Árbók VFÍ/TFÍ - 01.06.2008, Qupperneq 29

því á næsta starfsári að skilgreina betur hvaða nám þeir verði að hafa sem vilja nota starf-
sheitið tæknifræðingur. Að lokum vil ég þakka nefndarmönnum fyrir ánægjulegt sam-
starf á liðnu starfsári. MTFÍ er skipuð afar reynslumiklum einstaklingum sem setið hafa
í nefndinni til margra ára og geta miðlað af reynslu sinni þegar afgreiða þarf „óhefð-
bundnar" umsóknir.
Jóhannes Benediktsson formaður
Löggildingarnefnd TFf
I Löggildingarnefnd TFÍ sitja eftirtaldir: Árni Guðni Einarsson rafmagnstæknifræðingur,
Ragnar Kristinsson véltæknifræðingur og Ragnar Georg Gunnarsson byggingartækni-
fræðingur, formaður nefndarinnar. Nefndin hélt 8 fundi og voru tekin fyrir 21 mál á
starfsárinu, 13 mál frá byggingatæknifræðingum, 9 mál frá rafmagnstæknifræðingum en
ekkert mál frá véltæknifræðingum. Afgreiðsla mála ársins: Átta málum var synjað, sjö
málum var frestað og sex mál voru samþykkt.
Fundur var haldin 3. desember 2007 með formanni TFÍ og Loga Kristjánssyni fram-
kvæmdastjóra vegna þess að nokkrir hafa fengið samþykki Umhverfisráðuneytisins þrátt
fyrir afgreiðslu iöggildingarnefndar þar sem löggildingu var synjað. Loga var falið að
vinna að lausn málsins í samráði við ráðuneytið og er sú vinna í gangi. Töluvert er um að
rnisræmis gæti í bréfum og umsóknum til nefndarinnar jafnvel þótt gátlisti liggi fyrir.
Nefndarmenn þakka starfsfólki á skrifstofunni gott samstarf.
Ragnar G. Gunnarsson formaður
Skýrsla stjórnar STFÍ fyrir starfsárið 2007-2008
Aðalfundur STFÍ fyrir starfsárið 2006-2007 var haldinn þann 2. mars 2007. í stjórn voru
kjörnir Daði Ágústsson formaður, Magnús Þór Karlsson gjaldkeri og Ingvar Blængsson
ritari. Stjórn STFI hélt tvo formlega stjórnarfundi á starfsárinu sem færðir voru til bókar
og einn óformlegan sem ekki var skráður.
Fundir
Stjórn STFÍ stóð ekki fyrir neinum uppákomum á starfsárinu.
Magnús Þór Karlsson og Ingvar Blængsson hafa setið stjórnarfundi TFÍ til skiptis, þ.e.
annað hvert skipti. Einnig hefur formaður sótt nokkra fundi.
Fjárhagur STFI er góður eins og fyrri ár. Samkvæmt ársreikningi voru tekjur umfram
gjöld á árinu.
Framtíð STFÍ
Stjórn STFI ætlar að bjóða upp á minnsta kosti tvo fyrirlestra á næsta starfsári og munu
stjórnarmenn gera sitt besta til að það verði að veruleika.
2 7
Félagsmá
V f I / T F í