til að byggja
skála við þann sem fyrir er í Svartárbotnum. Farið
var með gamanmál, vísur og ljóð bæði af heima-
fólki og aðkomumönnum. Auk fjöldasöngs söng
flokkur er nefndi sig „Vini Svartárbotna", leikið var
á sög og harmonikku, bögglar boðnir upp og efnt til
happdrættis um ófætt folald, sem gefið var í þessu
skyni. Stjórn Veiðifélags Hvítárvatns tilkynnti að
ákveðið hefði verið að veita kr. 1.000.000,- til
Litli Bergþór 5