Árbók VFÍ/TFÍ - 01.06.2008, Qupperneq 34

Nýr vefur
f mars 2008 voru nýir vefir VFÍ og TFÍ teknir í notkun og nýr vefur SV um mánaðamótin
apríl-maí. Vefumsjónarkerfið nefnist Eplica og er frá Hugsmiðjunni. Utlit vefja félaganna
er samræmt, efni samnýtt og fréttir og spjallþræðir sameiginlegir. Með aðalfundarboðum
var félögum VFÍ og TFÍ sent lykilorð svo þeir komist inn á spjallþræðina, geti skoðað
grunnskráningu í félagakerfinu og séð nýjustu útgáfu af Verktækni um leið og hún
kemur út. Nú geta félagsmenn og væntanlegir félagar fylgst með afgreiðslu á umsóknum
sínum á heimasíðunni. í næstu áföngum við vefinn verður komið inn upplýsingum um
félagið á ensku. Sitthvað fleira er í undirbúningi varðandi vefinn en nýja vefumsjónar-
kerfið gefur ýmsa nýja möguleika.
Fleiri félagasamtök væntanleg í Verkfræðingahús
Á Engjateigi 9 eru nú þegar á annan tug félagasamtaka. Fyrir utan VFÍ, TFÍ og SV er
Stéttarfélagi tölvunarfræðinga og Stéttarfélagi byggingarfræðinga veitt þjónusta á
Kjarasviði. Byggingarfræðingafélag íslands, Iðnfræðingafélag íslands, Félag íslenskra
landslagsarkitekta og Félag húsgagna- og innhússarkitekta eru með aðstöðu á annarri
hæð til vinstri. Hinum megin eru Arkitektafélag Islands, Félag ráðgjafarverkfræðinga og
Félag sjálfstætt starfandi arkitekta. Á jarðhæðinni í herberginu inn af salnum hafa
Verkefnastjórnunarfélagið og Skipulagsfræðingar haft aðstöðu fyrir gögn. Félag tölv-
unarfræðinga hefur svo einnig fengið aðstöðu til að halda sína „samlokufundi" í húsinu.
Skýrslutæknifélagið
I sumar bættist Skýrslutæknifélag íslands í hóp þeirra félaga sem eru á Engjateigi og
verða þau þá fimmtán talsins. Það hefur verið stefna Verkfæðingafélagsins að efla og
styrkja fjölbreyttni starfseminnar með því að sameina undir einu þaki félög tæknimanna.
Tekist á um verðlaunagripinn á VerkTækni
golfmótinu.
VerkTækni golfmótið
Árlegt golfmót VFÍ og TFÍ, VerkTækni golfmótið,
var haldið í ellefta sinn þann 10. ágúst 2007. Mótið
fór fram á golfvelli Golfklúbbs Borgarness og þótti
takast vel. Tæknifræðingar fóru með sigur af hólmi
í sveitakeppninni og hafa þeir unnið tíu sinnum,
aðeins einu sinni hafa verkfræðingar náð að sigra.
Leikar fóru þannig að tæknifræðingar unnu
sveitakeppnina með 26 höggum eða 426 höggum á
móti 452 höggum verkfræðinga. Besta skor fimm
golfara úr hvoru liði ræður úrslitunum.
Fundir og ráðstefnur
Fjöldi funda, skoðunarferða og ráðstefna voru haldnar á vegum félagsins á starfsárinu og
ber það vott um öflugt og fjölbreytt starf. Nánara samstarf TFÍ, VFI og SV var í brenni-
depli og afraksturinn var samningur um samrekstur skrifstofu félaganna. Nýtt rekstrar-
fyrirkomulag tók gildi um áramótin 2007-2008. Menntunarmál verkfræðinga og
tæknifræðinga voru einnig í brennidepli nú sem fyrr. Samlokufundir áttu sinn fasta stað
í félagsstarfinu og voru vel sóttir. Á vegum deilda var farið í heimsóknir til fyrirtækja og
í skoðunarferðir.