Árbók VFÍ/TFÍ - 01.06.2008, Qupperneq 37

Varamenn voru endurkjörnir þeir Steinar Magnússon og Ólafur Sigurðsson.
Endurskoðendur voru kjörnir Birgir Baldursson og Heimir Gunnarsson.
Báðar stjórnirnar fundaðu fimm sinnum á starfsárinu. Fjórir fundanna voru haldnir
sameiginlega.
Síldarkvöld
Árlegt síldarkvöld NTFÍ og NVFÍ var haldið 23. mars 2007 og var þar vel mætt. Eftir
borðhald flutti jón Heiðar Þorvaldsson sérfræðingur hjá RHA erindi um heilsársveg yfir
Kjöl.
Ferð á Austfirði
Farið var í kynningarferð austur á land 22. september 2007 og var lagt í hann snemma
morguns. Haldið var á Reyðarfjörð þar sem fulltrúar Fjarðaáls tóku á móti félags-
mönnum. Álver Fjarðaáls var skoðað eins og kostur var en þar sem starfsemin var ekki
komin í fullan gang var einungis farið um svæðið í rútu og var það hið ágætasta ferðalag.
Einnig var farin skoðunarferð gegnum Fáskrúðsfjarðargöng. Að lokinni heimsókn til
Fjarðaáls var ekið að Lagarfossvirkjun og hún skoðuð. Að lokum var komið við í
Möðrudal á heimleið.
Lokaorð
Starfsár beggja félaga sem hér hefur verið gerð grein fyrir hefur verið frekar rólegt hvað
félagsstarfið varðar og er þar að mestu um að kenna annríki stjórnarmanna í sínum störf-
um. Samvinna innan stjórnanna hefur verið til fyrirmyndar og samstarf félaganna með
miklum ágætum. Stjórnir NVFÍ og NVFÍ vilja þakka félögum ágætt samstarf á starfsárinu
og vænta enn frekari þátttöku félaga á líðandi starfsári.
Kristinn Magnússon, formaður NVFI.
Stefán Steindórsson, formaður NTFI
Hagsmunafélag um eflingu verk- og tæknimenntunar
Árið 2007 voru haldnir tveir fundir í félaginu, þann 16. og 31. maí. Stjórnarmenn eru sam-
mála um að mikilvægt sé að stuðla að góðri stærðfræðikennslu á grunnskólastigi og
félagið lyfti undir góðar gjörðir á því sviði. Viðurkenning til skóla sem skilað hafa hæstri
meðaleinkunn í samræmdum prófurn 10. bekkjar í stærðfræði er mikilvæg. Starfsemi
félagsins fluttist frá Samtökum iðnaðarins til skrifstofu VFI og TFÍ í árslok 2007. Frá þeim
tíma eru félögin ábyrg fyrir rekstri félagsins, bæði fjárhagslegri umsýslu og framkvæmd
verkefna. Byrjað var að færa verkefni yfir til skrifstofumaar haustið 2007.
Ingi Bogi Bogason var formaður félagsins til vors 2008. Þá tóku fulltrúar Háskóla íslands
og Háskólans í Reykjavík við stjórnarformennsku.
Magnús H. Gíslason
Endurmenntunar- og símenntunar-nefnd VFÍ,TF(, AV og SV
Endurmenntunar- og símenntunarnefnd VFI, TFI, AV og SV (ENSÍM) starfar að endur-
menntunarmálum félaganna. Starf nefndarinnar hefur verið skipt niður í samræmi við
deildir félagsins. Nefndin hefur einnig samstarf við arkitekta varðandi námskeiðahald.
Fyrir rúmu ári var fyrirkomulaginu breytt á þann veg að aðilar sem tengjast störfum
deildanna koma nú að störfum ENSIM-nefndarinnar.
3 5
Félagsmál Vfí/TFÍ