Litli Bergþór - 01.03.2003, Blaðsíða 9

Hreppsnefndarfréttir
ráðherrum forsætis, fjármála og félagsmála vegna
þjóðlendumála.
Umræða um snjómokstur. Rætt um snjómokst-
ur almennt en málinu síðan vísað til byggðaráðs.
8. fundur byggðaráðs 26. nóvember
Allir byggðaráðsmenn mættir.
Tilboð vegna snjómoksturs og skólaaksturs.
Samþykkt að fela sveitarstjóra að fara í viðræður við
lægstbjóðendur og ganga frá samningum.
Bréf frá Landgræðslu Ríkisins varðandi mögu-
leika á að girða af svæði milli Reyðarvatns og
Hvítár í Reykholtsdal. Byggðaráð telur að allar
breytingar verði að taka mið af því að kostnaður og
vinna vegna fjallskila og smölunar aukist ekki í Blá-
skógabyggð. Hvað varðar friðun þá verður að skoða
það nánar í samkomulagi við Grímsnes- og
Grafningshrepp.
Bréf frá Kammerkór Suðurlands þar sem beðið
er um fjárframlag vegna tónleika í Bláskógabyggð.
Samþykkt að styrkja kórinn um krónur 10.000,-
Frá íbúðalánasjóði. Umsóknarfrestur um heim-
ild til að ráðstafa viðbótarlánum árið 2003.
Samþykkt að sækja um heimild til að veita viðbótar-
lán til allt að þriggja aðila. Slík ábyrgð getur falið í
sér útgjöld að fjárhæð kr. 300.000.- Jafnframt bréf
vegna byggingar eða kaupa á leiguhúsnæði.
Sveitarstjóra falið að sækja um til sjóðsins.
Niðurfelling Svæðisskipulags Þingvalla-,
Grímsnes-og Grafningshrepps 1995-2015. Kynnt og
staðfest. Sveitarstjóra falið að rita formanni sam-
vinnunefndar svæðisskipulagsins bréf þar sem kynnt
er ákvörðun byggðaráðs.
Listi yfir þá sem hafa heimild til þess að panta
vörur í nafni Bláskógabyggðar í samræmi við
fjárhagsáætlun og staðfesta þá reikninga.
Fjallskil í Biskupstungum. Bókun Drífu: Drífa
Kristjánsdóttir leggur til að unnar verði tillögur um
breytingar á fjallskilum Biskupstungnamanna, en
fjallskilanefnd virðist ein íhaldssamasta stofnun
sveitarfélagsins og tillögur um breytingar ekki að
vænta þaðan. Tillögurnar lúti að því að minnka
kostnað við fjallskil og munu væntanlega kalla á
breytingar á leitum, fjölda þeirra og fyrirkomulagi.
Öll lögbýli greiða fjallskil og því er rétt að huga að
hag fleiri aðila en fjárbænda. Vísað til umræðu og
afgreiðslu í sveitarstjórn.
Staða heimasíðugerðar fyrir Bláskógabyggð.
Bókun Drífu: T-listinn leggur áherslu á að unnið sé
að uppfærslu heimasíðu Bláskógabyggðar reglulega
og að fundagerðir byggðaráðs og sveitarstjórnir
komi inn, daginn eftir að þær eru undirritaðar.
Einnig verði settar inn fundargerðir nefnda, inná
heimasíðuna, jafnóðum og þær eru afgreiddar í
sveitarstjórn.
Áhaldahús, starfsmannahald og skipulag.
Bókun Drífu: T-listinn gerir það að tillögu sinni að
samhliða gerð fjárhagsáætlunar verði farið vandlega
ofaní saumana á því fyrirkomulagi sem áhaldahús á
að gegna í framtíðinni. Fram komi sem fyrst
tillögur um ráðningarmál, staðsetningu yfirmanns og
fjölda starfsfólks svo hægt verði að gera viðeigandi
ráðstafanir til framtíðar.
Gjaldskrá vegna sundlaugar og íþróttahúss
Bláskógabyggðar í Reykholti. Samþykkt að hækka
gjald frá áramótum vegna fullorðinna í krónur 250
og kort í krónur 1700. Önnur verð óbreytt.
Tillögur um nefndarlaun fyrir kjörna fulltrúa
Bláskógabyggðar. Því er fagnað að tekist hefur að
samræma að mestu greiðslur á svæðisvísu.
Reglugerð og gjaldskrá um hundahald í Blá-
skógabyggð. Kynnt og samþykkt. Reglugerðin og
gjaldskrá verði kynnt í næstu útgáfu Bláskógafrétta.
Bréf frá kennurum Reykholtsskóla frá síðasta
fundi byggðaráðs 29. október sl. Byggðaráð leggur
til að greidd verði til kennara í Bláskógabyggð í
eigin húsnæði skólaárið 2002-2003 sérstök
húsnæðisþóknun kr. 10.000 á mánuði til þeirra
kennara sem hafa full kennsluréttindi. Viðkomandi
þarf að vera a.m.k. í 60% starfi og er greiðsla þessi í
samræmi við starfshlutfall viðkomandi. Byggðaráð
leggur jafnframt til að þessar greiðslur leggist af frá
1. ágúst 2003. Frá sama tíma hækki húsaleiga hjá
sveitarfélaginu. Bjarni vék af fundi undir þessum
dagskrárlið.
Bréf frá Jöfnunarsjóði um framlag sjóðsins kr.
325.000. vegna vinnu við sameiningu á bókhaldi
fyn um sveitarfélaga sem nú mynda Bláskógabyggð.
9. fundur sveitarstjórnar 10. desember
Allir aðalmenn mættir
Fundargerðir byggðaráðs frá 26. nóvember og
3. desember 2002. Kjartan leggur fram eftirfarandi
tillögu vegna 1. töluliðar byggðaráðs 26. október:
Sveitarstjórn Bláskógabyggðar samþykkir að bjóða
aftur út snjómokstur í sveitarfélaginu þar sem þeir
sem buðu í snjómokstur sátu ekki allir við sama
borð með útboðsgögn. Snæbjörn Sigurðsson vék af
fundi undir þessum tölulið. Tillagan var felld með 4
atkvæðum gegn 2. Bókun Þ-lista: Þ-listinn telur
einsýnt að bjóðendur annars vegar á Laugarvatni og
hins vegar í Reykholti, hafi setið við sama borð
vegna útboðs og mótmælir harðlega fullyrðingum
um annað. Vegna 2. töluliðar í fundargerð
byggðaráðs frá 26. nóvember hefur komið í ljós að
deiliskipulagstillaga sú er liggur fyrir samrýmist
ekki gildandi aðalskipulagi. Einnig þarf að
endurskoða byggingarskilmála og samræma þá m.a.
reglum Biskupstungnaveitu. Viðkomandi skipulag
verður því endursent hönnuði til nánari yfirferðar.
Bókun Þ- listans. Byggðaráð kemur fram sem
ein heild en ef einhver ágreiningur er innan
Litli Bergþór 9