Tímarit Þjóðræknisfélags Íslendinga - 01.01.1959, Blaðsíða 104

86
TÍMARIT ÞJÓÐRÆKNISFÉLAGS ÍSLENDINGA
Nú var nefndinni tjáð, að það stæði
til, að Fyrsti lúterski söfnuður byggði
samkomuhús á lóðinni fyrir sunnan
kirkjuna. Nefndin leitaði sér upplýsinga
um þetta, og komst að þeirri niðurstöðu,
að ef til vill gæti komið til máls, að
hægt væri að reisa hér hús, sem nægði
ekki aðeins þörfum safnaðarins, heldur
og þörfum íslendinga í heild.
Nefndin leggur því til, að tilvonandi
milliþinganefnd í byggingarmálum verði
heimilað að leita sér upplýsinga frekar
um möguleika á samvinnu milli kirkj-
unnar og félagsins.
Á þjóðræknisþingi í Winnipeg,
23. febr. 1959,
Björg ísfeld
Valdimar J. Eylands
Guðmann Levy
ólafur Hallson
Tryggvi J. Oleson.
Nokkrar umræður urðu um skýrsluna,
áður en hún hlaut samþykki óbreytt.
Tóku til máls í því sambandi dr. V. J.
Eylands, Ólafur Hallson og próf. T. J.
Oleson. Guðbjörg Sigurðsson gerði að
tillögu sinni, að milliþinganefnd í hús-
byggingarmálinu yrði endurkosin, og var
það samþykkt.
Lesin var orðsending til þinggesta frá
forseta Þjóðræknisfélagsins, dr. Richard
Beck, og frá gjaldkera þess, Gretti L.
Johannson, sem þeir nefndu „Eflum
þjóðræknisfélagið".
Eflum Þjóðræknisfélagið
Þjóðræknisfélag fslendinga í Vestur-
heimi á fertugsafmæli á þessu þingi.
Með tilliti til þessara tímamóta í sögu
félagsins, hóf núverandi forseti máls á
því í skýrslu sinni á þjóðræknisþinginu
í fyrra, að vel færi á því, að vinir og
velunnarar félagsins minntust þessa
merkisafmælis þess með fjárframlögum
í sérstakan afmælisjóð félaginu til efl-
ingar, en það hefir mjög takmarkaðar
tekjur, aðallega þann hluta af félags-
gjöldunum, sem gengur til þess, og þann
arð, sem húseign þess á Home Street í
Winnipeg gefur af sér árlega, að ó-
gleymdum nokkrum og sérstaklega
þakkarverðum fjárgjöfum ýmissa fé-
lagsmanna og kvenna.
Hins vegar hefir félagið allmargþætta
starfsemi með höndum. f fyrsta lagi
kemur þar til greina óhjákvæmilegur
kostnaður við rekstur þess, skrifstofu-
hald, bréfaskriftir og annað þess háttar,
og ferðakostnaður í þágu þess, þó að
vart þurfi að taka það fram, að embætt-
ísmenn þess eru með öllu ólaunaðir, en
vinna störf sín í hjáverkum frá skyldu-
störfum, eins og embættismenn allra
deilda þess.
Viðamesta starf félagsins er þó útgáfa
Tímarits þess, sem orðin er mjög kostn-
aðarsöm, en þess er þá jafnframt að
gæta, að þar er vafalaust um að ræða
varanlegasta verk þess, án þess lítið sé
gert úr öðrum merkum störfum þess.
Tímaritið, sem komið hefir út samfleytt
í 40 ár, er orðið mikið og merkilegt rit-
safn, að áliti margra hinna dómbærustu
manna á íslandi og víðar, eitthvert allra
vandaðasta og merkasta tímarit, sem
út hefir komið á íslenzku á síðari árum.
Milli spjalda þess er eigi aðeins að finna
sögu félagsins sjálfs, heldur einnig fé-
lagsmálasögu íslendinga í Vesturheimi
að eigi litlu leyti, og þar hefir verið birt
margt af því ágætasta og athyglisverð-
asta, sem ritað hefir verið á íslenzku
vestan hafs.
Þá stendur félagið að heimboðum og
heimsóknum merkra íslenzkra gesta
heiman um haf eða héðan úr álfu, fræði-
manna og annarra andlegra leiðtoga og
listafólks, sem vitanlega hefir kostnað
í för með sér og útheimtir nokkra
risnu af félagsins hálfu. Um hitt er óþarft
að fjölyrða, hve mikil ánægja fólki voru
er að slíkum heimsóknum og hve mikiU
andlegur gróði þær eru félagslífi voru.
Þá hefir félagið undanfarin ár veitt
vestur-íslenzku vikublöðunum nokkurn
árlegan fjárstyrk, en alkunnugt er, og
réttilega margendurtekið í ræðu og riti,
hver líftaug þau blöð eru allri félags-
legri starfsemi vor fslendinga hér í álfu.
Má enn fremur geta þess, að félagið hefir
lagt fram fé úr sjóði sínum til styrktar
skógræktinni á fslandi, jafnframt því að
einstakir félagsmenn og konur hafa stutt
það mál fjárhagslega. Enn fremur hefir
félagið lagt fram fé til ýmissa annarra
framkvæmda, þó að eigi verði það nánar
rakið hér.
En nóg hefir talið verið því til sönn-
unar, að félagið hefir með höndujn harla
víðtæka menningarstarfsemi í anda
stefnuskrár sinnar; það hefir á hinn bog-
inn, eins og þegar er gefið í skyn, úr tu-
tölulega litlu að spila fjárhagslega, en
með auknu fjármagni væri framtíð Þesí?
betur tryggð og það stæði að sama skapi
betur að vígi um félagslega og menn-
ingarlega starfsemi.
Viljum vér undirritaðir því hvetja
fólk til þess að minnast 40 ára afmaelis
félagsins með því að gerast styrktarie-
lagar þess, og skoðast öll slík framlog
sem tillag í afmælissjóð þess. Slíkar f]ar-
gjafir má senda til féhirðis félagsins, m-
Grettis L. Johannson, ræðismanns, <
Middle Gate, Winnipeg 1, Manitoba.
Með fyrirfram þökk og alúðarkveoju-
Richard Beck, forseti, . _.
Greliir L. Johannson, féhirðir-